ຄວາມຕ້ອງການຮ້ານວາງສະແດງໃນງານວາງສະແດງສິນຄ້າຈີນ-ອາຊຽນຄັ້ງທີ 10 ໄດ້ລື່ນກາຍປີຜ່ານມາ
ຕາມຂ່າວສານຊິນຮວາ: ແຫຼ່ງຂ່າວກອງເລຂາງານວາງສະແດງສິນຄ້າຈີນ-ອາຊຽນລາຍ ງານວ່າ: ປະເທດອາຊຽນແລະປະເທດນອກພາກພື້ນໄດ້ສັ່ງຈອງນຳໃຊ້ຮ້ານວາງສະແດງຈຳນວນ 1326 ຮ້ານ, ເຊິ່ງຫຼາຍກວ່າຮ້ານວາງສະແດງໃນງານວາງສະແດງຂອງປີກາຍນີ້. ນອກຈາກນີ້, ງານວາງສະແດງປີນີ້ຈະຈັດໃຫ້ມີເຂດວາງສະແດງກາເຟຂອງປະເທດອາຊຽນໃນເຂດວາງສະແດງກະສິກຳເປັນຄັ້ງທຳອິດ.
ໃນງານວາງສະແດງສິນຄ້າຈີນ-ອາຊຽນຄັ້ງທີ 10 ໃນປີນີ້, ບໍລິສັດຜະລິດກາເຟຈາກປະເທດອາຊຽນ ເຊັ່ນ: ລາວ, ອິນໂດເນເຊຍ, ມະເລເຊຍ, ສິງກະໂປ ແລະ ຫວຽດນາມຈະໄດ້ເຕົ້າໂຮມກັນໃນເຂດວາງສະແດງກາເຟ, ຮອດເວລານັ້ນ, ນັກທຸລະກິດທີ່ເຂົ້າຮ່ວມງານວາງສະແດງຈະໄດ້ຊິມລົດຈັດໆຂອງກາເຟ ແລະ ສຳຜັດກັບວັດທະນະທຳປະຫວັດກາເຟທີ່ຍາວນານ ຂອງປະເທດອາຊີຕາເວັນອອກສຽງໃຕ້.
ຂ່າວແຈ້ງວ່າ, ມີ 6 ປະເທດ ເຊັ່ນ ລາວ, ອິນໂດເນເຊຍ, ມະເລເຊຍ, ມຽນມາ, ໄທ ແລະ ຫວຽດນາມຈະສືບຕໍ່ເໝົາຫໍວາງສະແດງ. ສິນຄ້າທີ່ນຳມາວາງສະແດງໃນຄັ້ງນີ້ຕົ້ນຕໍຈະແມ່ນຜະລິດຕະພັນໃນຂະແໜງການທີ່ມີຄວາມຕ້ອງການໃນຕະຫຼາດຈີນ, ເປັນຕົ້ນແມ່ນ ອາຫານ, ຜະລິດຕະພັນກະສິກຳ, ເຟີນີເຈີ, ເຄື່ອງໃຊ້ໃນເຮືອນອື່ນໆ, ເຄື່ອງຫັດຖະກຳ, ເພັດນິນຈິນດາ, ເຄື່ອງບໍລິໂພກໃນຊີວິດປະຈຳວັນ, ຜະລິດຕະພັນດ້ານການບໍລິການ ແລະອື່ນໆ.
