ວົງການຕ່າງໆໃນສັງຄົມຂອງຈີນລະລຶກວັນຄົບຮອບ 68 ປີແຫ່ງການໄດ້ຮັບໄຊຊະນະຂອງສົງຄາມຕໍ່ຕ້ານຍີ່ປຸ່ນຂອງຈີນແລະສົງຄາມຕໍ່ຕ້ານຟາດຊິດທົ່ວໂລກ
ຕາມຂ່າວສານຊິນຮວາ: ວັນທີ 3 ກັນຍາແມ່ນວັນໄດ້ຮັບໄຊຊະນະຄົບຮອບ 68 ປີ ແຫ່ງສົງຄາມຕໍ່ຕ້ານຍີ່ປຸ່ນຂອງຈີນແລະສົງຄາມຕໍ່ຕ້ານຟາດຊິດທົ່ວໂລກ, ວົງການຕ່າງໆໃນສັງຄົມພາຍໃນແລະຕ່າງປະເທດຈີນໄດ້ຈັດກິດຈະກຳຕ່າງໆເພື່ອລະລຶກໄລຍະປະຫວັດສາດທີ່ສຳຄັນນີ້ທີ່ໄດ້ສົ່ງຜົນສະທ້ອນເຖິງຂະບວນວິວັດທາງດ້ານປະຫວັດສາດຂອງຈີນກໍຄືຂອງໂລກ.
ວັນທີ 2 ກັນຍານີ້, ປື້ມ "ບັນທຶກການໄຕ່ສວນໃນສານທະຫານສາກົນຕາເວັນອອກໄກ" ເຊິ່ງແມ່ນຫໍສະໝຸດແຫ່ງຊາດຈີນ ແລະ ມະຫາວິທະຍາໄລຄົມມະນາຄົມຊຽງໄຮຮ່ວມກັນລວບລວມພິມຈຳໜ່າຍນັ້ນ ໄດ້ສຳເລັດການພິມແລະພົບກັບທ່ານຜູ້ອ່ານຢ່າງເປັນທາງການ, ໃນປື້ມ ນີ້ໄດ້ບັນທຶກເອົາການໄຕ່ສວນໃນສານທະຫານສາກົນຕາເວັນອອກໄກແຕ່ວັນທີ 3 ພຶດສະພາປີ 1946 ຮອດວັນທີ 12 ພະຈິກປີ 1948 ຢ່າງຖືກຕ້ອງຕາມຄວາມເປັນຈິງ ແລະ ສົມບູນຄົບຖ້ວນ. ຜູ້ຊ່ຽວຊານ ກ່າວວ່າ: ປື້ມນີ້ຈະສາມາດສະໜອງເອກະສານປະຫວັດສາດການໄຕ່ສວນໃນສານທະຫານສາກົນຕາເວັນອອກໄກຕົ້ນສະບັບ ໃຫ້ແກ່ວົງການວິຊາການ ແລະ ສາທາລະນະຊົນ, ເປັນການຕອບໂຕ້ຢ່າງແຂງແຮງຕໍ່ຍີ່ປຸ່ນທີ່ໄດ້ຢັບຢັ້ງປະຫວັດການຮຸກຮານຂອງຕົນເອງ, ມີຄວາມໝາຍທາງປະຫວັດສາດແລະຄວາມໝາຍຕົວຈິງທີ່ສຳຄັນຕໍ່ການແກ້ໄຂການພົວພັນລະຫວ່າງຈີນ-ຍີ່ປຸ່ນໃນອະນາຄົດ ແລະ ການແກ້ໄຂບັນຫາທີ່ຕົກທອດມາແຕ່ສະໄໝອະດີດແລະບັນຫາທີ່ມີຢູ່ໃນປັດຈຸບັນ.
