ສູນຈີນ-ອາຊຽນກັບອົງການລັດຖະມົນຕີວ່າການກະຊວງສຶກສາທິການຂອງອາຊີຕາເວັນອອກສຽງໃຕ້ຈັດພິທີເຊັນບົດບັນທຶກຄວາມເຂົ້າໃຈດ້ານການຮ່ວມມືຢູ່ໄທ
(GMT+08:00) 2013-08-14 12:31:44 cri
ຕາມຂ່າວCRI：ວັນທີ13ສິງຫານີ້, ສູນຈີນ-ອາຊຽນກັບອົງການລັດຖະມົນຕີວ່າການກະຊວງສຶກສາທິການຂອງອາຊີຕາເວັນອອກສຽງໃຕ້ຫຼືSEAMEOໄດ້ຈັດພິທີເຊັນບົດບັນທຶກຄວາມເຂົ້າໃຈດ້ານການຮ່ວມມືຢູ່ນະຄອນ ຫຼວງບາງກອກຂອງໄທ. ທ່ານໝາ ມິງ ຊຽງ, ເລຂາທິການໃຫຍ່ຂອງສູນຈີນ-ອາຊຽນແລະທ່ານດຣ. ວິທະຍາ ຈີຣະແດຊາກຸນ, ເລຂາທິການໃຫຍ່ຂອງອົງການSEAMEOໄດ້ເຂົ້າຮ່ວມພິທີແລະລົງນາມໃນຄັ້ງນີ້.
ສູນຈີນ-ອາຊຽນກັບອົງການSEAMEOໄດ້ສ້າງການພົວພັນດ້ານການຮ່ວມມືຢ່າງເປັນທາງການນັບແຕ່ ເດືອນພຶດສະພາປີ2012ເປັນຕົ້ນມາ, ໃນຖານະເປັນອົງການປະສານງານທີ່ດຳເນີນການຮ່ວມມືລະ ຫວ່າງຈີນກັບອາຊຽນອົງການດັ່ງກ່າວອອກແບບແລະຊຸກຍູ້ໂຄງການຮ່ວມມືໃນຂົງເຂດການສຶກສາ, ວັດທະນະທຳແລະອື່ນໆ. ໃນ1ປີກວ່າທີ່ຜ່ານມາ, ສອງຝ່າຍໄດ້ເຂົ້າຮ່ວມກິດຈະກຳທີ່ຈັດຂຶ້ນຮ່ວມກັນເປັນປະຈຳ, ແລະໄດ້ຮ່ວມກັນເຂົ້າຮ່ວມກິດຈະກຳສັບປະດາດແລກປ່ຽນດ້ານການສຶກສາຈີນ-ອາຊຽນຄັ້ງທີ5ທີ່ຈັດຂຶ້ນໂດຍກະຊວງການສຶກສາທິການຂອງຈີນ, ໂດຍແມ່ນພະແນກສຶກສາທິການແຂວງກຸຍ ໂຈ່ວເປັນເຈົ້າພາບໃນເດືອນກັນຍາປີ2012. ຫຼັງຈາກນັ້ນ, ສອງຝ່າຍຍັງໄດ້ບັນລຸຄວາມເຫັນທີ່ເປັນເອກະພາບກັນກ່ຽວກັບການຮ່ວມກັບພະແນກສຶກສາທິການແຂວງກຸຍໂຈ່ວຈັດກິດຈະກຳສັບປະດາການແລກປ່ຽນດ້ານການສຶກສາຈີນ-ອາຊຽນ, ເຊິ່ງໄລຍະຜ່ານມາໄດ້ຈັດກອງປະຊຸມຮ່ວມ3ຝ່າຍຄັ້ງທຳອິດແລະໄດ້ສ້າງຕັ້ງຄະນະກຳມະການຮ່ວມ3ຝ່າຍຂຶ້ນ, ເຊິ່ງມີຈຸດປະສົງເພື່ອສ້າງກຳລັງແຮງຮ່ວມ, ເພື່ອສະໜອງການບໍລິການແລະສະໜັບສະໜູນໃຫ້ກິດຈະກຳສັບປະດາດແລກປ່ຽນສຶກສາຈີນ-ອາຊຽນ, ຊຸກຍູ້ການຮ່ວມມືແລະແລກປ່ຽນກັນລະຫວ່າງຈີນກັບປະເທດອາຊຽນ.
ວັນທີ23ພຶດສະພາ2013, ກອງປະຊຸມປະສານງານລະຫວ່າງສູນຈີນ-ອາຊຽນກັບອົງການ SEAMEO ຄັ້ງທຳອິດໄດ້ຈັດຂຶ້ນຢູ່ສູນຈີນ-ອາຊຽນ, ແລະໄດ້ບັນລຸຄວາມເຫັນທີ່ເປັນເອກະພາບກັນກ່ຽວກັບລາຍລະອຽດຂອງບົດບັນທຶກຄວາມເຂົ້າໃຈດ້ານການຮ່ວມມືທີ່ສອງຝ່າຍຈະໄດ້ເຊັນກັນ, ແລະໄດ້ປຶກສາຫາລືກ່ຽວກັບແນວຄວາມິດແຫ່ງການຮ່ວມມືຢ່າງເປັນລະບົບ.
SEAMEOແມ່ນອົງການສາກົນລະຫວ່າງລັດຖະບານທີ່ມີລັກສະນະພາກພື້ນແຫ່ງໜຶ່ງ, ສ້າງຕັ້ງຂຶ້ນຮ່ວມໂດຍລັດຖະບານຂອງບັນດາປະເທດອາຊີຕາເວັນອອກສຽງໃຕ້ໃນປີ1965, ເຊິ່ງມີຈຸດປະສົງເພື່ອຊຸກຍູ້ການຮ່ວມມືດ້ານການສຶກສາ, ວິທະຍາສາດ, ແລະວັດທະນະທຳລະຫວ່າງປະເທດຕ່າງໆໃນພາກພື້ນນີ້.
ສູນຈີນ-ອາຊຽນກັບອົງການSEAMEOໄດ້ສ້າງການພົວພັນດ້ານການຮ່ວມມືຢ່າງເປັນທາງການນັບແຕ່ ເດືອນພຶດສະພາປີ2012ເປັນຕົ້ນມາ, ໃນຖານະເປັນອົງການປະສານງານທີ່ດຳເນີນການຮ່ວມມືລະ ຫວ່າງຈີນກັບອາຊຽນອົງການດັ່ງກ່າວອອກແບບແລະຊຸກຍູ້ໂຄງການຮ່ວມມືໃນຂົງເຂດການສຶກສາ, ວັດທະນະທຳແລະອື່ນໆ. ໃນ1ປີກວ່າທີ່ຜ່ານມາ, ສອງຝ່າຍໄດ້ເຂົ້າຮ່ວມກິດຈະກຳທີ່ຈັດຂຶ້ນຮ່ວມກັນເປັນປະຈຳ, ແລະໄດ້ຮ່ວມກັນເຂົ້າຮ່ວມກິດຈະກຳສັບປະດາດແລກປ່ຽນດ້ານການສຶກສາຈີນ-ອາຊຽນຄັ້ງທີ5ທີ່ຈັດຂຶ້ນໂດຍກະຊວງການສຶກສາທິການຂອງຈີນ, ໂດຍແມ່ນພະແນກສຶກສາທິການແຂວງກຸຍ ໂຈ່ວເປັນເຈົ້າພາບໃນເດືອນກັນຍາປີ2012. ຫຼັງຈາກນັ້ນ, ສອງຝ່າຍຍັງໄດ້ບັນລຸຄວາມເຫັນທີ່ເປັນເອກະພາບກັນກ່ຽວກັບການຮ່ວມກັບພະແນກສຶກສາທິການແຂວງກຸຍໂຈ່ວຈັດກິດຈະກຳສັບປະດາການແລກປ່ຽນດ້ານການສຶກສາຈີນ-ອາຊຽນ, ເຊິ່ງໄລຍະຜ່ານມາໄດ້ຈັດກອງປະຊຸມຮ່ວມ3ຝ່າຍຄັ້ງທຳອິດແລະໄດ້ສ້າງຕັ້ງຄະນະກຳມະການຮ່ວມ3ຝ່າຍຂຶ້ນ, ເຊິ່ງມີຈຸດປະສົງເພື່ອສ້າງກຳລັງແຮງຮ່ວມ, ເພື່ອສະໜອງການບໍລິການແລະສະໜັບສະໜູນໃຫ້ກິດຈະກຳສັບປະດາດແລກປ່ຽນສຶກສາຈີນ-ອາຊຽນ, ຊຸກຍູ້ການຮ່ວມມືແລະແລກປ່ຽນກັນລະຫວ່າງຈີນກັບປະເທດອາຊຽນ.
ວັນທີ23ພຶດສະພາ2013, ກອງປະຊຸມປະສານງານລະຫວ່າງສູນຈີນ-ອາຊຽນກັບອົງການ SEAMEO ຄັ້ງທຳອິດໄດ້ຈັດຂຶ້ນຢູ່ສູນຈີນ-ອາຊຽນ, ແລະໄດ້ບັນລຸຄວາມເຫັນທີ່ເປັນເອກະພາບກັນກ່ຽວກັບລາຍລະອຽດຂອງບົດບັນທຶກຄວາມເຂົ້າໃຈດ້ານການຮ່ວມມືທີ່ສອງຝ່າຍຈະໄດ້ເຊັນກັນ, ແລະໄດ້ປຶກສາຫາລືກ່ຽວກັບແນວຄວາມິດແຫ່ງການຮ່ວມມືຢ່າງເປັນລະບົບ.
SEAMEOແມ່ນອົງການສາກົນລະຫວ່າງລັດຖະບານທີ່ມີລັກສະນະພາກພື້ນແຫ່ງໜຶ່ງ, ສ້າງຕັ້ງຂຶ້ນຮ່ວມໂດຍລັດຖະບານຂອງບັນດາປະເທດອາຊີຕາເວັນອອກສຽງໃຕ້ໃນປີ1965, ເຊິ່ງມີຈຸດປະສົງເພື່ອຊຸກຍູ້ການຮ່ວມມືດ້ານການສຶກສາ, ວິທະຍາສາດ, ແລະວັດທະນະທຳລະຫວ່າງປະເທດຕ່າງໆໃນພາກພື້ນນີ້.
