ນະຄອນຫຼວງວຽງຈັນສະຫຼອງວັນສື່ມວນຊົນລາວແລະ ວັນການພິມຈຳໜ່າຍຄົບຮອບ 63 ປີ
(GMT+08:00) 2013-08-14 18:29:42 cri
ວັນທີ 13 ສິງຫານີ້, ທີ່ຫໍວັດທະນະທຳແຫ່ງຊາດນະຄອນຫຼວງວຽງຈັນ, ກະຊວງຖະແຫຼງຂ່າວວັດທະນະທຳແລະທ່ອງທ່ຽວໄດ້ຈັດພິທີສະຫຼອງວັນສື່ມວນຊົນລາວແລະ ວັນການພິມຈຳໜ່າຍຄົບຮອບ 63 ປີຢ່າງຄຶກຄື້ນ, ໂດຍມີທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫຼງຂ່າວ, ວັດທະນະທຳແລະ ທ່ອງທ່ຽວ, ປະທານສະມາຄົມນັກຂ່າວແຫ່ງຊາດລາວ, ແຂກຖືກເຊີນ, ບັນດາສື່ມວນຊົນທັງພາຍໃນແລະຕ່າງປະເທດເຂົ້າຮ່ວມເກືອບ 200 ຄົນ.
ໃນພິທີດັ່ງກ່າວ, ທ່ານ ສະຫວັນຄອນ ຣາຊະມຸນຕີ ລັດຖະມົນຕີຊ່ວຍວ່າການກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວ ໄດ້ຂື້ນລາຍງານສະພາບການເຄື່ອນໄຫວຂອງວົງການສື່ມວນຊົນ ແລະ ການພິມຈຳໜ່າຍຂອງລາວໃນໄລຍະຜ່ານມາ. ທ່ານກ່າວວ່າ: ສື່ມວນຊົນປະຕິວັດລາວນັບມື້ນັບເຕີບໃຫຍ່ຂະຫຍາຍຕົວ ນັບທັງດ້ານປະລິມານ ແລະ ຄຸນນະພາບ, ມາຮອດປັດຈຸບັນ ໄດ້ມີຄົບທຸກເພດສື່, ເປັນຕົ້ນແມ່ນສື່ສິ່ງພິມຈາກ 90 ສະບັບ ໃນປີ 2010ຂະຫຍາຍໄປຮອດ 118 ສະບັບ, ວິທະຍຸກະຈາຍສຽງເພີ່ມຂື້ນຈາກ 43 ສະຖານີໃນປີ 2010 ມາເປັນ 53 ສະຖານີ, ໃນນັ້ນ, ມີວິທະຍຸຊຸມຊົນເພື່ອການພັດທະນາ 4 ແຫ່ງ. ສະຖານີໂທລະພາບກໍ່ເພີ່ມຂື້ນຈາກ 32 ສະຖານີໃນປີ 2010 ມາເປັນ 37 ສະຖານີໃນປັດຈຸບັນ. ພ້ອມນັ້ນ, ລະບົບຂ່າວສານຜ່ານອິນເຕີເນັດ, ຂໍ້ຄວາມສັ້ນຜ່ານໂທລະສັບມືຖື ແລະ ເວັບໄຊຕ່າງໆກໍ່ໄດ້ຂະຫຍາຍຕົວ.
ນອກນັ້ນ, ການມອບໃບຍ້ອງຍໍໃຫ້ບັນດາສື່ມວນຊົນ ແລະ ສື່ສິ່ງພິມທີ່ມີຜົນງານດີເດັ່ນຈາກພາກສ່ວນຕ່າງໆຈຳນວນ 102 ຄົນ ປະຈຳປີ 2013 ກໍ່ໄດ້ຈັດຂື້ນໃນພິທີດັ່ງກ່າວ.
ໃນພິທີດັ່ງກ່າວ, ທ່ານ ສະຫວັນຄອນ ຣາຊະມຸນຕີ ລັດຖະມົນຕີຊ່ວຍວ່າການກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວ ໄດ້ຂື້ນລາຍງານສະພາບການເຄື່ອນໄຫວຂອງວົງການສື່ມວນຊົນ ແລະ ການພິມຈຳໜ່າຍຂອງລາວໃນໄລຍະຜ່ານມາ. ທ່ານກ່າວວ່າ: ສື່ມວນຊົນປະຕິວັດລາວນັບມື້ນັບເຕີບໃຫຍ່ຂະຫຍາຍຕົວ ນັບທັງດ້ານປະລິມານ ແລະ ຄຸນນະພາບ, ມາຮອດປັດຈຸບັນ ໄດ້ມີຄົບທຸກເພດສື່, ເປັນຕົ້ນແມ່ນສື່ສິ່ງພິມຈາກ 90 ສະບັບ ໃນປີ 2010ຂະຫຍາຍໄປຮອດ 118 ສະບັບ, ວິທະຍຸກະຈາຍສຽງເພີ່ມຂື້ນຈາກ 43 ສະຖານີໃນປີ 2010 ມາເປັນ 53 ສະຖານີ, ໃນນັ້ນ, ມີວິທະຍຸຊຸມຊົນເພື່ອການພັດທະນາ 4 ແຫ່ງ. ສະຖານີໂທລະພາບກໍ່ເພີ່ມຂື້ນຈາກ 32 ສະຖານີໃນປີ 2010 ມາເປັນ 37 ສະຖານີໃນປັດຈຸບັນ. ພ້ອມນັ້ນ, ລະບົບຂ່າວສານຜ່ານອິນເຕີເນັດ, ຂໍ້ຄວາມສັ້ນຜ່ານໂທລະສັບມືຖື ແລະ ເວັບໄຊຕ່າງໆກໍ່ໄດ້ຂະຫຍາຍຕົວ.
ນອກນັ້ນ, ການມອບໃບຍ້ອງຍໍໃຫ້ບັນດາສື່ມວນຊົນ ແລະ ສື່ສິ່ງພິມທີ່ມີຜົນງານດີເດັ່ນຈາກພາກສ່ວນຕ່າງໆຈຳນວນ 102 ຄົນ ປະຈຳປີ 2013 ກໍ່ໄດ້ຈັດຂື້ນໃນພິທີດັ່ງກ່າວ.
