ການປະຕິບັດກົດໝາຍແລະລາດຕະເວນຮ່ວມຄັ້ງທີ13ຂອງຈີນ,ລາວ,ມຽນມາ,ແລະໄທໄດ້ສິ້ນສຸດລົງຢ່າງຈົບງາມ
ເວລາ14ໂມງວັນທີ22ສິງຫານີ້,ການປະຕິບັດກົດໝາຍແລະລາດຕະເວນຮ່ວມຄັ້ງທີ13ຂອງຈີນ,ລາວ,ມຽນມາ,ໄທໄດ້ສິ້ນສຸດລົງຢ່າງຈົບງາມ.
ການປະຕິບັດວຽກງານດັ່ງກ່າວໄດ້ດໍາເນີນໄປເປັນເວລາ4ມື້3ຄືນ,ຈີນ,ລາວ,ມຽນມາແລະໄທໄດ້ແຕ່ງຕັ້ງເຈົ້າໜ້າທີ່159ຄົນ,ເຮືອປະຕິບັດໜ້າທີ່8ລໍາ,ໄດ້ນໍາໃຊ້ຮູບການຕ່າງໆເຊັ່ນລາດຕະເວນຢ່າງທົ່ວເຖິງ,ກວດກາສະຖານທີ່ສະເພາະ,ຕິດຕາມການເດີນເຮືອແລະອື່ນໆ ທັງໄດ້ດໍາເນີນການປະຕິບັດກົດໝາຍຢູ່ເຂດແມ່ນໍ້າທີ່ສໍາຄັນເຊັ່ນເຂດແມ່ນໍ້າທີ່ກໍານົດໄວ້ແລ້ວແລະເຂດແມ່ນນໍ້າສາມຫລ່ຽມຄໍາ.ການປະຕິບັດວຽກງານຄັ້ງນີ້ໄດ້ກວດກາເຮືອທັງໝົດ15ລໍາ,ເຄື່ອງສິນຄ້າ634ໂຕນ,ຮ່ວມກັນຢ້ຽມຢາມລູກເຮືອ23ຄົນແລະໄດ້ແຈກຢາຍບັດຂໍ້ມູນວິທີຕິດຕໍ່ຕໍາຫລວດ32ບັດ.
ໃນໄລຍະການປະຕິບັດວຽກງານ,ເຈົ້າໜ້າທີ່ຂອງຈີນ,ລາວ,ມຽນມາແລະໄທໄດ້ຈັດກອງປະຊຸມແລກປ່ຽນຂ່າວລັບ,ສອງຝ່າຍຈີນແລະໄທໄດ້ດໍາເນີນການເຄື່ອນໄຫວໃນການແລກປ່ຽນແລະຢ້ຽມຢາມເຊິ່ງກັນແລະກັນຢູ່ນະຄອນຊຽງແສນຂອງໄທ ຕ່າງໄດ້ແຈ້ງສະພາບປ້ອງກັນຄວາມສະຫງົບ,ສະພາບການເຄື່ອນໄຫວຂອງພວກປະກອບອາວຸດທີ່ຜິດກົດໝາຍແລະການຕໍ່ຕ້ານອາຊະຍາກໍາດ້ານຢາເສບຕິດໃນເຂດລ່ອງແມ່ນໍ້າຂອງໃຫ້ກັນຊາບ,ທັງໄດ້ບັນລຸການຮັບຮູ້ທີ່ເປັນເອກະສັນກັນກ່ຽວກັບການຮັດແໜ້ນການພົວພັນ,ລົງເລິກການຮ່ວມມືແລະການຕໍ່ຕ້ານອາຊະຍາກໍາດ້ານຢາເສບຕິດຢູ່ເຂດລ່ອງແມ່ນໍ້າຂອງຮ່ວມກັນ.
