ອິນໂດເນເຊຍຍອມຮັບວ່າຈຸດທີ່ເກີດໄໝ້ປ່າໄດ້ເພີ່ມຂຶ້ນຫຼາຍໃນເວລາອັນສັ້ນໆ
(GMT+08:00) 2013-08-28 15:01:26 cri
ຕາມຂ່າວCRI：ວັນທີ27ສິງຫານີ້, ທ່ານຊູມານໂທ, ໂຄສົກກະຊວງປ່າໄມ້ອິນໂດເນເຊຍຍອມຮັບວ່າ, ຈຸດທີ່ເກີດໄຟໄໝ້ປ່າຢູ່ເກາະຊູມັດຕຣາໄດ້ເພີ່ມຂຶ້ນຢ່າງວ່ອງໄວ, ແຕ່ວ່າບໍ່ຮອດ488ຈຸດຕາມທີ່ສິງກະໂປກ່າວມານັ້ນ.
ທ່ານຊູມານໂທກ່າວວ່າ, ອີງຕາມຕົວເລກຂໍ້ມູນຂອງກົມຄຸ້ມຄອງທະເລແລະອາກາດອິນໂດເນເຊຍ, ໃນມື້ວັນນີ້ຢູ່ເຂດຊູມັດຕຣາລວມມີຈຸດທີ່ເກີດໄຟໄໝ້ປ່າ265ຈຸດ, ໃນມື້ກ່ອນມີ101ຈຸດ, ໃນອາທິດແລ້ວນີ້ມີພຽງແຕ່19ຫາ25ຈຸດ. ຈຳນວນຈຸດໄໝ້ປ່າລະຫວ່າງສິງກະໂປແລະອິນໂດເນເຊຍມີຄວາມແຕກຕ່າງກັນ, ແມ່ນຍ້ອນວິທີການນັບຈຳນວນຂອງຈຸດໄໝ້ປ່າລະຫວ່າງສອງຝ່າຍມີຄວາມແຕກຕ່າງກັນ. ພ້ອມກັນນັ້ນທ່ານຍັງຮຽກຮ້ອງໃຫ້ປະຊາຊົນຢູ່ເກາະຊູມັດຕຣາແລະສິງກະໂປຈົ່ງໃຫ້ລັດຖະບານອິນໂດເນເຊຍມີເວລາຫຼາຍກວ່າເກົ່າເພື່ອແກ້ໄຂບັນຫາດັ່ງກ່າວ. ປະຈຸບັນນີ້, ໝອກຄວັນທີ່ເຂັ້ມຂຸນໄດ້ສ້າງຜົນກະທົບຕໍ່ການຂຶ້ນລົງຂອງຍົນຫຼາຍຖ້ຽວບິນຢູ່ເມືອງເພຄານບາຣູ, ເທດສະບານແຂວງລຽວ, ແຕ່ວ່າປະເທດໃກ້ຄຽງຄືສິງກະໂປແລະມະເລເຊຍຍັງບໍ່ໄດ້ຮັບຜົນກະທົບເທື່ອ.
ຫວ່າງກ່ອນນີ້ບໍ່ດົນ, ທ່ານວິວຽນ ບາລາຄຼິສນານ, ລັດຖະມົນຕີວ່າການກະຊວງສິ່ງແວດລ້ອມແລະແຫຼ່ງນ້ຳສິງກະໂປໄດ້ຮຽກຮ້ອງໃຫ້ສືບຕໍ່ໃຫ້ຄວາມກົດດັນຕໍ່ລັດຖະບານແລະບໍລິສັດຂອງອິນໂດເນເຊຍເພື່ອຫຼຸດປະກົດການໝອກຄວັນໃຫ້ໜ້ອຍລົງຕື່ມອີກ.
ທ່ານຊູມານໂທກ່າວວ່າ, ອີງຕາມຕົວເລກຂໍ້ມູນຂອງກົມຄຸ້ມຄອງທະເລແລະອາກາດອິນໂດເນເຊຍ, ໃນມື້ວັນນີ້ຢູ່ເຂດຊູມັດຕຣາລວມມີຈຸດທີ່ເກີດໄຟໄໝ້ປ່າ265ຈຸດ, ໃນມື້ກ່ອນມີ101ຈຸດ, ໃນອາທິດແລ້ວນີ້ມີພຽງແຕ່19ຫາ25ຈຸດ. ຈຳນວນຈຸດໄໝ້ປ່າລະຫວ່າງສິງກະໂປແລະອິນໂດເນເຊຍມີຄວາມແຕກຕ່າງກັນ, ແມ່ນຍ້ອນວິທີການນັບຈຳນວນຂອງຈຸດໄໝ້ປ່າລະຫວ່າງສອງຝ່າຍມີຄວາມແຕກຕ່າງກັນ. ພ້ອມກັນນັ້ນທ່ານຍັງຮຽກຮ້ອງໃຫ້ປະຊາຊົນຢູ່ເກາະຊູມັດຕຣາແລະສິງກະໂປຈົ່ງໃຫ້ລັດຖະບານອິນໂດເນເຊຍມີເວລາຫຼາຍກວ່າເກົ່າເພື່ອແກ້ໄຂບັນຫາດັ່ງກ່າວ. ປະຈຸບັນນີ້, ໝອກຄວັນທີ່ເຂັ້ມຂຸນໄດ້ສ້າງຜົນກະທົບຕໍ່ການຂຶ້ນລົງຂອງຍົນຫຼາຍຖ້ຽວບິນຢູ່ເມືອງເພຄານບາຣູ, ເທດສະບານແຂວງລຽວ, ແຕ່ວ່າປະເທດໃກ້ຄຽງຄືສິງກະໂປແລະມະເລເຊຍຍັງບໍ່ໄດ້ຮັບຜົນກະທົບເທື່ອ.
ຫວ່າງກ່ອນນີ້ບໍ່ດົນ, ທ່ານວິວຽນ ບາລາຄຼິສນານ, ລັດຖະມົນຕີວ່າການກະຊວງສິ່ງແວດລ້ອມແລະແຫຼ່ງນ້ຳສິງກະໂປໄດ້ຮຽກຮ້ອງໃຫ້ສືບຕໍ່ໃຫ້ຄວາມກົດດັນຕໍ່ລັດຖະບານແລະບໍລິສັດຂອງອິນໂດເນເຊຍເພື່ອຫຼຸດປະກົດການໝອກຄວັນໃຫ້ໜ້ອຍລົງຕື່ມອີກ.
