ຜູ້ເສຍຊີວິດໃນອຸປະຕິເຫດເຮືອຕຳກັນຂອງຟີລິບປີນເພີ່ມຂຶ້ນຮອດ52ຄົນ
ຕາມຂ່າວCRI: ສື່ມວນຊົນຟີລິບປີນລາຍງານຫຼ້າສຸດວ່າ, ອຸປະຕິເຫດເຮືອ ຕຳກັນທີ່ເກີດຂຶ້ນໃນຕອນຄ່ຳວັນທີ16ສິງຫານີ້ຢູ່ເຂດທະເລທີ່ໃກ້ກັບແຂວງເຊບູໄດ້ເຮັດໃຫ້ມີຜູ້ເສຍຊີວິດໄປແລ້ວ52ຄົນ, 68ຄົນຫາຍສາບສູນ, ຈຳນວນຄົນທີ່ໄດ້ຮັບການຊ່ວຍເຫຼືອຍັງແມ່ນ750ຄົນຄືເກົ່າຈົນຮອດປະຈຸບັນ.
ຫຼັງຈາກອຸປະຕິເຫດໄດ້ເກີດຂຶ້ນແລ້ວ, ເຮືອໂດຍສານເລີ່ມມີນ້ຳມັນຮົ່ວໄຫຼເຮັດໃຫ້ບ້ານຢູ່ແຄມຝັ່ງທະເລ, ບ່ອນລ້ຽງປາແລະປ່າໄມ້ແດງຕາມແຄມທະເລໃນລັດສະເໝີ5ກິໂລແມັດເກີດມົນລະພິດ.
ຜູ້ຮັບຜິດຊອບຂອງກອງປ້ອງກັນແຄມທະເລເຊບູກ່າວຍວ່າ, ເຮືອໂດຍສານໄດ້ມີນ້ຳມັນເຊື້ອໄຟທີ່ປະມານ1ແສນ2ໝື່ນລິດໄດ້ຮົ່ວໄຫຼລົງສູ່ທະເລເຮັດໃຫ້ແຄມທະເລສ່ວນຫຼາຍບໍລິເວນເຊບູແລະເກາະເມກຕານໄດ້ຮັບຜົນກະທົບ.
ລາຍງານຂ່າວກ່າວວ່າ, ເຂດທີ່ໄດ້ຮັບຜົນກະທົບລວມທັງເມືອງລາປູລາປູແລະເມືອງຄໍໂດວາຂອງເກາະເມກຕານ, ແລະເມືອງຕາລີເຊຂອງແຂວງເຊບູ, ສາມເມືອງດັ່ງກ່າວລ້ວນແຕ່ແມ່ນສະຖານທີ່ຫາດຊາຍທະເລທີ່ມີຊື່ສຽງດົງດັງດ້ານການທ່ອງທ່ຽວກໍ່ໄດ້ຣັບຜົນກະທົບທັງໝົດ.
