ມືຖືສະມາດຂອງຈີນໄດ້ພັດທະນາເຂັ້ມແຂງຂຶ້ນຢ່າງໄວວາຈົນກາຍເປັນຈຸດເດັ່ນຂອງຕະຫລາດ
ໃນຊຸມປີມໍ່ໆມານີ້,ປະລິມານການຈໍາໜ່າຍມືຖືສະມາດຂອງຈີນໄດ້ກ້າວຂຶ້ນເປັນອັນດັບໜຶ່ງຂອງໂລກ.ວິສາຫະກິດມືຖືຍີ່ຫໍ່ຈີນໂດຍມີຈົ່ງຊີ່ງ,ຮວາເຫວີຍ,ຄູນແພດແລະເລໂນໂວເປັນຕົວແທນນັ້ນໄດ້ມີການເຕີບໃຫຍ່ຂະຫຍາຍຕົວ,ປະລິມານການຜະລິດແລະຈໍາໜ່າຍແມ່ນຢູ່10ອັນດັບຕົ້ນຂອງໂລກ.
ໃນ6ເດືອນຕົ້ນປີ2013ນີ້,ປະລິມານການຈໍາໜ່າຍມືຖືສະມາດຍີ່ຫໍ່ຈີນມີເຖິງ130ລ້ານໜ່ວຍ,ຖ້າທຽບກັບໄລຍະດຽວກັນຂອງປີ2012ແມ່ນໄດ້ເພີ່ມຂຶ້ນ115% ຊຶ່ງສາມາດຄອງຕະຫລາດມືຖືສະມາດພາຍໃນປະເທດຈີນຫລາຍກວ່າ60%.ຍີ່ຫໍ່ເລໂນໂວ,ຢູລົງ,ຮວາເຫວີຍແລະຈົ່ງຊີ່ງໄດ້ເຂົ້າຮອບ5ອັນດັບຕົ້ນໃນດ້ານປະລິມານຈໍາໜ່າຍມືຖືຕະຫລາດພາຍໃນຈີນ.
ສະຖາບັນຄົ້ນຄວ້າການພັດທະນາຂອງຂະແໜງການຂໍ້ມູນຂ່າວສານເອເລັກໂຕນິກຈີນຄາດວ່າ,ປີ2013ຫາປີ2015ເປັນໄລຍະສຸດຍອດຂອງການປັບປຸງມືຖືສະມາດໃຫ້ທັນສະໄໝຂອງຈີນ.ໃນໄລຍະ3ປີດັ່ງກ່າວນີ້,ມູນຄ່າຈໍາໜ່າຍຈະມີເຖິງ2000ຕື້ຢວນ,ປະລິມານການຈໍາໜ່າຍຂອງຕະຫລາດມືຖືສະມາດຂອງຈີນຈະສືບຕໍ່ເພີ່ມຂຶ້ນດ້ວຍຄວາມໄວສູງ.
