ຈີນແລະອາຊຽນຈະປຶກສາຫາລືກັນກ່ຽວກັບການອະນຸລັກແລະສືບທອດມໍລະດົກວັດທະນະທຳທີ່ບໍ່ແມ່ນວັດຖຸ
(GMT+08:00) 2013-08-22 15:50:24 cri
ຕາມຂ່າວສານຊິນຮວາ: ເວທີປຶກສາຫາລືວັດທະນະທຳຈີນ-ອາຊຽນ 2013 ເຊິ່ງແມ່ນກະຊວງວັດທະນະທຳຈີນ ແລະ ອຳນາດການປົກຄອງເຂດກວາງຊີ່ຈີນຮ່ວມກັນເປັນເຈົ້າພາບນັ້ນ ຈະຈັດຂຶ້ນຢູ່ນະຄອນໜານໜິງ, ເທດສະບານເຂດກວາງຊີ່ເຜົ່າຈ້ວງປົກຄອງຕົນເອງຈີນແຕ່ວັນທີ 10 ຫາວັນທີ 12 ກັນຍາໜ້ານີ້, ໂດຍມີຫົວຂໍ້ວ່າ "ການສົນທະນາແລະການຮ່ວມມື-ການອະນຸລັກແລະສືບທອດມໍລະດົກວັດທະນະທຳທີ່ບໍ່ແມ່ນວັດຖຸ". ໃນໄລຍະຈັດເວທີປຶກສາຫາລືຄັ້ງນີ້ ຍັງຈະຈັດໃຫ້ມີກິດຈະກຳຕ່າງໆ, ເຊັ່ນ: ການວາງສະແດງຮີດຄອງປະເພນີທີ່ເປັນມໍລະດົກວັດທະນະທຳທີ່ບໍ່ແມ່ນວັດຖຸ, ການສະແດງສິລະປະຫັດຖະກຳຈີນ-ອາຊຽນ ແລະ ການສະແດງສິມືຂອງຜູ້ສືບທອດມໍລະດົກວັດທະນະທຳທີ່ບໍ່ແມ່ນວັດຖຸ.
