ລັດເຊຍໄດ້ສະແດງຄວາມເສຍໃຈຕໍ່ອາເມລິກາທີ່ໄດ້ເລື່ອນເວລາຂອງການເຈລະຈາລະຫວ່າງສອງປະເທດກ່ຽວກັບບັນຫາຊິລີ
ວັນທີ27ສິງຫານີ້,ທ່ານເອເລັກຊານເດີ ລຸຄາເຊວິດ ໂຄສົກກະຊວງການຕ່າງປະເທດລັດເຊຍໄດ້ອອກຖະແຫລງການຢູ່ເວັບໄຊກະຊວງການຕ່າງປະເທດວ່າ,ລັດເຊຍໄດ້ສະແດງຄວາມເສຍໃຈຕໍ່ອາເມລິກາທີ່ໄດ້ເລື່ອນເວລາຈັດການເຈລະຈາກ່ຽວກັບບັນຫາຊິລີລະຫວ່າງລັດເຊຍແລະອາເມລິກາທີ່ໄດ້ຕົກລົງກັນຈະຈັດຂຶ້ນໃນວັນທີ28ສິງຫານີ້.ທ່ານກ່າວວ່າ,ການເຈລະຈາກ່ຽວກັບບັນຫາຊິລີຄັ້ງນີ້ແມ່ນໄດ້ຕົກລົງກັນໃນກອງປະຊຸມລັດຖະມົນຕີການຕ່າງປະເທດແລະລັດຖະມົນຕີປ້ອງກັນປະເທດລະຫວ່າງລັດເຊຍແລະອາເມລິກາທີ່ໄດ້ຈັດຂຶ້ນໃນວັນທີ9ສິງຫານີ້,ສອງຝ່າຍເຫັນດີນໍາການດໍາເນີນການປຶກສາຫາລືກ່ຽວກັບການຈັດກອງປະຊຸມສາກົນກ່ຽວກັບບັນຫາຊີລີ.ແຕ່ວ່າອາເມລິກາເລື່ອນເວລາຈັດການເຈລະຈາທີ່ລາໄຮໃນຄັ້ງນີ້ແມ່ນເພື່ອສົ່ງສັນຍານທີ່ກົງກັນຂ້າມໃຫ້ແກ່ຝ່າຍຕໍ່ຕ້ານຂອງຊີລີແລະສົ່ງເສີມເຂົາເຈົ້າຝາກຄວາມຫວັງໄວ້ຢູ່ນໍາການແຊກແຊງຈາກອິດທິກໍາລັງພາຍນອກ.
ທ່ານເອລິກຊານເດີ ລຸຄາເຊວິດກ່າວເນັ້ນວ່າ,ສິ່ງທີ່ຮີບດ່ວນທີ່ສຸດໃນປັດຈຸບັນແມ່ນຈັດກອງປະຊຸມສາກົນກ່ຽວກັບບັນຫາຊີລີ.ທ່ານຍັງໄດ້ກ່າວວ່າ,ລັດເຊຍຫວັງວ່າອາເມລິກາຈະສາມາດປະຕີບັດຕາມພັນທະໃນການກະກຽມກອງປະຊຸມຄັ້ງນີ້.
