ກໍາປັ່ນໂຮງໝໍທີ່ຊື່ວ່າ"ສັນຕິພາບ"ຂອງກອງທັບເຮືອຈີນໄດ້ເດີນທາງໄປຮອດມຽນມາແລະໃຫ້ການບໍລິການດ້ານການປິ່ນປົວແກ່ປະຊາຊົນ
ຕອນເຊົ້າວັນທີ29ສິງຫານີ້,ກໍາປັ່ນໂຮງໝໍທີ່ຊື່ວ່າ"ສັນຕິພາບ"ຂອງກອງທັບເຮືອຈີນທີ່ປະຕິບັດໜ້າທີ່"ພາລະກິດຄວາມກົມກຽວປີ2013"ໄດ້ເດີນທາງໄປຮອດທ່າເຮືອທີລາວາຂອງມຽນມາທີ່ເປັນສະຖານທີ່ແຫ່ງທີ7ຂອງການປະຕິບັດໜ້າທີ່ໃນຄັ້ງນີ້ແລະດໍາເນີນການຢ້ຽມຢາມໄມຕີຈິດມິດຕະພາບແລະການບໍລິການດ້ານການປິ່ນປົວເປັນເວລາ6ມື້ຢູ່ມຽນມາ.
ໃນໄລຍະຢ້ຽມຢາມມຽນມາ,ໃນຂະນະທີ່ນໍາໃຊ້ກໍາປັ່ນໃຫ້ການບໍລິການດ້ານການປິ່ນປົວແກ່ປະຊາຊົນທ້ອງຖິ່ນ,ກໍາປັ່ນໂຮງໝໍລໍານີ້ທີ່ຊື່ວ່າສັນຕິພາບຍັງຈະແຕ່ງຕັ້ງໜ່ວຍປິ່ນປົວ11ໜ່ວຍໄປສະຖານທີ່ຕ່າງໆເຊັ່ນສູນສະມາຄົມການຄ້າຂອງຄົນຈີນທີ່ຢູ່ມຽນມາແລະໂຮງໝໍແມ່ແລະເດັກຂອງກະຊວງປ້ອງກັນປະເທດເພື່ອດໍາເນີນການບໍລິການດານການປິ່ນປົວ.ພ້ອມດຽວກັນນັ້ນ,ກໍາປັ່ນໂຮງໝໍຍັງຈະຈັດງານລ້ຽງຢູ່ເທິງດາດຟ້າກໍາປັ່ນ,ຈັດການແຂ່ງຂັນບານເຕະມິດຕະພາບກັບທະຫານຂອງກອງທັບເຮືອມຽນມາແລະແຕ່ງຕັ້ງໜ່ວຍປິ່ນປົວໄປໂຮງຮຽນແລະໂຮງລ້ຽງເດັກກໍາພ້າທ້ອງຖິ່ນເພື່ອໃຫ້ການບໍລິການດ້ານການປິ່ນປົວແລະດໍາເນີນການເຄື່ອນໄຫວໃຫ້ການຊ່ວຍເຫລືອດ້ານຕ່າງໆ.
ໃນກອງປະຊຸມຖະແຫລງຂ່າວທີ່ຈັດຂື້ນຫລັງຈາກພິທີຕ້ອນຮັບ,ພົນຕີເສີນຮ້າວ ຜູ້ບັນຊາການພາລະກິດນີ້ກ່າວວ່າ,ກອງທັບເຮືອຈີນເດີນທາງມານີ້ແມ່ນເພື່ອສືບທອດມິດຕະພາບ,ເປີດກວ້າງການແລກປ່ຽນເຊິ່ງກັນແລະກັນແລະລົງເລິກການຮ່ວມມື.ທ່ານເຊື່ອໝັ້ນວ່າ,ການຢ້ຽມຢາມໄມຕີຈິດມິດຕະພາບແລະການດໍາເນີນການບໍລິການດ້ານການປິ່ນປົວໃນຄັ້ງນີ້ຍ່ອມຈະຮັດແໜ້ນແລະຊຸກຍູ້ການຮ່ວມມືແບບໄມຕີຈິດມິດຕະພາບລະຫວ່າງກອງທັບຈີນແລະມຽນມາເວົ້າລວມ,ເວົ້າສະເພາະກໍຄືການຮ່ວມມືລະຫວ່າງກອງທັບເຮືອຈີນແລະມຽນມາ.
1.ມວນຊົນທີ່ໃຫ້ການຕ້ອນຮັບກໍາປັ່ນໂຮງໝໍທີ່ຊື່ວ່າ"ສັນຕິພາບ"ໃນທ່າເຮືອທີລາວາ
2.ກໍາປັ່ນໂຮງໝໍທີ່ຊື່ວ່າ"ສັນຕິພາບ"ໄດ້ເດີນທາງໄປຮອດນະຄອນຢາງກຸ້ງມຽນມາ
