ງານວາງສະແດງສິນຄ້າຈີນອາຊຽນຄັ້ງທີ 10 ເຂົ້າສູ່ໄລຍະຈັດວາງການວາງສະແດງ
(GMT+08:00) 2013-08-24 16:01:53 cri
ວັນທີ 23 ສິງຫານີ້, ສິນຄ້າວາງສະແດງຈາກນອກແດນ ເຊິ່ງເປັນສິນຄ້າວາງສະແດງງວດທຳອິດຂອງງານວາງສະແດງສິນຄ້າຈີນອາຊຽນຄັ້ງທີ 10 ໄດ້ຖືກຂົນສົ່ງຈາກດ່ານຟາງເສິງກາງໄປຮອດສູນປະຊຸມແລະວາງສະແດງສາກົນນານນິງ. ສິນຄ້າງວດນີ້ແມ່ນມາຈາກປະເທດໄທແລະອິນໂດເນເຊຍ,ມີຈຳນວນ 1852 ເຄື່ອງນ້ຳຫນັກຫລາຍກວ່າ 35 ໂຕນ.
ຄຽງຄູ່ກັບສິນຄ້າງວດນີ້ໄດ້ຜ່ານດ່ານຢ່າງສະດວກ, ງານວາງສະແດງສິນຄ້າຈີນອາຊຽນທີ່ຈະໄຂຂຶ້ນໃນວັນທີ 3 ກັນຍາຫນ້ານີ້ກໍ່ໄດ້ເຂົ້າສູ່ໄລຍະຈັດວາງການວາງສະແດງຢ່າງເຄັ່ງຮ້ອນ.
ຂ່າວແຈ້ງວ່າ, ງານວາງສະແດງຄັ້ງນີ້ໄດ້ສ້າງສະຖິຕິໃຫມ່ໃນດ້ານຂະຫນາດແລະລະດັບການວາງສະແດງ,ປະເທດທີ່ເຂົ້າຮ່ວມງານວາງສະແດງໃນຄັ້ງນີ້ນອກຈາກມີບັນດາປະເທດອາຊຽນແລ້ວ, ຍັງມີອີກ 10 ປະເທດເຊັ່ນ:ອົສຕຼາລີ, ຍີ່ປຸ່ນ,ເອຕົວນີແລະປະເທດອື່ນໆ, ເຄື່ອງທີ່ເຂົ້າຮ່ວມການວາງສະແດງນັ້ນກໍ່ເພີ່ມຫລາຍຂຶ້ນແລະມີປະເພດຫລາຍກວ່າທຸກຄັ້ງທີ່ຜ່ານມາ. ຄາດວ່າພາຍໃນ 10 ກວ່າວັນເຊິ່ງນັບແຕ່ວັນທີ 23 ສິງຫານີ້ເປັນຕົ້ນໄປ, ຈະແມ່ນໄລຍະທີ່ມີສິນຄ້າວາງສະແດງຖືກສົ່ງໄປຮອດສູນປະຊຸມແລະການວາງສະແດງສາກົນນານນິງຫລາຍທີ່ສຸດ.
