ຜູ້ນໍາຈີນໄດ້ສົ່ງໂທລະເລກອວຍພອນເຖິງຜູ້ນໍາຫວຽດນາມໂອກາດວັນຊາດຫວຽດນາມຄົບຮອບ68ປີ
ວັນທີ30ສິງຫານີ້,ເນື່ອງໃນໂອກາດວັນຊາດສສຫວຽດນາມໃກ້ຈະມາເຖິງໃນວັນທີ2ກັນຍາໜ້ານີ້,ທ່ານສີຈີ້ນຜິງ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດແຫ່ງສປຈີນໄດ້ສົ່ງໂທລະເລກອວຍພອນເຖິງທ່ານຫງວຽນຟູ່ຈ້ອງ ເລຂາທິການໃຫຍ່ສູນກາງພັກກອມມູນິດຫວຽດນາມແລະທ່ານເຈືອງເຕິນຊາງ ປະທານປະເທດສສຫວຽດນາມໂອກາດວັນຊາດຫວຽດນາມຄົບຮອບ68ປີ.
ໂທລະເລກອວຍພອນໄດ້ລະບຸວ່າ,ແຕ່ປີນີ້ມາ,ພາຍໃຕ້ຄວາມພະຍາຍາມຂອງສອງຝ່າຍ,ການພົວພັນລະຫວ່າງຈີນແລະຫວຽດນາມໄດ້ສືບຕໍ່ມີທ່າອ່ຽງຂະຫຍາຍຕົວທີ່ດີ.ການແລກປ່ຽນຢ້ຽມຢາມໃນລະດັບສູງລະຫວ່າງທັງສອງປະເທດໄດ້ມີຫລາຍຂຶ້ນ,ການແລກປ່ຽນແລະການຮ່ວມມືໃນຂົງເຂດຕ່າງໆກໍສືບຕໍ່ມີຄວາມຕືບໜ້າໃໝ່.ຈີນໃຫ້ຄວາມສໍາຄັນຢ່າງສູງຕໍ່
ການພັດທະນາການພົວພັນກັບຫວຽດນາມ,ຫວັງວ່າສອງຝ່າຍຈະພະຍາຍາມຮ່ວມກັນ,ເພີ່ມທະວີຄວາມໄວ້ເນື້ອເຊື່ອໃຈແລະການແລກປ່ຽນຢ່າງມີໄມຕີຈິດມິດຕະພາບເຊິ່ງກັນແລະກັນ,ເປີດກວ້າງການຮ່ວມມືຍຸດທະສາດຮອບດ້ານ,ຊຸກຍູ້ໃຫ້ການພົວພັນລະຫວ່າງຈີນແລະຫວຽດນາມສືບຕໍ່ມີການພັດທະນາທີ່ໝັ້ນຄົງແລະໂປ່ງໃສ.
ມື້ດຽວກັນ,ທ່ານຫລີຄື້ສຽງ ນາຍົກລັດຖະມົນຕີຈີນກໍໄດ້ສົ່ງໂທລະເລກອວຍພອນເຖິງທ່ານຫງວຽນເຕິນຢຸງ ນາຍົກລັດຖະມົນຕີກວຽດນາມແລະທ່ານຫວາງຢີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ສົ່ງໂທລະເລກອວຍພອນເຖິງທ່ານຟ້າມບິງມິງ ລັດຖະມົນຕີວ່າການກະຊວງການຕ່າງປະເທດຫວຽດນາມ ເພື່ອອວຍພອນວັນຊາດສສຫວຽດນາມຄົບຮອບ68ປີເຊັ່ນກັນ.
