ອິນໂດເນເຊຍໄດ້ນໍາໃຊ້ຫລາຍມາດຕະການເພື່ອເຮັດໃຫ້ຕະຫລາດການທະນາຄານມີຄວາມໝັ້ນຄົງ
ເມື່ອບໍ່ດົນມານີ້,ຕະຫລາດຫຸ້ນ,ຕະຫລາດສິນເຊື່ອແລະຕະຫລາດເງິນຕາຕ່າງປະເທດຂອງອິນໂດເນເຊຍໄດ້ເກີດມີການຕົກຕໍ່າລົງຢ່າງຕໍ່ເນື່ອງເຊິ່ງໄດ້ສ້າງສະຖິຕິຕໍ່າສຸດໃນຊຸມປີມໍ່ໆມານີ້.ເພື່ອຮັບມືກັບບັນ ຫາດັ່ງກ່າວ,ລັດຖະບານອິນໂດເນເຊຍກໍາລັງນໍາໃຊ້ຫລາຍມາດຕະການເພື່ອບໍ່ໃຫ້ຕະຫລາດການທະນາຄານເກີດມີຄວາມວຸ້ນວາຍແລະຮັກສາໃຫ້ເສດຖະກິດແຫ່ງຊາດມີຄວາມໝັ້ນຄົງແລະພັດທະນາຢ່າງຕໍ່ເນື່ອງ.
ທ່ານຊູສິໂລ ບໍາບັງ ປະທານາທິບໍດີອິນໂດເນເຊຍກ່າວວ່າ,ເສດຖະກິດອິນໂດເນເຊຍກໍາລັງປະເຊີນໜ້າກັບຄວາມກົດດັນທີ່ຄ້າຍຄືສະພາບໃນປີ2008,ຄືໄດ້ຮັບຜົນກະທົບຈາກສະພາບແວດລ້ອມພາຍນອກແລະທັງປັດໄຈພາຍໃນປະເທດ,ສະນັ້ນ,ແຜນການແກ້ໄຂບັນຫາກໍຕ້ອງພິຈາລະນາເຖິງປັດໄຈພາຍໃນແລະພາຍນອກ.ໃນທ້າຍສັບປະດາແລ້ວນີ້,ທ່ານຊູສິໂລໄດ້ອະນຸມັດແຜນການຕ່າງໆທີ່ລວມທັງ3ເປົ້າໝາຍຕົ້ນຕໍແລະຫລາຍມາດຕະການທີ່ຈໍາເປັນ.ນອກຈາກນີ້ແລ້ວ,ທະນາຄານກາງອິນໂດເນເຊຍກໍຈະນໍາໃຊ້5ມາດຕະການເພື່ອເພີ່ມທະວີຄວາມໝັ້ນຄົງຂອງລະບົບການທະນາຄານແລະຮັກສາການພັດທະນາຢ່າງຕໍ່ເນື່ອງຂອງເສດຖະກິດແຫ່ງຊາດ.
