ເມຶອງສະເໜ່ຂອງງານວາງສະແດງສິນຄ້າຈີນ-ອາຊຽນຄັ້ງທີ10ໄດ້ຕົກລົງແລ້ວ
ງານວາງສະແດງສິນຄ້າຈີນ-ອາຊຽນຄັ້ງທີ 10 ຈະຈັດຂຶ້ນໃນວັນທີ3ຫາວັນທີ6ກັນຍາໜ້ານີ້ທີ່ເມືອງໜານໜິງແຂວງກວາງຊີຈີນ.ກອງເລຂາ ຂອງງານວາງສະແດງ ສິນຄ້າຈີນ-ອາຊຽນລາຍງານໃຫ້ຮູ້ວ່າ ປັດຈຸບັນນີ້,ເມຶອງສະເໜ່ຂອງງານວາງສະແດງສິນຄ້າຈີນ-ອາຊຽນຄັ້ງທີ10 ໄດ້ຕົກລົງໝົດແລ້ວ,ວຽກກະກຽມເຂດວາງສະແດງໃນຫົວຂໍ້ເມຶອງສະເໜ່ເຊິ່ງເປັນການວາງສະແດງທີ່ໂດດເດັ່ນໃນງານວາງສະແດງຄັ້ງນີ້ໄດ້ດໍາເນີນໄປຢ່າງສະດວກ.
ເມຶອງສະເໜ່ຂອງງານວາງສະແດງສິນຄ້າຈີນ-ອາຊຽນຄັ້ງທີ10ມີດັ່ງນີ້：ເມືອງໜານໜິງຂອງຈີນ,ເມືອງບັນດາເຊລີເບກາວັນຂອງບຣູໄນ,ແຂວງກໍາປົງໂທມຂອງກໍາປູເຈຍ,ເຂດພິເສດຢອກຢາກາຕາຂອງອິນໂດເນເຊຍ,ນະຄອນຫລວງວຽງຈັນຂອງລາວ,ເມືອງໄອໂພຂອງມາເລເຊຍ, ເມືອງ ກາວພິວຂອງມຽນມາ,ແຂວງອີຊາເບລາຂອງຟິລິບປິນ,ນະຄອນສິງກະໂປຂອງປະເທດສິງກະໂປ,ຈັງຫວັດຕຼາດຂອງໄທແລະແຂວງບິງດິງຂອງຫວຽດນາມ.
ເມຶອງສະເໜ່ຂອງ 11 ປະເທດຈະເອົາໃຈໃສ່ການວາງສະແດງໂອກາດການຮ່ວມມືດ້ານການຄ້າ ໃນການຮ່ວມມືພາກພື້ນລັກສະນະພິເສດ ອັນໂດດເດັ່ນຂອງຕົນ ພ້ອມດ້ວຍຜົນສໍາເລັດທີ່ຍາດມາ ໄດ້ໃນດ້ານການຄ້າການລົງທຶນ ເຕັກນິກວິທະຍາສາດ ວັດທະນະທໍາ ການທ່ອງທ່ຽວ ຯລຯ ໂດຍປິ່ນອ້ອມຫົວຂໍ້ຕົ້ນຕໍຂອງງານ ວາງສະແດງສິນຄ້າຄັ້ງນີ້,ການສ້າງຕັ້ງສາຍພົວພັນຄູ່ຮ່ວມມືຍຸດທະສາດ ຈີນ-ອາຊຽນຄົບຮອບ10ປີແລະງານວາງສະແດງສິນຄ້າຈີນ-ອາຊຽນຄົບຮອບ10ປີ.ການ ວາງສະແດງໃນຫົວຂໍ້ ເມຶອງສະເໜ່ຂອງງານວາງສະແດງສິນຄ້າໃນຄັ້ງນີ້ຈະຈັດກິດຈະກໍາຫລາຍຢ່າງເພື່ອຊຸກຍູ້ການແລກປ່ຽນກັນລະຫວ່າງຕົວເມືອງຂອງປະເທດຕ່າງໆ.
ຂ່າວແຈ້ງວ່າ,ໃນງານວາງສະແດງສິນຄ້າຈີນ-ອາຊຽນ 9 ຄັ້ງຜ່ານມາ,ໄດ້ມີເມືອງຂອງຈີນແລະອາຊຽນ93ເມືອງເຂົ້າຮ່ວມການວາງສະແດງເມຶອງສະເໜ່.ຫົວຂໍ້ເມຶອງສະເໜ່ໄດ້ກາຍເປັນເວທີໂດຍກົງໃນການຊຸກຍູ້ການແລກປ່ຽນແລະການຮ່ວມມືລະຫວ່າງເມຶອງສະເໜ່ຂອງຈີນກັບເມືອງສະເໜ່ຂອງອາຊຽນ ທັງຍົກສູງບົດບາດຊື່ສຽງແລະຄວາມສາມາດແຂ່ງຂັນຂອງເມືອງສະເໜ່ຂອງບັນດາປະເທດອາຊຽນ ແລະຈີນໃນເວທີສາກົນ.ບັນດາເມືອງໄດ້ຮູ້ຈັກຄູ່ຮ່ວມມືສາກົນຫລາຍກວ່າເກົ່າ,ໄດ້ເປັນເມືອງມິດຕະພາບແລະດໍາເນີນການແລກປ່ຽນໄມຕີຈິດມິດຕະພາບ ການຮ່ວມມື ດ້ານເສດຖະກິດການຄ້າການຮ່ວມມື ໃນຫລາຍຂົງເຂດຢ່າງເລິກເຊິ່ງແລະກວ້າງຂວາງ.
