ວັນທີ26ສິງຫານນີ້,ໃນງານລ້ຽງຕ້ອນຮັບໂອກາດຖືກແຕ່ງຕຕັ້ງໃຫ້ດໍາລົງຕໍາແໜ່ງເປັນເອກອັກຄະລັດຖະທູດຈີນຄົນໃໝ່ປະຈໍາກໍາປູເຈຍ,ທ່ານນາງປູຈ້ຽນກົວກ່າວວ່າ,ການພັດທະນາຂອງຈີນໄດ້ມີຜົນປະໂຫຍດຢ່າງຫລວງຫລາຍຕໍ່ທົ່ວໂລກ,ການພັດທະນາຂອງຈີນທໍາອິດຈະມີຜົນດີຕໍ່ປະເທດອ້ອມຂ້າງເຊິ່ງລວມທັງກໍາປູເຈຍ.
ທ່ານນາງປູຈ້ຽນກົວກ່າວວ່າ,ປັດຈຸບັນນີ້ຈີນແລະກໍາປູເຈຍຕ່າງກໍຢູ່ໃນໄລຍະສໍາຄັນຂອງການພັດທະນາຢ່າງຮອບດ້ານ,ຈີນແລະກໍາປູເຈຍຄວນເສີມຂະຫຍາຍທ່າແຮງທີ່ສາມາດຊ່ວຍຊູຍູ້ໜູນເຊິ່ງກັນແລະກັນໂດຍອີງຕາມຍຸດທະສາດການພັດທະນາຂອງຕົນເພື່ອສ້າງພື້ນຖານອັນໜັກແໜ້ນໃຫ້ແກ່ການພັດທທະນາແລະເພື່ອຄວາມຈະເລີນຮ່ວມກັນ.ທ່ານນາງປູຈ້ຽນກົວຍັງໄດ້ສະແດງຄວາມຫວັງທີ່ຈະສ້າງການພົວພັນຮ່ວມມືແລະໄມຕີຈິດມິດຕະພາບໃນທາງສ່ວນຕົວທີ່ດີກັບບຸກຄົນໃນວົງການຕ່າງໆຂອງກໍາປູເຈຍເພື່ອປະກອບສ່ວນອັນໃໝ່ເຂົ້າໃນການພັດທະນາຄວາມຈະເລີນຮຸ່ງເຮືອງແລະໄມຕີຈິດມິດຕະພາບອັນເປັນມູນເຊື້ອລະຫວ່າງຈີນແລະກໍາປູເຈຍ.
ທ່ານນາງປູຈ້ຽນກົວໄດ້ໄປຮອດກໍາປູເຈຍໃນວັນທີ16ກໍລະກົດນີ້ ແລະໄດ້ຍື່ນສານຕາຕັ້ງຕໍ່ກະສັດກໍາປູເຈຍ.
ປີນີ້ເປັນປີທີ່ຈີນແລະກໍາປູເຈຍສ້າງສາຍພົວພັນທາງການທູດຄົບຮອບ55ປີ,ຍັງເປັນປີແຫ່ງໄມຕີຈິດມິດຕະພາບລະຫວ່າງຈີນແລະກໍາປູເຈຍທີ່ລັດຖະບານສອງປະເທດຕົກລົງຮ່ວມກັນ,ຈີນແລະກໍາປູເຈຍຈະຈັດການເຄື່ອນໄຫວເປັນຫລາຍກິດຈະກໍາເພື່ອສະເຫລີມສະຫລອງການພົວພັນໄມຕີຈິດມິດຕະພາບລະຫວ່າງຈີນແລະກໍາປູເຈຍ.
© China Radio International.CRI. All Rights Reserved. 16A Shijingshan Road, Beijing, China. 100040 |