ເຂດແດນຕໍ່ແດນແຂວງຢຸນນານກັບແຂວງເສສວນຈີນເກີດແຜ່ນດິນໄຫວຂັ້ນ5,9ລິກເທີ
ເວລາ 8 ໂມງ 4 ນາທີຂອງວັນທີ 31 ສິງຫານີ້, ເຂດແດນຕໍ່ແດນລະຫວ່າງເມືອງຊາກຼີລາ ແລະ ເມືອງເຕີ໋ສິ່ນ ກິ່ງແຂວງປົກຄອງຕົນເອງເຜົ່າຕິເບດຕີ໋ຊີ້ງ ແຂວງຢຸນນານ ກັບ ເມືອງເຕີ໋ຢົ໋ງ ກິ່ງແຂວງປົກຄອງຕົນເອງເຜົ່າຕິເບດກ່ານເຈິ ແຂວງເສສວນຈີນໄດ້ເກີດແຜ່ນດິນໄຫວຂັ້ນ 5,9 ລິກເທີ. ກອງບັນຊາການຕ້ານໄພແຜ່ນດິນໄຫວກິ່ງແຂວງຕີ໋ຊີ້ງ ແຂວງຢຸນນານແຈ້ງໃຫ້ຮູ້ວ່າ, ປັດຈຸບັນ, ແຜ່ນດິນໄຫວໄດ້ເຮັດໃຫ້ກິ່ງແຂວງນີ້ມີ 1 ຄົນເສຍຊິວິດ, 3 ຄົນຮັບບາດເຈັບໜັກ, ມີນັກທ່ອງທ່ຽວ 17 ຄົນຖືກອັດຕັນ, ເມືອງທົ່ວເຂດເທດສະບານເຕີ໋ສິ່ນບໍ່ມີໄຟຟ້າ.
ຫຼັງຈາກເກີດໄພແຜ່ນດິນໄຫວ, ພະແນກແຜ່ນດິນໄຫວແຂວງຢຸນນານໄດ້ ປະຕິບັດການຮັບມືລະດັບທີ 3 ຂອງແຜນການສຸກເສີນແຜ່ນດິນໄຫວ, ໜ່ວຍຊ່ຽວຊານແຜ່ນດິນໄຫວທີ່ປະກອບ 28 ຄົນ ແລະ ຄະນະວັດແທກແຜ່ນດິນໄຫວ 2 ຄະນະພວມປະຕິບັດງານຢູ່ເຂດປະສົບໄພ.
ພະແນກປົກຄອງແລະປະຊາສົງເຄາະແຂວງຢຸນນານໄດ້ເບີກວັດຖຸຕ້ານໄພພິບັດຈຳນວນຫຼາຍ, ເພື່ອຍົກຍ້າຍ ແລະ ຈັດສັນຜູ້ປະສົບໄພໂດຍດ່ວນ.
