ລັດຖະມົນຕີຕ່າງປະເທດຈີນໄດ້ພົບປະເຈລະຈາກັບຮອງນາຍົກລັດຖະມົນຕີກໍາປູເຈຍ
ວັນທີ21ສິງຫານນີ້,ທ່ານຫວາງຢີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະເຈລະຈາກັບທ່ານຮໍນາມຮົງ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດແລະການຮ່ວມມືສາກົນກໍາປູເຈຍ.
ທ່ານຫວາງຢີ້ກ່າວວ່າ,ລັດຖະບານຊຸດໃໝ່ຂອງຈີນໃຫ້ຄວາມສໍາຄັນຫລາຍຕໍ່ການພົວພັນລະຫວ່າງຈີນກັບກໍາປູເຈຍ,ຈະສືບຕໍ່ປະຕິບັດນະໂຍບາຍທີ່ມີໄມຕີຈິດຕໍ່ກໍາປູເຈຍ.ສອງຝ່າຍຄວນຮັກສາການໄປມາຢ້ຽມຢາມກັນໃນລະດັບສູງ,ຈັດກອງປະຊຸມຄັ້ງທໍາອິດຂອງຄະນະກໍາມະການປະສານງານລະຫວ່າງລັດຖະບານຈີນແລະກໍາປູເຈຍໃຫ້ດີ,ຈັດຕຕັ້ງປະຕິບັດແຜນການເຄື່ອນໄຫວກ່ຽວກັບການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນແລະກໍາປູເຈຍ,ຊຸກຍູ້ການຮ່ວມມືທີ່ຕິດແທດຕົວຈິງໃນຂົງເຂດຕ່າງໆ,ເພີ່ມທະວີໄມຕີຈິດມິດຕະພາບລະຫວ່າງປະຊາຊົນສອງປະເທດ,ລົງເລິການພົວພັນຄູ່ຮ່ວມມືຍຸດທະສາດຮອບດ້ານຢ່າງຕໍ່ເນື່ອງ.
ທ່ານຮໍນາມຮົງກ່າວວ່າ,ຈີນເປັນປະເທດທີ່ກໍາປູເຈຍມີຄວາມໄວ້ເນື້ອເຊື່ອໃຈທີ່ສຸດ.ກໍາປູເຈຍຂໍສະແດງຄວາມຂອບໃຈນໍາຝ່າຍຈີນທີ່ໄດ້ອໍານວຍການສະໜັບສະໜູນແລະການຊ່ວຍເຫລືອໃຫ້ແກ່ກໍາປູເຈຍໃນເວລາດົນນານມານີ້.ຝ່າຍກໍາປູເຈຍຍິນດີຮ່ວມມືກັບຝ່າຍຈີນເພື່ອລົງເລິກການຮ່ວມມືໃນຂົງເຂດຕ່າງໆເຊັ່ນການຄ້າ,ການລົງທຶນ,ກະສິກໍາ,ຊົນລະປະທານ,ການທ່ອງທ່ຽວແລະອື່ນໆ,ຂະຫຍາຍແລະພັດທະນາເນື້ອໃນການຮ່ວມມືຂອງການຮ່ວມມືຍຸດທະສາດຂອງສອງປະເທດ.ຝ່ານກໍາປູເຈຍຈະເສີມຂະຫຍາຍບົດບາດທີ່ຕັ້ງໜ້າແລະມີລັກສະນະສ້າງສັນໃນການຊຸກຍູ້ການພົວພັນຈີນ-ອາຊຽນ.
