ມຽນມາສ້າງຕັ້ງຄະນະກຳມະການປະຕິຮູບຊຸກຍູ້ການປັບປຸງຊີວິດການເປັນຢູ່ຂອງປະຊາຊົນ
(GMT+08:00) 2013-08-13 15:23:15 cri
ຕາມຂ່າວCRI：ຫວ່າງກ່ອນນີ້ບໍ່ດົນ, ມຽນມາໄດ້ສ້າງຕັ້ງຄະນະກຳມະການນຳພາການປະຕິຮູບແຫ່ງຊາດທີ່ນຳພາໂດຍທ່ານເທນ ເຊັນ, ປະທານາທິບໍດີມຽນມາ, ເພື່ອຊຸກຍູ້ການປະຕິຮູບ, ຕອບສະໜອງຄວາມຕ້ອງການຂັ້ນພື້ນຖານຂອງສັງຄົມກໍຄືດ້ານເສດຖະກິດແລະຊີວິດການເປັນຢູ່ຂອງປະຊາຊົນ.
ຕາມການລາຍງານຂ່າວຂອງໜັງສືພິມ《ເດີນິວໄລອອບມຽນມາ》, ວັນທີ9ສິງຫານີ້, ທ່ານເທນ ເຊັນໄດ້ກ່າວໃນກອງປະຊຸມເຈົ້າໜ້າທີ່ຂັ້ນສູນກາງແລະທ້ອງຖິ່ນວ່າ, ລັດຖະບານສະໄໝນີ້ໄດ້ສ້າງພື້ນຖານໃຫ້ແກ່ການປ່ຽນຮູບການປະຊາທິປະໄຕໃນ30ເດືອນທຳອິດຂອງອາຍຸການ5ປີ, ເຊິ່ງໄດ້ສ້າງສະພາບແວດລ້ອມດ້ານການເມືອງພາຍໃນເປັນຢ່າງດີ, ພ້ອມກັນນັ້ນຍັງໄດ້ດັດແປງກົດໝາຍຂໍ້ກຳນົດຢ່າງຫຼວງຫຼາຍໃຫ້ແກ່ການປະຕິຮູບດ້ານເສດຖະກິດສັງຄົມ, ແລະເລີ່ມເຊື່ອມໂຍງເຂົ້າກັບຕະຫຼາດສາກົນ.
ທ່ານກ່າວວ່າ, ໃນ30ເດືອນຕໍ່ໜ້ານີ້, ລັດຖະບານສະໄໝນີ້ຈະຕອບສະໜອງຄວາມຕ້ອງການດ້ານຊີວິດການເປັນຢູ່ຂອງປະຊາຊົນກ່ອນໝູ່. ລັດຖະບານຈະວາງແຜນການປະຕິບັດງານຢ່າງເປັນລະບົບ, ລວມທັງການພັດທະນາກຳລັງໄຟຟ້າ, ກະສິກຳ, ວິສາຫະກິດຂະໜາດກາງແລະນ້ອຍແລະເຂດອຸດສາຫະກຳທີ່ສາມາດເພີ່ມການປະກອບອາຊີບກ່ອນໝູ່. ທ່ານຍັງກ່າວເນັ້ນວ່າ, ຕ້ອງອອກແຮງພັດ ທະນາຂະແໜງການທ່ອງທ່ຽວ, ດຶງດູດການລົງທຶນຈາກຕ່າງປະເທດເພື່ອຊຸກຍູ້ການພັດທະນາດ້ານເສດຖະກິດ.
ທ່ານເທນ ເຊັນຍັງໄດ້ຕິຕຽນພາກສ່ວນທີ່ເຮັດວຽກຍັງບໍ່ທັນໄດ້ດີຈຳນວນໜຶ່ງໃນດ້ານການເລັ່ງລັດການປະຕິຮູບ, ການຄຸ້ມຄອງດ້ານການບໍລິຫານ, ການສະໜອງຄວາມຕ້ອງການຂອງປະຊາຊົນແລະອື່ນໆ. ທ່ານເຕືອນໃຫ້ເຈົ້າໜ້າທີ່ແຕ່ລະຂັ້ນຈົ່ງເພີ່ມທະວີຄວາມຮັບຜິດຊອບ, ເພີ່ມທະວີການປະສານງານແລະການຮ່ວມມືລະຫວ່າງສ່ວນ, ລະຫວ່າງສູນກາງແລະທ້ອງຖິ່ນ, ປະຕິບັດມາດຕະການການປະຕິຮູບຕົວຈິງ.
ຕາມການລາຍງານຂ່າວຂອງໜັງສືພິມ《ເດີນິວໄລອອບມຽນມາ》, ວັນທີ9ສິງຫານີ້, ທ່ານເທນ ເຊັນໄດ້ກ່າວໃນກອງປະຊຸມເຈົ້າໜ້າທີ່ຂັ້ນສູນກາງແລະທ້ອງຖິ່ນວ່າ, ລັດຖະບານສະໄໝນີ້ໄດ້ສ້າງພື້ນຖານໃຫ້ແກ່ການປ່ຽນຮູບການປະຊາທິປະໄຕໃນ30ເດືອນທຳອິດຂອງອາຍຸການ5ປີ, ເຊິ່ງໄດ້ສ້າງສະພາບແວດລ້ອມດ້ານການເມືອງພາຍໃນເປັນຢ່າງດີ, ພ້ອມກັນນັ້ນຍັງໄດ້ດັດແປງກົດໝາຍຂໍ້ກຳນົດຢ່າງຫຼວງຫຼາຍໃຫ້ແກ່ການປະຕິຮູບດ້ານເສດຖະກິດສັງຄົມ, ແລະເລີ່ມເຊື່ອມໂຍງເຂົ້າກັບຕະຫຼາດສາກົນ.
ທ່ານກ່າວວ່າ, ໃນ30ເດືອນຕໍ່ໜ້ານີ້, ລັດຖະບານສະໄໝນີ້ຈະຕອບສະໜອງຄວາມຕ້ອງການດ້ານຊີວິດການເປັນຢູ່ຂອງປະຊາຊົນກ່ອນໝູ່. ລັດຖະບານຈະວາງແຜນການປະຕິບັດງານຢ່າງເປັນລະບົບ, ລວມທັງການພັດທະນາກຳລັງໄຟຟ້າ, ກະສິກຳ, ວິສາຫະກິດຂະໜາດກາງແລະນ້ອຍແລະເຂດອຸດສາຫະກຳທີ່ສາມາດເພີ່ມການປະກອບອາຊີບກ່ອນໝູ່. ທ່ານຍັງກ່າວເນັ້ນວ່າ, ຕ້ອງອອກແຮງພັດ ທະນາຂະແໜງການທ່ອງທ່ຽວ, ດຶງດູດການລົງທຶນຈາກຕ່າງປະເທດເພື່ອຊຸກຍູ້ການພັດທະນາດ້ານເສດຖະກິດ.
ທ່ານເທນ ເຊັນຍັງໄດ້ຕິຕຽນພາກສ່ວນທີ່ເຮັດວຽກຍັງບໍ່ທັນໄດ້ດີຈຳນວນໜຶ່ງໃນດ້ານການເລັ່ງລັດການປະຕິຮູບ, ການຄຸ້ມຄອງດ້ານການບໍລິຫານ, ການສະໜອງຄວາມຕ້ອງການຂອງປະຊາຊົນແລະອື່ນໆ. ທ່ານເຕືອນໃຫ້ເຈົ້າໜ້າທີ່ແຕ່ລະຂັ້ນຈົ່ງເພີ່ມທະວີຄວາມຮັບຜິດຊອບ, ເພີ່ມທະວີການປະສານງານແລະການຮ່ວມມືລະຫວ່າງສ່ວນ, ລະຫວ່າງສູນກາງແລະທ້ອງຖິ່ນ, ປະຕິບັດມາດຕະການການປະຕິຮູບຕົວຈິງ.
