ໄຂງານກິລາແຫ່ງຊາດຈີນຄັ້ງທີ12ຢູ່ນະຄອນເສີນຢ໋າງ
ຕາມຂ່າວCRI: ຕອນບ່າຍວັນທີ 31 ສິງຫາແລ້ວນີ້, ງານກິລາສາທາລະນະລັດປະຊາຊົນຈີນຄັ້ງທີ12ໄດ້ຈັດຂຶ້ນຢູ່ສູນກິລາໂອລິມປິກນະຄອນເສີນຢ໋າງ ເຊິ່ງເປັນເມືອງເອກແຂວງລຽວນີງ. ທ່ານສີຈີນຜີງ ປະທານປະເທດຈີນໄດ້ເຂົ້າຮ່ວມພິທີໄຂງານ ແລະ ປະກາດງານກິລາຄັ້ງນີ້ໄຂຂຶ້ນ.
ໃນເວລາກ່າວຄຳປາໄສ, ທ່ານລີວເພີງ ປະທານຄະນະກຳມະການໂອລິມປິກຈີນກ່າວວ່າ, ງານກິແຫ່ງຊາດຈີນຈັດຂຶ້ນເປັນເວລາ 54 ປີມານີ້,ໄດ້ຕັ້ງໜ້າຊຸກຍູ້ໃຫ້ລະດັບກິລາປະເພດແຂ່ງຂັນຂອງຈີນຍົກສູງຂຶ້ນຢ່າງບໍ່ຢຸດຢັ້ງ, ແລະເຮັດໃຫ້ກິລາມວນຊົນຂອງຈີນເຜີຍແຜ່ຢ່າງບໍ່ຢຸດຢັ້ງ, ແລະການຫັດກາຍເພື່ອສຸຂະພາບຂອງປະຊາຊົນຈີນດຳເນີນຢ່າງກວ້າງຂວາງ. ງານກິລາແຫ່ງຊາດຈີນຄັ້ງນີ້ຍິ່ງແມ່ນງານກິລາຄັ້ນໜຶ່ງທີ່ປັບປຸງການປະຕິຮູບ, ປະຢັດມັດທະຍັດ ແລະ ສ້າງຮີດສັງຄົມໃໝ່.
28 ຄະນະກິລາ, ນັກກິລາ 9 ພັນ 770 ຄົນທີ່ມາຈາກແຫ່ງຕ່າງໆຂອງຈີນໄດ້ເຂົ້າຮ່ວມງານກິລາຄັ້ງນີ້, ງານກິລາລວມມີປະເພດໃຫຍ່ 31 ລາຍ, ປະເພດນ້ອຍ 350 ລາຍ.
