ກອງປະຊຸມຂ່າວຂອງງານວາງສະແດງສິນຄ້າຈີນ-ອາຊຽນຄັ້ງທີ10ແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນໄດ້ຈັດຂຶ້ນຢູ່ເມືອງໜານໜິງ
ຕອນເຊົ້າວັນທີ2ກັນຍານີ້, ກອງປະຊຸມຂ່າວຂອງງານວາງສະແດງສິນຄ້າຈີນ-ອາຊຽນຄັ້ງທີ10ແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນໄດ້ຈັດຂຶ້ນຢູ່ເມືອງໜານໜິງເຂດກວາງຊີຈີນ.ທ່ານຢາວຈ່ຽນ,ຫົວໜ້າຫ້ອງການກະຊວງການຄ້າຈີນ,ທ່ານດານີ ຈຽນຊຽງລີ ຫົວໜ້າກົມວຽກງານປະຊາຄົມຂອງກອງເລຂາອາຊຽນ,ທ່ານຫວາງໄລ ຮອງເລຂາທິການກອງເລຂາງານວາງສະແດງສິນຄ້າຈີນ-ອາຊຽນໄດ້ຖະແຫລງຂ່າວກ່ຽວກັບສະພາບການວາງສະແດງຂອງງານວາງສະແດງສິນຄ້າຈີນ-ອາຊຽນຄັ້ງນີ້,ການຮ່ວມມືທາງດ້ານເສດຖະກິດການຄ້າລະຫວ່າງຈີນ-ອາຊຽນແລະສະພາບການລາຍງານສໍາລັບງານວາງສະແດງໃນຄັ້ງນີ້.
ທ່ານຢາວຈ່ຽນກ່າວວ່າ,ງານວາງສະແດງແລະກອງປະຊຸມສຸດຍອດການຄ້າແລະການລົງທຶນຄັ້ງນີ້ມີຮ້ານວາງສະແດງທັງໝົດ4600ຫ້ອງ,ໃນນັ້ນ,ຮ້ານວາງສະແດງຂອງ10ປະເທດອາຊຽນແລະຮ້ານວາງສະແດງນອກພາກພື້ນມີທັງໝົດ1331ຫ້ອງ（ອາຊຽນມີຮ້ານວາງສະແດງ1294ຫ້ອງ）,ມີ6ປະເທດອາຊຽນໄດ້ຮັບເໝົາຫໍວາງສະແດງຢູ່ໃນງານຄັ້ງນີ້.
ທ່ານດານີ ຈຽນຊຽງ ລີ,ຫົວໜ້າກົມວຽກງານປະຊາຄົມກອງເລຂາອາຊຽນກ່າວວ່າ,ການພົວພັນທີ່ມີໄມຕີຈິດມິດຕະພາບລະຫວ່າງຈີນແລະອາຊຽນໄດ້ສ້າງສະພາບແວດລ້ອມທີ່ມີຜົນປະໂຫຍດໃຫ້ແກ່ການພັດທະນາເສດຖະກິດຂອງບັນດາປະເທດ,ພ້ອມດຽວກັນນັ້ນ,ພວກຂ້າພະເຈົ້າສາມາດຖືປະເທດຈີນເປັນຫົວຈັກຂອງການຂະຫຍາຍຕົວຂອງເສດຖະກິດພາກພື້ນອາຊີປາຊິຟິກ ເຊິ່ງໄດ້ເປັນການຍົກສູງສະດັບຊີວິດການເປັນຢູ່ຂອງປະຊາຊົນໃນພື້ນອາຊີປາຊິຟິກ,ນີ້ແມ່ນເປົ້າໝາຍຮ່ວມກັນຂອງຈີນແລະອາຊຽນ.
ທ່ານຫວາງໄລ ຮອງເລຂາທິການກອງເລຂາງານວາງສະແດງສິນຄ້າຈີນ-ອາຊຽນກ່າວວ່າ,ມີນັກຂ່າວ1705ຄົນທີ່ມາຈາກສື່ມວນຊົນ240ແຫ່ງໄດ້ເຂົ້າຮ່ວມການລາຍງານຂ່າວຂອງງານວາງສະແດງຄັ້ງນີ້.ໃນນັ້ນ,ສື່ມວນຊົນອາຊຽນແລະສື່ມວນຊົນນອກພາກພື້ນມີ70ແຫ່ງ.
