ຈີນຮຽກຮ້ອງໃຫ້ຝ່າຍຕ່າງໆຈົ່ງຮັກສາຄວາມອົດທົນແລະໃຈເຢັນຕໍ່ສະຖານະການຢູ່ຊີຣີ
ຕາມຂ່າວສານຊິນຮວາ: ວັນທີ 28 ສິງຫານີ້, ທ່ານຫວັງອີ້, ລັດຖະມົນຕີວ່າການກະຊວງການຕ່າງປະເທດຈີນໄດ້ໃຫ້ສຳພາດຕໍ່ນັກຂ່າວຂ່າວສານຊິນຮວາ ແລະ ໄດ້ສະແດງຄວາມເຫັນຂອງຈີນທີ່ມີຕໍ່ສະຖານະການຢູ່ຊີຣີໃນປັດຈຸບັນ.
ທ່ານຫວາງອີ້ ກ່າວວ່າ: ຈີນເອົາໃຈໃສ່ໃນລະດັບສູງຕໍ່ການຜັນແປຫຼ້າສຸດຂອງສະຖານະການຢູ່ຊີຣີ. ຈີນເດັດດ່ຽວຄັດຄ້ານການໃຊ້ອາວຸດເຄມີຢູ່ຊີຣີເຊິ່ງບໍ່ວ່າຝ່າຍໃດກໍຕາມ, ສະໜັບສະໜູນໜ່ວຍກວດກາບັນຫາການໃຊ້ວຸດເຄມີຢູ່ຊີຣີຂອງສະຫະປະຊາຊາດດຳເນີນການກວດກາຢ່າງເປັນອິດສະຫຼະ, ພາວະວິໄສ, ທ່ຽງທຳ ແລະ ດ້ວຍວິຊາສະເພາະ. ປັດຈຸບັນນີ້ ຄວນຫຼີກເວັ້ນບໍ່ໃຫ້ມີການລົບກວນຕໍ່ການກວດກາ, ກໍຄວນຫຼີກເວັ້ນການຄາດເດົາແລະກຳນົດຜົນການກວດກາລ່ວງໜ້າ.
ທ່ານຫວາງອີ ກ່າວວ່າເນັ້ນວ່າ: ການແກ້ໄຂດ້ວຍຊ່ອງທາງການເມືອງ ແມ່ນທາງອອກຕົວຈິງພຽງຊ່ອງທາງດຽວຢ່າງສະເໝີຕົ້ນສະເໝີປາຍໃນການແກ້ໄຂບັນຫາຊີຣີ. ການເຂົ້າແຊກແຊງດ້ວຍກຳລັງທະຫານຈາກພາຍນອກ ໄດ້ຝືນກັບຈຸດປະສົງຂອງ "ກົດບັດສະຫະປະຊາຊາດ" ແລະຫຼັກມາດຖານພື້ນຖານຂອງການພົວພັນລະຫວ່າງຊາດ, ແລະຈະເຮັດໃຫ້ສະຖານະການຢູ່ຕາເວັນອອກກາງປັ່ນປ່ວນວຸ້ນວາຍຍິ່ງຂຶ້ນ. ຈີນຮຽກຮ້ອງໃຫ້ຝ່າຍຕ່າງໆຈົ່ງຮັກສາຄວາມອົດກັ້ນແລະໃຈເຢັນ, ຍຶດໝັ້ນຊ່ອງທາງແກ້ໄຂທີ່ຖືກຕ້ອງຄື ຕ້ອງແກ້ໄຂດ້ວຍຊ່ອງທາງການ ເມືອງເທົ່ານັ້ນ.
