ລັດຖະມົນຕີຊ່ວຍວ່າການກະຊວງການເງິນຈີນຄາດວ່າ ອັດຕາການປະກອບສ່ວນຂອງຈີນເຂົ້າໃນການເຕີບໂຕຂອງເສດຖະກິດໂລກຈະບັນລຸເຖິງ27,76%
ວັນທີ27ສິງຫານີ້,ທ່ານຈູ່ກວ່າງຢ້າວ,ລັດຖະມົນຕີຊ່ວຍວ່າການກະຊວງການເງິນຈີນກ່າວວ່າ,ຖ້າວ່າເສດຖະກິດຈີນມີການເພີ່ມຂຶ້ນເຖິງ7,5%,ອັດຕາປະກອບສ່ວນແຫ່ງການເຕີບໂຕຂອງເສດຖະກິດຈີນທີ່ມີຕໍ່ການເຕີບໂຕຂອງເສດຖະກິດໂລກຈະບັນລຸເຖິງ27,76%.
ທ່ານຈູ່ກວ່າງຢ້າວໄດ້ປະກອບຄໍາຄິດຄໍາເຫັນດັ່ງກ່າວເມື່ອເວົ້າເຖິງການປະກອບສ່ວນຂອງເສດຖະກິດຈີນຕໍ່ການເຕີບໂຕຂອງເສດຖະກິດໂລກໃນກອງປະຊຸມຂ່າວຕໍ່ສື່ມວນຊົນພາຍໃນແລະຕ່າງປະເທດທີ່ຈັດໂດຍກະຊວງການຕ່າງປະເທດຈີນ.ທ່ານໄດ້ຊີ້ອອກວ່າ,ຕາມການຄາດຄະເນຂອງIMF, ອັດຕາເຕີບໂຕຂອງເສດຖະກິດໂລກໃນປີ2013ແມ່ນ3,1%,ຖ້າວ່າເສດຖະກິດຈີນມີການເພີ່ມຂຶ້ນເຖິງ7,5%,ອັດຕາປະກອບສ່ວນຂອງເສດຖະກິດຈີນຕໍ່ການເຕີບໂຕຂອງເສດຖະກິດໂລກຈະບັນລຸເຖິງ27,76%.ທ່ານກ່າວເນັ້ນວ່າ,ພວກຂ້າພະເຈົ້າມີຄວາມໝັ້ນໃຈຈະບັນລຸເປົ້າໝາຍທີ່ເຮັດໃຫ້ອັດຕາເຕີບໂຕຂອງເສດຖະກິດຈີນໃນປີ2013ບັນລຸເຖິງ7,5%ແລະຮັກສາໃຫ້ອັດຕາເງິນເຟີ້ຕໍ່າກວ່າ3,5%.ປະຊາຊົນຈີນແລະທົ່ວໂລກຈະໄດ້ຮັບຜົນປະໂຫຍດຈາກການເຕີບໂຕຂອງເສດຖະກິດຈີນ.
