ທ່ານສີຈິ້ນຜີງຈະຢ້ຽມຢາມອາຊີກາງເປັນຄັ້ງທຳອິດແລະເຂົ້າຮ່ວມກອງປະຊຸມສຸດຍອດກຸ່ມ G20 ທີ່ຈະຈັດຂຶ້ນຢູ່ຣັດເຊຍ
(GMT+08:00) 2013-08-28 19:37:37 cri
ວັນທີ 3 ກັນຍາໜ້ານີ້, ທ່ານສີຈິ້ນຜີງ, ປະທານປະເທດຈີນຈະເດີນທາງໄປຢ້ຽມຢາມ 4 ປະເທດອາຊີກາງແລະເຂົ້າຮ່ວມກອງປະຊຸມສຸດຍອດ G20 ຄັ້ງທີ 8 ແລະກອງປະຊຸມສະພາມົນຕີປະມຸກລັດອົງການຮ່ວມມືຊຽງໄຮຄັ້ງທີ 13. ນີ້ແມ່ນທ່ານສີຈິ້ນຜີງຢ້ຽມຢາມປະເທດອາຊີກາງເປັນຄັ້ງທຳອິດ. ໃນໄລຍະຢ້ຽມຢາມ, ທ່ານສີຈິ້ນຜີງຈະບັນລະຍາຍນະໂຍບາຍການຕ່າງປະເທດຕໍ່ອາຊີກາງຂອງລັດຖະບານຈີນຊຸດໃໝ່, ແລະສະເໜີຂໍ້ສະເໜີໃໝ່ກ່ຽວກັບການເພີ່ມທະວີການຮ່ວມມືລະຫວ່າງຈີນກັບປະເທດອາຊີກາງ. ນອກນີ້, ກ່ຽວກັບການພົບປະກັນລະຫວ່າງປະມຸກລັດຈີນກັບຍີ່ປຸ່ນທີ່ປະຊາຄົມໂລກໃຫ້ຄວາມສົນໃຈນັ້ນຈະສາມາດບັນລຸຜົນເປັນຈິງໄດ້ຫຼືບໍ່, ກະຊວງການຕ່າງປະເທດຈີນກ່າວວ່າການພົບປະກັນຍັງບໍ່ມີພື້ນຖານຫຍັງເທື່ອ.
ທ່ານຫຼີປາວຕຸ່ງ, ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ຈີນຫວັງວ່າກອງປະຊຸມສຸດຍອດ G20 ເທື່ອນີ້ຈະສາມາດເພີ່ມທະວີການຮ່ວມມືດ້ານການປະສານສົມທົບນະໂຍບາຍເສດຖະກິດມະຫາພາກ, ສ້າງສະພາບແວດລ້ອມການຄ້າສາກົນທີ່ເສລີພາບ, ເປີດປະຕູ, ສະເໝີພາບແລະຍຸຕິທຳ, ຊຸກຍູ້ການແກ້ໄຂບັນຫາການພັດທະນາຂອງທົ່ວໂລກ, ແລະທຳຄວາມພະຍາຍາມໃນດ້ານການກໍ່ສ້າງກົນໄກຂອງ G20.
ທ່ານຫຼີປາວຕຸ່ງ, ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ຈີນຫວັງວ່າກອງປະຊຸມສຸດຍອດ G20 ເທື່ອນີ້ຈະສາມາດເພີ່ມທະວີການຮ່ວມມືດ້ານການປະສານສົມທົບນະໂຍບາຍເສດຖະກິດມະຫາພາກ, ສ້າງສະພາບແວດລ້ອມການຄ້າສາກົນທີ່ເສລີພາບ, ເປີດປະຕູ, ສະເໝີພາບແລະຍຸຕິທຳ, ຊຸກຍູ້ການແກ້ໄຂບັນຫາການພັດທະນາຂອງທົ່ວໂລກ, ແລະທຳຄວາມພະຍາຍາມໃນດ້ານການກໍ່ສ້າງກົນໄກຂອງ G20.
