ກິດຈະກຳ "ງານລາຕີແຫ່ງກຳປູເຈຍ" ຈັດຂຶ້ນຢູ່ສູນຈີນ-ອາຊຽນ
ຕາມຂ່າວ CRI: ຕອນຄ່ຳວັນທີ 20 ສິງຫານີ້, ສູນຈີນ-ອາຊຽນທີ່ຕັ້ງຢູ່ນະຄອນຫຼວງປັກກິ່ງ ໄດ້ຮ່ວມກັນກັບສະຖານເອກອັກຄະລັດຖະທູດກຳປູເຈຍປະຈຳຈີນ ຈັດກິດຈະກຳວັດທະນະທຳ "ງານລາຕີແຫ່ງກຳປູເຈຍ" ຢູ່ສູນດັ່ງກ່າວ. ໂດຍນັກກາຍະສິນກຳປູເຈຍທີ່ມາຮ່ຳຮຽນກາຍະ ສິນ ຢູ່ຈີນ ໄດ້ສະແດງຜົນການຮ່ຳຮຽນທີ່ພວກເຂົາເຈົ້າຮຽນມາໃຫ້ແກ່ແຂກຜູ້ມີກຽດທີ່ເຂົ້າຮ່ວມ ກິດຈະກຳໃນຄັ້ງນີ້. ນັກກາຍະສິນກຳປູເຈຍ ເຫຼົ່ານີ້ໄດ້ມາຮັບການຝຶກອົບຮົມກາຍະສິນຢູ່ ໂຮງຮຽນສິລະປະສາກົນປັກກິ່ງເປັນເວລາສອງປີ, ເຊິ່ງເປັນໂຄງການແລກປ່ຽນດ້ານວັດທະ ນະທຳລະຫວ່າງຈີນ-ກຳປູເຈຍທີ່ຮັບຜິດຊອບໂດຍກະຊວງວັດທະນະທຳຈີນ.
ທ່ານສົມດີ ບຸນຄຸ້ມ, ເອກອັກລັດຖະທູດລາວປະຈຳຈີນ ໄດ້ໃຫ້ສຳພາດຕໍ່ນັກຂ່າວຂອງ CRI, ໂດຍກ່າວວ່າ:
ຂ້າພະເຈົ້າສະແດງຄວາມຂອບໃຈນຳ CRI ທີ່ໄດ້ໃຫ້ໂອກາດຂ້າພະເຈົ້າມາສຳພາດ, ຂ້າພະເຈົ້າຮູ້ສຶກປິຕິຊົມເຊີນເປັນຢ່າງຍິ່ງທີ່ວ່າຖືກເຊື້ອເຊີນເຂົ້າຮ່ວມໃນງານລາຕີຂອງກຳປູເຈຍ, ຜ່ານການຮັບຊົມການສະແດງໄດ້ເຫັນວ່າມີລັກສະນະດີຫຼາຍ, ເປັນການສະແດງອັນໜຶ່ງທີ່ເວົ້າເຖິງຜົນສຳເລັດໃນການມາຮ່ຳຮຽນຂອງນັກຮຽນຂອງກຳປູເຈຍຢູ່ຈີນ, ພາຍຫຼັງໄດ້ຮຽນເປັນເວລາ2ປີ, ຜ່ານການສະແດງເຫັນໄດ້ວ່າເປັນລາຍການສະແດງໜ້າຊົມທີ່ດີ, ຂ້າພະເຈົ້າຄຶດວ່າການຈັດງານລາຕີສະໂມສອນຂອງກຳປູເຈຍມື້ນີ້ເປັນລາຍການທີ່ມີລັກສະນະມ່ວນຊື່ນ, ເພາະວ່າໄດ້ຈັດຂຶ້ນໃນເວລາສະເຫຼີມສະຫຼອງ10ປີຂອງການເປັນຄູ່ຮ່ວມມືຍຸດທະສາດເຊິ່ງວ່າມີສູນຈີນ-ອາຊຽນເປັນໃຈກາງ, ແລະຜ່ານໄປໃນຫຼາຍປະເທດໃນໂອກາດໃດໜຶ່ງ ທີ່ວ່າຕົນເອງມີຄວາມເໝາະສົມກໍ່ຈະຈັດງານລາຕີສະໂມສອນຂອງຕົນເອງ, ຂ້າພະເຈົ້າເຫັນວ່າ, ສູນດັ່ງກ່າວເປັນສູນເຕົ້າໂຮມຈຸດໜຶ່ງຂອງການຮ່ວມມືລະຫວ່າງຈີນອາຊຽນ ເພື່ອເປັນການເຕົ້າໂຮມໃນການພັດທະນາ, ຈະແມ່ນທາງດ້ານເສດຖະກິດ, ຂໍ້ມູນຂ່າວສານ, ດ້ານການພັດທະນາ, ດ້ານການໄປລົງທຶນ, ການໂຄສະນາດ້ານການທ່ອງທ່ຽວໃຫ້ແກ່ປະເທດອາຊຽນ, ໃຫ້ຄົນຈີນທີ່ຢາກໄປທ່ອງທຽວເຫັນໄດ້, ເປັນສູນໜຶ່ງທີ່ແລກປ່ຽນວັດທະນະທຳໃຫ້ແກ່ປະເທດຕ່າງໆໃນອາຊຽນ. ຂ້າພະເຈົ້າເຫັນວ່າຖ້າວ່າມີໂອກາດເໝາະສົມ, ສະຖານທູດລາວປະຈຳຢູ່ນະຄອນຫຼວງປັກກິ່ງກໍ່ຈະຈັດງານລາຕີສະໂມສອນ, ເຊິ່ງຈະເປັນໂອກາດດີທີ່ສຸດເພື່ອເຜີຍແຜ່ທາງດ້ານວັດທະນະທຳຂອງປະເທດຕົນຂອງລາວເຮົາໃຫ້ແກ່ປະເທດເພື່ອນມິດ. ຂ້າພະເຈົ້າດີໃຈຫຼາຍທີ່ໄດ້ມາເບິ່ງ, ແລະໄດ້ຖອດຖອນບົດຮຽນໃຫ້ແກ່ການກະກຽມໃຫ້ແກ່ງານຂອງຕົນໃນອະນາຄົດ, ຂ້າພະເຈົ້າກໍ່ຮູ້ສຶກເປັນໂອກາດທີ່ດີເພື່ອໂຄສະນາປະເພນີ ການຂະຫຍາຍການພົວພັນການຮ່ວມມືລະຫວ່າງຈີນກັບອາຊຽນ ເວົ້າລວມເວົ້າສະເພາະກໍຄືຂອງລາວພວກເຮົາ.
ກິດຈະກຳ "ງານລາຕີແຫ່ງອາຊຽນ" ມີຈຸດປະສົງເພື່ອຊຸກຍູ້ການແລກປ່ຽນດ້ານວັດທະນະທຳແລະເພີ່ມຄວາມເຂົ້າໃຈກັນລະຫວ່າງປະຊາຊົນຈີນແລະປະຊາຊົນບັນດາປະເທດອາຊຽນ, ນັບມາຮອດປັດຈຸບັນ, ສູນຈີນ-ອາຊຽນກັບສະຖານທູດໄທ, ສະຖານທູດອິນໂດເນເຊຍ ແລະ ສະຖານທູດກຳປູເຈຍ ໄດ້ຮ່ວມກັນຈັດກິດຈະກຳດັ່ງກ່າວ 3 ຄັ້ງແລ້ວ.
