ອາເມລິກາບໍ່ໄດ້ຕົກລົງໃຊ້ກຳລັງອາວຸດຕໍ່ຊີຣີໃນທີ່ສຸດ
ວັນທີ 30 ສິງຫານີ້, ທ່ານບາລັກ ໂອບາມາ ປະທານາທິບໍດີອາເມລິກາກ່າວວ່າ, ທ່ານຍັງບໍ່ທັນໄດ້ຕົກລົງຈະໃຊ້ກຳລັງອາວຸດຕໍ່ຊີຣີຫຼືບໍ່, ທ່ານກຳລັງພິຈາລະນາໃຊ້ "ການກະທຳທີ່ມີຄວາມຈຳກັດ ແລະ ຂອບເຂດແຄບ", ແຕ່ຈະບໍ່ສົ່ງກອງທະຫານທາງບົກໄປຊີຣີ ຫຼື ເຮັດສົງຄາມຍືດເຍືອຍາວນານ.
ປັດຈຸບັນ, ກ່ຽວກັບການໃຊ້ກຳລັງອາວຸດຕໍ່ຊີຣີ, ທ່ານໂອບາມາຍັງຕ້ອງຜ່ານສອງຄື,ລັດຖະສະພາ ແລະ ປະຊາມະຕິ.ກ່ອນໜ້ານີ້, ມີສະມາຊິກສະພາຕ່ຳ 140 ຄົນ (ລວມທັງສະມາຊິກພັກປະຊາທິປະໄຕ 21 ຄົນ) ໄດ້ຮ່ວມກັນລົງນາມສະເໜີວ່າ,ກ່ອນອອກຄຳສັ່ງໃຊ້ກຳລັງອາວຸດຕໍ່ຊີຣີທ່ານໂອບາມາຕ້ອງຮັບການມອບສິດຈາກລັດຖະສະພາ, ຖ້າບໍ່ດັ່ງນັ້ນກໍ່ແມ່ນລະເມີດລັດຖະທຳມະນູນຢ່າງບັງອາດເປີດແປນ.
ຜົນການປະຊາມະຕິສະແດງໃຫ້ເຫັນວ່າ,ວັນທີ 30 ສິງຫານີ້, ບໍລິສັດວິທະຍຸກະຈາຍສຽງທົ່ວປະເທດອາເມລິກາ ຫຼື NBC ໄດ້ປະກາດຜົນການສຳຫຼວດຄວາມເຫັນສະແດງໃຫ້ເຫັນວ່າ,ຜູ້ຮັບການສຳຫຼວດມີຈຳນວນເຄິ່ງໜຶ່ງຄັດຄ້ານອາເມລິກາໃຊ້ກຳລັງອາວຸດຕໍ່ຊີຣີ, ມີເກືອບ 80% ຮຽກຮ້ອງວ່າ ທ່ານໂອບາມາກ່ອນອອກຄຳສັ່ງໃຊ້ກຳລັງອາວຸດຕ້ອງໄດ້ຮັບການມອບສິດຈາກລັດຖະສະພາ, ແລະມີຜູ້ຮັບການສຳຫຼວດ 44% ກ່າວຢ່າງຄັກແນ່ວ່າ, ບໍ່ເຫັນດີຮູບແບບຂອງປະທານາທິບໍດີໂອບາມາໃນການແກ້ໄຂບັນຫາຊີຣີ.
ລັດຖະບານໂອບາມາສະແຫວງຫາປະເທດພັນທະມິດພ້ອມກັນໂຈມຕີຊີຣີກໍ່ບໍ່ມີຄວາມຄືບໜ້າ. ວັນທີ 29 ສິງຫານີ້, ສະພາຕ່ຳອັງກິດໄດ້ຍັບຢັ້ງແຜນການການກຳທຳທາງການທະຫານຂອງລັດຖະບານ, ທ່ານດາວິດ ວິລຽມ ໂດນາວດ໌ ກາເມຣົນ ນາຍົກລັດຖະມົນຕີອັງກິດກ່າວວ່າ,ຈະປະຕິບັດງານຕາມມະຕິດັ່ງກ່າວ.ວັນທີ 30 ສິງການີ້, ທ່ານອັນເດີສ໌ ໂຟກ ຣາສມູເຊນ ເລຂາທິການໃຫຍ່ນາໂຕເວົ້າຕໍ່ສື່ມວນຊົນແດນມາກວ່າ, ນາໂຕຈະບໍ່ເຂົ້າຮ່ວມການກະທຳທາງການທະຫານທີ່ແນໃສ່ລັດຖະບານຊີຣີ. ສ່ວນຝຣັ່ງຍັງໄດ້ສະແດງທ່າທີອັນເດັດດຽວ ແລະ ແຂງແຮງ. ວັນທີ 29 ສິງຫານີ້, ທ່ານຟຼານໂຊສ໌ ໂຮລານເດ ປະທານາທິບໍດີຝຣັ່ງກ່າວອີກວ່າ, ຝຣັ່ງໂຈມຕີຊີຣີທາງທະຫານອາດຈະບໍ່ລໍຖ້າການຕົກລົງຂອງລັດຖະສະພາ.
