ເຄື່ອງສໍາຫລວດດວງຈັນຊື່ສາງເອີ3ຂອງຈີນຈະເລືອກເວລາສົ່ງຂຶ້ນອະວະກາດໃນທ້າຍປີນີ້
ວັນທີ28ສິງຫານີ້,ກົມອຸດສາຫະກໍາວິທະຍາສາດເຕັກໂນໂລຊີປ້ອງກັນປະເທດຈີນໃຫ້ຊາບວ່າ,ເຄື່ອງສໍາຫລວດດວງຈັນຊື່ສາງເອີ3ຂອງຈີນຈະເລືອກເວລາຍິງຂຶ້ນສູ່ອະວະກາດທີ່ສູນຍິງສົ່ງດາວທຽມຊີ່ຊ່າງຂອງຈີນໃນທ້າຍປີນີ້.
ວັນທີ28ສິງຫານີ້,ໜ່ວຍນໍາພາສະເພາະກິດຂອງໂຄງການສໍາຫລວດດວງຈັນໄດ້ຈັດກອງປະຊຸມຄັ້ງທີ11ແລະກອງປະຊຸມປຸກລະດົມກ່ຽວກັບໜ້າທີ່ສົ່ງສາງເອີ3ເຂົ້າຖານຍິງສົ່ງແລະໄດ້ອະນຸມັດໃຫ້ສາງເອີ3ຈາກໄລຍະຄົ້ນຄວ້າແລະປະກອບສ້າງເຂົ້າສູ່ໄລຍະດໍາເນີນການຍິງສົ່ງ.
ທ່ານມາຊີ່ງຢຸ້ຍ ຫົວໜ້າກົມອຸດສາຫະກໍາວິທະນາສາດເຕັກໂນໂລຊີປ້ອງກັນປະເທດຈີນ,ຫົວໜ້າໜ່ວຍນໍາພາໂຄງການສໍາຫລວດດວງຈັນ ທັງເປັນຜູ້ບັນຊາການໃຫຍ່ກ່າວວ່າ,ໜ້າທີ່ຂອງສາງເອີ3ຈະເປັນຍານອະວະກາດຈີນທີ່ຈອດເທິງດວງດາວນອກໜ່ວຍໂລກຢ່າງນີ້ມນວນເປັນເທື່ອທໍາອິດເຊິ່ງມີຄວາມຫຍຸ້ງຍາກຫລາຍແລະມີຄວາມສ່ຽງໄພສູງ.
