ກຸ່ມບໍລິສັດນໍ້າມັນແລະອຸດສາຫະກໍາເຄມີຈີນໃຊ້ງົບປະມານ3,1ຕື້ໂດລາເພື່ອຊື້ຊັບສິນຂອງບໍລິສັດນໍ້າມັນອາເມລິກາໃນເອຢິບ
ວັນທີ30ສິງຫານີ້,ກຸ່ມບໍລິສັດນໍ້າມັນແລະອຸດສາຫະກໍາເຄມີຈີນ ໄດ້ປະກາດວ່າ,ບໍລິສັດການສໍາຫລວດພັດທະນານໍ້າມັນເຊື້ອໄຟສາກົນຈໍາກັດທີ່ເປັນບໍລິສັດສາຂາທີ່ຕົນອອກທຶນສ້າງຕັ້ງຂຶ້ນໄດ້ເຊັນສັນຍາກັບບໍລິສັດນໍ້າມັນອາພາຊີຂອງອາເມລິກາ,ກຸ່ມບໍລິສັດນໍ້າມັນແລະອຸດສາຫະກໍາເຄມີຈີນຈະຊື້ໜຶ່ງສ່ວນສາມຂອງສິດຄວບຄຸມຊັບສິນຂອງບໍລິສັດນໍ້າມັນອາພາຊີໃນເອຢິບໃນລາຄາ3,1ຕື້ໂດລາ.
ກຸ່ມບໍລິສັດນໍ້າມັນແລະອຸດສາຫະກໍາເຄມີຈີນກ່າວວ່າ,ການຊື້ກິດຈະການດັ່ງກ່າວໄດ້ຮັບການອະນຸມັດຈາກອົງການທີ່ກ່ຽວຂ້ອງ.ຖ້າວ່າການຊື້ກິດຈະການນີ້ໄດ້ຜົນສໍາເລັດ,ຄາດວ່າຈະສາມາດເພີ່ມຄວາມສາມາດການຜະລິດໃຫ້ແກ່ກຸ່ມບໍລິສັດນໍ້າມັນແລະອຸດສາຫະກໍາເຄມີຈີນປະມານ1,3ແສນບາເຣນຕໍ່ມື້ເຊິ່ງເທົ່າກັບປະລິມານການຜະລິດ6,5ລ້ານໂຕນຕໍ່ປີ.ໂຄງການດັ່ງກ່າວໝາຍຄວາມວ່າກຸ່ມບໍລິສັດນໍ້າມັນແລະອຸດສາຫະກໍາເຄມີຈີນໄດ້ເຂົ້າເຖິງຕະຫລາດຊັບພະຍາກອນນໍ້າມັນແລະແກສຂອງເອຢິບເປັນເທື່ອທໍາອິດ.
