ຂໍໂທດ ແລະ ສະບາຍດີ
(GMT+08:00) 2013-08-24 17:13:20 cri
ຂອບໃຈນຳມິດລາຍການແລະບຼອກທີ່ໄດ້ໃຫ້ກຽດຕິດຕາມຟັງລາຍການວິໄລວັນແລະກວດເບີ່ງບຼອກວິໄລວັນ, ຫຼັງຈາກໄດ້ພັກຜ່ອນເປັນເວລາເກືອບ ປີ່ິໄລວັນໄດ້ລູກແລະເບີ່ງແຍງລູກແລ້ວບີ່ງບແລະຄວາມຈະເລີນ8 ເດືອນຍ້ອນເກີດລູກແລະເບີ່ງແຍງລູກແລ້ວ, ວິໄລວັນກໍ່ໄດ້ໄປຝຶກງານຢູ່ພະແນກອື່ນຂອງ CRI ເປັນ 2 ເດືອນປາຍ, ຫວ່າງມໍ່ໆນີ້, ຈຶ່ງໄດ້ກັບມາເຮັດວຽກຢູ່ພະແນກພາສາລາວເປັນປົກກະຕິ, ສະນັ້ນ, ຂໍກ່າວຄຳວ່າ: ຂໍໂທດ ທີ່ບໍ່ໄດ້ຂຽນບົດໃໝ່ເທີງບຼອກນີ້.
ດຽວນີ້, ລູກຊາຍວິໄລວັນອາຍຸປີປາຍແລ້ວ, ແຂງແຮງແລະກໍ່ໜ້າຮັກ, ຫາກໍ່ຍ່າງເປັນ, ເວົ້າໄດ້ແຕ່ຄຳສັບງ່າຍໆ, ເຊັ່ນວ່າ: ບາໆ, ມາໆເປັນຕົ້ນ. ສຸຂະພາບວິໄລວັນກໍ່ໄດ້ຟື້ນຟູໃນຂະໜາດໃດໜຶ່ງແລ້ວ. ຫຼັງຈາກໄດ້ກັບມາເຮັດວຽກ, ວິໄລວັນກໍ່ໄດ້ເປັນໂຄສົກຈັດທຳລາຍການດາວປະດັບຟ້າ, ເຊິ່ງອອກອາກາດໃນ 13 ໂມງທຸກວັນພຸດ 15 ໂມງທຸກວັນພະຫັດທາງລະບົບ FM ແລະ 20 ໂມງ 40 ນາທີທຸກວັນພຸດທາງລະບົບ AM. ຍັງໄດ້ຈັດລາຍການ CRI ທັນຂ່າວທີ່ອອກອາກາດໃນ 16 ໂມງ 10 ນາທີທຸກວັນອັງຄານ. ໃນລາຍການດາວປະດັບຟ້າ, ວິໄລວັນຈະແນະນຳດາລານັກຮ້ອງທີ່ມີຊື່ສຽງຂອງຈີນໃຫ້ຟັງ, ບໍ່ວ່ານັກຮ້ອງລຸ່ນໃໝ່ຫຼືລຸ່ນເກົ່າ, ນັກຮ້ອງແຜ່ນດິນໃຫຍ່ຈີນຫຼືເຂດຮົງກົງ, ໄຕ້ຫວັນ, ວິໄລວັນຈະແນະນຳອາທິດລະໜຶ່ງຄົນ, ທັງເປີດສຽງເພງທີ່ມ່ວນໆຂອງເຂົາເຈົ້າໃຫ້ຟັງໄປພ້ອມ. ສ່ວນໃນລາຍການ CRI ທັນຂ່າວ, ວິໄລວັນຈະແນະນຳຂ່າວຫຼ້າສຸດຂອງຈີນແລະປະເທດຕ່າງໆໃນໂລກສູ່ຟັງ. ຕໍ່ໄປ, ວິໄລວັນຈະເອົາເນື້ອໃນຂອງ 2 ລາຍການດັ່ງກ່າວຂຶ້ນບຼອກນີ້, ເພື່ອແບ່ງປັນກັບທ່ານ!
ຖ້າວ່າທ່ານມີຄວາມເຫັນຫຍັງຕໍ່ການຈັດທຳລາຍການຂອງວິໄລວັນ, ຫຼືວ່າຢາກລົມກັນກັບທ່ານຜູ້ຟັງ, ຍິນດີຕ້ອນຮັບທ່ານສົ່ງອິເມວມາຫາວິໄລວັນ, ທີ່ຢູ່ອິເມວວິໄລວັນແມ່ນ vilayvan@163.com, ຫຼືວ່າສົ່ງຂໍ້ຄວາມສັ້ນມາໃຫ້ວິໄລວັນໂດຍກົງກໍ່ໄດ້, ເບີມືຖືວິໄລວັນແມ່ນ 0086 138 11903582, ວິໄລວັນຄອງຄອຍສຽງຈາກທ່ານສະເໝີ!
