ໄທຈະຈັດເວທີປຶກສາຫາລືເພື່ອປຶກສາຫາລືທິດການປະຕິຮູບດ້ານການເມຶອງໃນເດືອນໜ້າ
ວັນທີ14ສິງຫານີ້,ສື່ມວນຊົນໄທລາຍງານວ່າ,ລັດຖະບານໄທຈະຈັດເວທີປຶກສາຫາລືກ່ຽວກັບການປະຕິຮູບດ້ານການເມຶອງໃນວັນທີ2ກັນຍາໜ້ານີ້ເພື່ອປຶກສາຫາລືທິດການພັດທະນາດ້ານການເມຶອງຂອງໄທໃນຕໍ່ໜ້າ.
ທ່ານນາງ ຍິ່ງລັກ ຊິນນະວັດນາຍົກລັດຖະມົນຕີໄທກ່າວວ່າ,ພາຍຫລັງເວທີປາໄສໄດ້ບັນລຸຄວາມຮັບຮູ້ທີ່ເປັນເອກະສັນກັນກ່ຽວກັບບັນຫາການປະຕິຮູບດ້ານການເມຶອງແລ້ວ,ຈະສ້າງຄະນະກໍາມະການການປະຕິຮູບດ້ານການເມຶອງ ແລະສະເໜີແນວທາງການປະຕິຮູບດ້ານການເມຶອງທີ່ຈະແຈ້ງໃນເວລາປະມານສອງຫາສາມເດືອນຂ້າງໜ້ານນີ້.
ວັນທີ13ສິງຫານີ້,ທ່ານນາງ ຍິ່ງລັກ ຊິນນະວັດໄດ້ເຊີນທ່ານອະພິສິດ ເວດຊະຊີວະ ຫົວໜ້າພັກປະຊາທິປັດທີ່ເປັນພັກຝ່າຍຄ້ານໃຫຍ່ກວ່າໝູ່ຂອງໄທເຂົ້າຮ່ວມໃນເວທີນີ້.ແຕ່ວ່າພັກຝ່າຍຄ້ານມີທ່າທີຄັກຄ້ານຕໍ່ເວທີດັ່ງກ່າວນີ້.
ເຈົ້າໜ້າທີ່ທີ່ກ່ຽວຂ້ອງຂອງລັດຖະບານໄທກ່າວວ່າ,ໃນປັດຈຸບັນນີ້,ບຸກຄົນທີ່ມີຊື່ສຽງຂອງໂລກຫລາຍຄົນໄດ້ຮັບການເຊື້ອເຊີນໃຫ້ເຂົ້າຮ່ວມເວທີປຶກສາຫາລືດັ່ງກ່າວເຊັ່ນທ່ານ ໂຕນີ ແບຼ ອະດີດນາຍົກລັດຖະມົນຕີອັງກິດ,ທ່ານອັກຕິສະລີ ອະດີດປະທານາທິບໍດີແຟງລັງ.
