ການເຈລະຈາຍຸດທະສາດຮອບທໍາອິດລະຫວ່າງຈີນກັບໄທໄດ້ຈັດຂຶ້ນຢູ່ບາງກອກ
ວັນທີ19ສິງຫານນີ້,ການເຈລະຈາຍຸດທະສາດຮອບທໍາອິດລະຫວ່າງຈີນກັບໄທໄດ້ຈັດຂຶ້ນຢູ່ບາງກອກ,ສອງຝ່າຍເຫັນດີທີ່ຈະເພີ່ນທະວີການຮ່ວມມື ໃນຂົງເຂດຕ່າງໆເຊັ່ນລົດໄຟຄວາມໄວສູງ,ຊົນລະປະທານ,ພະລັງງານໝູນວຽນແລະພະລັງງານທົດແທນ,ການພັດທະນາການສຶກສາແລະ ຊັບພະຍາກອນມະນຸດແລະອື່ນໆ.
ສອງຝ່າຍເຫັນດີນໍາການຈັດກອງປະຊຸມຄັ້ງທີ3ຂອງຄະນະກໍາມະການການຮ່ວມມືດ້ານການຄ້າ,ການລົງທຶນແລະເສດຖະກິດ,ສອງຝ່ານບັນລຸເປົ້າໝາຍຈະມູນຄ່າການຄ້າເຖິງ100ຕື້ໂດລາເມື່ອຮອດປີ2015.ສອງຝ່າຍຍັງໄດ້ເຫັນດີນໍາການຈັດຕັ້ງປະຕິບັດບົດບັນທຶກຄວາມເຂົ້າໃຈການຮ່ວມມືດ້ານການຄ້າຂອງຜະລິດຕະພັນກະສິກໍາ,ເປີດກວ້າງການຄ້າຂອງຜະລິດຕະພັນກະສິກໍາຂອງສອງປະເທດ.ສອງຝ່າຍເຫັນເປັນເອກະພາບກັນວ່າ,ເງິນຢວນຄວນເສີມຂະຫຍາຍບົດບາດຫລາຍກວ່າເກົ່າໃນການຄ້າລະຫວ່າງຈີນກັບໄທ.
ທ່ານຫລີວເຈີ້ນໝິນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນແລະທ່ານສີຫາສັກ ພວງເກດແກ້ວ ຫົວໜ້າຫ້ອງການກະຊວງການຕ່າງປະເທດໄທໄດ້ຮ່ວມກັນເປັນປະທານຂອງກອງປະຊຸມຄັ້ງນີ້.ສອງຝ່ານຍັງໄດ້ເຫັນດີຮ່ວມກັນເພື່ອຈັດການເຈລະຈາຍຸດທະສາດຄັ້ງທີສອງລະຫວ່າງຈີນກັບໄທຢູ່ຈີນໃນເວສາທີ່ເໝາະສົມ.
