ການຮ່ວມມືໃນອະນຸພາກພື້ນແມ່ນ້ຳຂອງໄດ້ຮັບຄວາມຄືບໜ້າເປັນຢ່າງດີການເຂົ້າແຊກແຊງຈາກປະເທດໃຫຍ່ນອກພາກພື້ນເພີ່ມຂຶ້ນຢ່າງບໍ່ເຄີຍມີມາກ່ອນ
(GMT+08:00) 2013-08-22 18:36:49 cri
ຕາມຂ່າວCRI: ວັນທີ22ສິງຫານີ້, ສູນຄົ້ນຄວ້າອະນຸພາກພື້ນແມ່ນ້ຳຂອງມະຫາວິທະຍາໄລຢຸນນານແລະສຳນັກພິມຈຳໜ່າຍວິທະຍານິພົນປະຫວັດສາດດ້ານວິທະຍາສາດສັງຄົມຈີນໄດ້ຮ່ວມກັນເຜີຍແຜ່<ປຶ້ມປົກສີຟ້າອະນຸພາກພື້ນແມ່ນ້ຳຂອງ>2013. ໃນ<ປຶ້ມປົກສີຟ້າ>ໄດ້ຊີ້ອອກວ່າ, ການຮ່ວມມືດ້ານເສດຖະກິດໃນອະນຸພາກພື້ນແມ່ນ້ຳຂອງໄດ້ກາຍເປັນແບບຢ່າງທີ່ມີຜົນສຳເລັດຂອງການຮ່ວມມືດ້ານເສດຖະກິດໃນພາກພື້ນອາຊີແລະການຮ່ວມມືໃຕ້ໆ, ພ້ອມກັນນັ້ນກໍ່ໄດ້ເພີ່ມທະວີການໄປມາຫາສູ່ກັນດ້ານການຄ້າລະຫວ່າງຈີນແລະບັນດາປະເທດໃນອະນຸພາກພື້ນແມ່ນໍ້າຂອງ, ທ່ານຫຼິວ ຈື້, ຫົວໜ້າຄະນະບັນນາທິການຂອງ<ປື້ມປົກສີຟ້າ>ກ່າວວ່າ, ໃນສະພາບແວດລ້ອມໃຫຍ່ທີ່ປະສົບຄວາມຫຍຸ້ງຍາກຢ່າງໜັກໜ່ວງດ້ານການຟື້ນຕົວຂອງເສດຖະກິດໂລກ, ນະໂຍບາຍໃໝ່ຂອງການເປີດປະຕູຕໍ່ພາຍນອກໃນສະໄໝໃໝ່ຂອງຈີນໄດ້ເຮັດໃຫ້ເສດຖະກິດຂອງ5ປະເທດໃນອະນຸພາກພື້ນແມ່ນ້ຳຂອງ, ຄື: ລາວ, ຫວຽດນາມ, ມຽນມາ, ໄທແລະກຳປູເຈຍມີການພັດທະນາຢ່າງວ່ອງໄວໃນປີ2012, ເຊິ່ງຈັງຫວະການເຕີບໂຕໄດ້ບັນລຸຫຼາຍກວ່າ5%. ແຕ່ວ່າປະຈຸບັນນີ້, ປະເທດໃຫຍ່ນອກພາກພື້ນຄື: ອາເມລິກາ, ຍີ່ປຸ່ນແລະອິນເດຍໄດ້ເຂົ້າແຊກແຊງພາກພື້ນນີ້ຢ່າງແຂງແຮງແບບບໍ່ເຄີຍມີມາກ່ອນ, ຜູ້ຊ່ຽວຊານໄດ້ສະເໜີໃຫ້ຈີນຄວນຕັ້ງໜ້າປະສານງານການພົວພັນລະຫວ່າງປະເທດໃຫຍ່, ສ້າງພະລັງງານທາງບວກໃຫ້ການພັດທະນາໃນອະນຸພາກພື້ນແມ່ນ້ຳຂອງ, ເພື່ອສ້າງສະຖານະການທີ່ຕ່າງຝ່າຍຕ່າງມີຜົນປະໂຫຍດ.
