ສູນແລກປ່ຽນເຕັກນິກຈີນ-ອາຊຽນຈະເປີດປ້າຍສ້າງຕັ້ງຂຶ້ນໃນເດືອນກັນຍາໜ້ານີ້
ວັນທີ27ສິງຫານີ້,ພະແນກເຕັກນິກວິທະຍາສາດເຂດກວາງຊີຈີນໃຫ້ຊາບວ່າ,ສູນແລກປ່ຽນເຕັກນິກຈີນ-ອາຊຽນຈະຈັດພິທີໄຂການບໍລິການໃນງານວາງສະແດງສິນຄ້າຈີນ-ອາຊຽນຄັ້ງທີ10ທີ່ຈະຈັດຂຶ້ນໃນວັນທີ3ກັນຍາໜ້ານີ້ໂດຍມີຜູ້ນໍາຂອງຈີນແລະອາຊຽນເຂົ້າຮ່ວມເປັນສັກຂີພິຍານ.ສູນແຫ່ງນີ້ເປັນສູນແລກປ່ຽນເຕັກນິກລະດັບຊາດແຫ່ງດຽວຂອງຈີນທີ່ເປີດບໍລິການຕໍ່ອາຊຽນ.
ປັດຈຸບບັນນີ້,ສູນແຫ່ງນີ້ກໍານົດຈະສ້າງຕັ້ງຂຶ້ນຢູ່ກວາງຊີແລະຈະນໍາໃຊ້ເວທີງານວາງສະແດງສິນຄ້າຈີນ-ອາຊຽນຢ່າງເຕັມສ່ວນເພື່ອເລັ່ງລັດຊຸກຍູ້ການແລກປ່ຽນແລະການຮ່ວມມືດ້ານເຕັກນິກວິທະຍາສາດລະຫວ່າງຈີນແລະອາຊຽນ.
ປັດຈຸບັນນີ້,ຈີນແລະອາຊຽນໄດ້ດໍາເນີນໂຄງການຮ່ວມມືລະຫວ່າງລັດຖະບານດ້ານເຕັກນິກວິທະຍາສາດໃນຂົງເຂດຕ່າງໆເຊັ່ນກະສິກໍາ,ຊີວະສາດ,ສະບຽງອາຫານ,ພະລັງງານ,ການແພດພື້ນເມືອງ,ການປິ່ນປົວ,ການວັດແທກແລະຄວບຄຸມທາງໄກ,ແຜ່ນດິນໄຫວແລະທະເລເຊິ່ງລວມມີ ຫລາຍກວ່າ1000ໂຄງການ
