ກອງປະຊຸມເປີດກວ້າງຂອງລັດຖະມົນຕີປ້ອງກັນປະເທດອາຊຽນຄັ້ງທີ2ໄດ້ຜ່ານຖະແຫລງການບັນດາເສລີເບກາວັນ ການຮ່ວມມືດ້ານວຽກງານປ້ອງກັນລະຫວ່າງຈີນ-ອາຊຽນໄດ້ຮັບຜົນສໍາເລັດທີ່ຕັ້ງໜ້າ
ວັນທີ29ສິງຫານີ້,ກອງປະຊຸມເປີດກວ້າງຂອງລັດຖະມົນຕີປ້ອງກັນອາຊຽນຄັ້ງທີ2ໄດ້ຈັດຂຶ້ນຢູ່ບັນດາເສລີເບກາວັນ ນະຄອນຫລວງຂອງບຼູໄນ,ຜູ້ນໍາຂອງອົງການປ້ອງກັນປະເທດຂອງບັນດາປະເທດອາຊຽນແລະ8ປະເທດຄູ່ເຈລະຈາໄດ້ເຂົ້າຮ່ວມແລະເຊັນຖະແຫລງການຮ່ວມບັນດາເສລີເບກາວັນ.ທ່ານສາງວ້ານຊວນ,ລັດຖະມົນຕີວ່າການກະຊວງປ້ອງກັນປະເທດຈີນທີ່ໄດ້ເຂົ້າຮ່ວມໃນກອງປະຊຸມດັ່ງກ່າວໄດ້ຕີລາຄາຢ່າງຕັ້ງໜ້າຕໍ່ໝາກຜົນທີ່ຈີນແລະອາຊຽນໄດ້ຮັບໃນດ້ານການຮ່ວມມືດ້ານຄວາມປອດໄພແລະວຽກງານປ້ອງກັນ.
ມື້ດຽວກັນ,ຜູ້ນໍາຂອງອົງການປ້ອງກັນປະເທດຂອງ10ປະເທດອາຊຽນແລະ8ປະເທດຄູ່ເຈລະຈາຂອງອາຊຽນຄືຈີນ,ອາເມລິກາ,ລັດເຊຍ,ຍີ່ປຸ່ນ,ສ.ເກົາຫລີ,ອິນເດຍ,ອົດສະຕຣາລີແລະນູແວນເຊລັງໄດ້ເຂົ້າຮ່ວມໃນກອງປະຊຸມດັ່ງກ່າວໂດຍໄດ້ແລກປ່ຽນຄໍາຄິດຄໍາເຫັນຢ່າງເລິກເຊິ່ງກ່ຽວກັບສະຖານະການຄວາມໝັ້ນຄົງຂອງພາກພື້ນແລະສາກົນແລະໄດ້ເຊັນຖະແຫລງການຮ່ວມບັນດາເສລີເບກາວັນ.
ຖະແຫລງການຮ່ວມບັນດາເສລີເບກາວັນໄດ້ຕີລາຄາຢ່າງຕັ້ງໜ້າຕໍ່ປະເທດສະມາຊິກຂອງກອງປະຊຸມເປີດກວ້າງຂອງລັດຖະມົນຕີປ້ອງກັນປະເທດອາຊຽນທີ່ໄດ້ປະກອບສ່ວນອັນຕັ້ງໜ້າເຂົ້າໃນສັນຕິພາບ,ສະຖຽນລະພາບແລະການພັດທະນາຂອງພາກພື້ນ,ຢືນຢັນອີກເທື່ອໜຶ່ງວ່າອາຊຽນເປັນກໍາລັງຕົ້ນຕໍໃນການຊຸກຍູ້ຂະບວນການກອງປະຊຸມເປີດກວ້າງຂອງລັດຖະມົນຕີປ້ອງກັນປະເທດອາຊຽນ,ກອງປະຊຸມເປີດກວ້າງຂອງລັດຖະມົນຕີປ້ອງກັນປະເທດອາຊຽນເປັນສ່ວນປະກອບທີ່ສໍາຄັນຂອງການກກໍ່ສ້າງໂຄງປະກອບຄວາມໝັ້ນຄົງຂອງພາກພື້ນທີ່ຕັ້ງໜ້າ,ມີປະສິດທິຜົນ,ເປີດປະຕູແລະມີການຜ່ອນສັ້ນຜ່ອນຍາວແກ່ກັນ.
ປີນີ້ເປັນປີທີ່ສ້າງຕັ້ງສາຍພົວພັນຄູ່ຮວມມືຍຸດທະສາດລະຫວ່າງຈີນແລະອາຊຽນຄົບຮອບ10ປີ.ຕໍ່ກໍລະນີນີ້,ທ່ານສາງວ້ານຊວນ,ລັດຖະມົນຕີວ່າການກະຊວງປ້ອງກັນປະເທດຈີນທີ່ໄດ້ເຂົ້າຮ່ວມໃນກອງປະຊຸມດັ່ງກ່າວໄດ້ຕີລາຄາຢ່າງຕັ້ງໜ້າຕໍ່ໝາກຜົນທີ່ຈີນແລະອາຊຽນໄດ້ຮັບໃນດ້ານການຮ່ວມມືດ້ານຄວາມປອດໄພແລະວຽກງານປ້ອງກັນ.
ນອກຈາກນີ້,ຕໍ່ບັນຫາຂໍ້ຂັດແຍ້ງດ້ານອະທິປະໄຕຢູ່ທະເລຈີນໃຕ້,ທ່ານສາງວ້ານຊວນກ່າວເນັ້ນວ່າ,ຈີນກັບບາງປະເທດຂອງອາຊຽນມີຂໍ້ຂັດແຍ້ງດ້ານອະທິປະໄຕເໜືອດິນແດນແລະສິດຜົນປະໂຫຍດທາງດ້ານທະເລ.ແຕ່ວ່າຂໍ້ຂັດແຍ້ງດັ່ງກ່າວບໍ່ແມ່ນກະແສຕົ້ນຕໍຂອງສະພາບຄວາມໝັ້ນຄົງຂອງພາກພື້ນ,ກໍບໍ່ແມ່ນບັນຫາລະຫວ່າງຈີນແລະອາຊຽນ.ສະນັ້ນຂໍ້ຂັດແຍ້ງທີ່ກ່ຽວຂ້ອງບໍ່ຄວນແລະກໍຈະບໍ່ມີຜົນກະທົບຕໍ່ສະພາບລວມຂອງສາຍພົວພັນລະຫວ່າງຈີນແລະອາຊຽນ.
ທ່ານສາງວ້ານຊວນກ່າວວ່າ:
"ຕໍ່ກໍລະນີຂໍ້ຂັດແຍ້ງທີ່ກ່ຽວຂ້ອງ,ຈຸດຢືນສະເໝີຕົ້ນສະເໝີປາຍຂອງຈີນແມ່ນໃຫ້ປະເທດທີ່ມີຄວາມຂັດແຍ້ງໂດຍກົງຊອກຫາວິທີແກ້ໄຂທີ່ເໝາະສົມ,ພວກຂ້າພະເຈົ້າຄັດຄ້ານຄໍາເວົ້າແລະການກະທໍາທີ່ບໍ່ເໝາະສົມກັບຄວາມຈິງຂອງປະຫວັດສາດແລະແລະປິ້ນດໍາເປັນຂາວ ທັງຄັດຄ້ານການກະທໍາທີ່ເຮັດໃຫ້ຂໍ້ຂັດແຍ້ງກາຍເປັນບັນຫາສາກົນແລະເຮັດໃຫ້ຂະຫຍາຍແລະສັບສົນຂຶ້ນ.ພວກຂ້າພະເຈົ້າຍິນດີຮ່ວມກັບປະເທດອາຊຽນ,ຕັ້ງໜ້າທໍາຄວາມພະຍາຍາມເພື່ອຮັກສາສັນຕິພາບແລະສະຖຽນລະພາບຂອງພາກພື້ນ."
