ໂຄສົກກະຊວງການຕ່າງປະເທດຈີນຖະແຫຼງກ່ຽວກັບວັນຄົບຮອບ68ປີແຫ່ງໄຊຊະນະຂອງສົງຄາມຕໍ່ຕ້ານຍີ່ປຸ່ນ
(GMT+08:00) 2013-09-03 18:34:44 cri
ຕາມຂ່າວCRI: ວັນທີ3ກັນຍານີ້, ທ່ານຊິນ ກ່າງ, ໂຄສົກກະຊວງການຕ່າງປະເທດຈີນໄດ້ກ່າວຖະແຫຼງກ່ຽວກັບການໄດ້ຮັບໄຊຊະນະຂອງສົງຄາມຕໍ່ຕ້ານຍີ່ປຸ່ນຄົບຮອບ68ປີ.
ທ່ານຊິນ ກ່າງກ່າວວ່າ, ມື້ນີ້ແມ່ນວັນຄົບຮອບ68ປີແຫ່ງໄຊຊະນະຂອງສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນ, ກໍ່ແມ່ນວັນລະລຶກການໄດ້ຮັບໄຊຊະນະຂອງສົງຄາມຕໍ່ຕ້ານຟັດຊິດຂອງໂລກເຊັ່ນກັນ. ການໄດ້ຮັບໄຊຊະນະຂອງສົງຄາມຕໍ່ຕ້ານຍີ່ປຸ່ນແລະສົງຄາມຕໍ່ຕ້ານຟັດຊິດ, ແມ່ນໄຊຊະນະຄັ້ງຍິ່ງໃຫຍ່ທີ່ຄວາມເປັນທຳຊະນະຄວາມອະທຳ, ແສງສະຫວ່າງຊະນະຄວາມມືດ, ຄວາມກ້າວໜ້າຊະນະພວກປະຕິການ.
ທ່ານຊິນ ກ່າງກ່າວວ່າ, ໃນໄລຍະສົງຄາມຕໍ່ຕ້ານຍີ່ປຸ່ນທີ່ແສນທໍລະຫົດອົດທົນ, ປະຊາຊົນຈີນໄດ້ເຂົ້າສູ້ຮົບຢ່າງອົງອາດກ້າຫານ, ຄົນຂ້າງໜ້າລົ້ມລົງໄປຄົນຂ້າງຫຼັງກໍກະໂດດຂຶ້ນຕໍ່ສູ້ຢ່າງບໍ່ຂາດສາຍ, ໄດ້ຮັບໄຊຊະນະອັນຍິ່ງໃຫຍ່ໃນສົງຄາມຕໍ່ຕ້ານຍີ່ປຸ່ນ, ໄດ້ເສຍສະຫຼະຊົນຊາດຢ່າງໃຫຍ່ຫຼວງເພື່ອໄຊຊະນະຂອງສົງຄາມຕໍ່ຕ້ານຟັດຊິດຂອງໂລກ, ໄດ້ປະກອບສ່ວນຄັ້ງປະຫວັດສາດຢ່າງສູນຫາຍບໍ່ໄດ້. ເນື່ອງໃນໂອກາດວັນລະລຶກການໄດ້ຮັບໄຊຊະນະຂອງສົງຄາມຕໍ່ຕ້ານຍີ່ປຸ່ນທີ່ເຄັ່ງຂຶມໄດ້ວຽນມາເຖິງ, ພວກຂ້າພະເຈົ້າໄວ້ອາໄລຢ່າງເລິກເຊິ່ງເຖິງດວງວິນຍານຂອງຜູ້ເສຍສະຫຼະຢ່າງກ້າຫານແລະພີ່ນ້ອງຮ່ວມຊາດທີ່ເສຍຊີວິດອັນລ້ຳຄ່າໃນສົງຄາມຕໍ່ຕ້ານຍີ່ປຸ່ນ.
ທ່ານຊິນ ກ່າງກ່າວວ່າ, ຄວາມຈື່ຈຳບົດຮຽນທາງລົບໃນເຫດການທີ່ໄດ້ເກີດຂຶ້ນໃນອະດີດ, ເພື່ອຖືເປັນແວ່ນແຍງໃນຕໍ່ໜ້າ.ພຽງແຕ່ຈື່ຈຳໄລຍະປະຫວັດສາດທີ່ເຕັມໄປດ້ວຍຄວາມເສົ້າສະຫຼົດໃຈໄລຍະນັ້ນ, ຖອດຖອນບົດຮຽນຢ່າງເລິກເຊິ່ງ, ຈຶ່ງສາມາດປ້ອງກັນບໍ່ໃຫ້ເຫດການໂສກນາດຕະກຳໃນປະຫວັດສາດເກີດຂຶ້ນອີກ. ຈະບໍ່ໃຫ້ມີການກະທຳທີ່ເປັນການທ້າທາຍກັບໝາກຜົນໄຊຊະນະຂອງສົງຄາມໂລກຄັ້ງທີ2ທີ່ຍາດມາໄດ້ດ້ວຍຊີວິດແລະເລືອດເນື້ອອັນລ້ຳຄ່າຂອງຜູ້ເສຍສະຫຼະໃນສົງຄາມທີ່ນັບບໍ່ຖ້ວນ, ຕ້ອງປົກປ້ອງລະບຽບການສາກົນທີ່ສ້າງຕັ້ງຂຶ້ນຫຼັງຈາກສົງຄາມໂລກຄັ້ງທີ2ບົນພື້ນຖານການໄຕ່ສວນຢ່າງເປັນທຳແລະການຊຳລະສະສາງຢ່າງເຖິງຖອງຕໍ່ລັດທິທະຫານຍີ່ປຸ່ນ. ການກະທຳໃດໆທີ່ຫວັງຢາກພິກຄະດີປະຫວັດການຮຸກຮານຂອງຍີ່ປຸ່ນ, ລ້ວນແຕ່ຈະຖືກຕໍ່ຕ້ານແລະຄັດຄ້ານຢ່າງເດັດດ່ຽວຈາກປະຊາຊົນຂອງປະເທດອາຊີໄດ້ຮັບຜົນກະທົບຈາກສົງຄາມແລະປະຊາຄົມໂລກ. ພວກຂ້າພະເຈົ້າເຕືອນໃຫ້ຍີ່ປຸ່ນຖືທ່າທີທີ່ມີຄວາມຮັບຜິດຊອບຕໍ່ປະຫວັດສາດແລະອະນາຄົດ, ຕັ້ງໜ້າປະຕິບັດຕາມການສະແດງທ່າທີແລະຄຳໝັ້ນສັນຍາທີ່ໄດ້ໃຫ້ໄວ້ໃນການສຳນຶກຄືນປະຫວັດການຮຸກຮານຂອງຕົນເອງ, ສ້າງຄວາມເຊື່ອໝັ້ນໃຫ້ແກ່ປະເທດໃກ້ຄຽງໃນອາຊີແລະປະຊາຄົມໂລກດ້ວຍການກະທຳຕົວຈິງ.
ທ່ານຊິນ ກ່າງກ່າວວ່າ, ມື້ນີ້ແມ່ນວັນຄົບຮອບ68ປີແຫ່ງໄຊຊະນະຂອງສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນ, ກໍ່ແມ່ນວັນລະລຶກການໄດ້ຮັບໄຊຊະນະຂອງສົງຄາມຕໍ່ຕ້ານຟັດຊິດຂອງໂລກເຊັ່ນກັນ. ການໄດ້ຮັບໄຊຊະນະຂອງສົງຄາມຕໍ່ຕ້ານຍີ່ປຸ່ນແລະສົງຄາມຕໍ່ຕ້ານຟັດຊິດ, ແມ່ນໄຊຊະນະຄັ້ງຍິ່ງໃຫຍ່ທີ່ຄວາມເປັນທຳຊະນະຄວາມອະທຳ, ແສງສະຫວ່າງຊະນະຄວາມມືດ, ຄວາມກ້າວໜ້າຊະນະພວກປະຕິການ.
ທ່ານຊິນ ກ່າງກ່າວວ່າ, ໃນໄລຍະສົງຄາມຕໍ່ຕ້ານຍີ່ປຸ່ນທີ່ແສນທໍລະຫົດອົດທົນ, ປະຊາຊົນຈີນໄດ້ເຂົ້າສູ້ຮົບຢ່າງອົງອາດກ້າຫານ, ຄົນຂ້າງໜ້າລົ້ມລົງໄປຄົນຂ້າງຫຼັງກໍກະໂດດຂຶ້ນຕໍ່ສູ້ຢ່າງບໍ່ຂາດສາຍ, ໄດ້ຮັບໄຊຊະນະອັນຍິ່ງໃຫຍ່ໃນສົງຄາມຕໍ່ຕ້ານຍີ່ປຸ່ນ, ໄດ້ເສຍສະຫຼະຊົນຊາດຢ່າງໃຫຍ່ຫຼວງເພື່ອໄຊຊະນະຂອງສົງຄາມຕໍ່ຕ້ານຟັດຊິດຂອງໂລກ, ໄດ້ປະກອບສ່ວນຄັ້ງປະຫວັດສາດຢ່າງສູນຫາຍບໍ່ໄດ້. ເນື່ອງໃນໂອກາດວັນລະລຶກການໄດ້ຮັບໄຊຊະນະຂອງສົງຄາມຕໍ່ຕ້ານຍີ່ປຸ່ນທີ່ເຄັ່ງຂຶມໄດ້ວຽນມາເຖິງ, ພວກຂ້າພະເຈົ້າໄວ້ອາໄລຢ່າງເລິກເຊິ່ງເຖິງດວງວິນຍານຂອງຜູ້ເສຍສະຫຼະຢ່າງກ້າຫານແລະພີ່ນ້ອງຮ່ວມຊາດທີ່ເສຍຊີວິດອັນລ້ຳຄ່າໃນສົງຄາມຕໍ່ຕ້ານຍີ່ປຸ່ນ.
ທ່ານຊິນ ກ່າງກ່າວວ່າ, ຄວາມຈື່ຈຳບົດຮຽນທາງລົບໃນເຫດການທີ່ໄດ້ເກີດຂຶ້ນໃນອະດີດ, ເພື່ອຖືເປັນແວ່ນແຍງໃນຕໍ່ໜ້າ.ພຽງແຕ່ຈື່ຈຳໄລຍະປະຫວັດສາດທີ່ເຕັມໄປດ້ວຍຄວາມເສົ້າສະຫຼົດໃຈໄລຍະນັ້ນ, ຖອດຖອນບົດຮຽນຢ່າງເລິກເຊິ່ງ, ຈຶ່ງສາມາດປ້ອງກັນບໍ່ໃຫ້ເຫດການໂສກນາດຕະກຳໃນປະຫວັດສາດເກີດຂຶ້ນອີກ. ຈະບໍ່ໃຫ້ມີການກະທຳທີ່ເປັນການທ້າທາຍກັບໝາກຜົນໄຊຊະນະຂອງສົງຄາມໂລກຄັ້ງທີ2ທີ່ຍາດມາໄດ້ດ້ວຍຊີວິດແລະເລືອດເນື້ອອັນລ້ຳຄ່າຂອງຜູ້ເສຍສະຫຼະໃນສົງຄາມທີ່ນັບບໍ່ຖ້ວນ, ຕ້ອງປົກປ້ອງລະບຽບການສາກົນທີ່ສ້າງຕັ້ງຂຶ້ນຫຼັງຈາກສົງຄາມໂລກຄັ້ງທີ2ບົນພື້ນຖານການໄຕ່ສວນຢ່າງເປັນທຳແລະການຊຳລະສະສາງຢ່າງເຖິງຖອງຕໍ່ລັດທິທະຫານຍີ່ປຸ່ນ. ການກະທຳໃດໆທີ່ຫວັງຢາກພິກຄະດີປະຫວັດການຮຸກຮານຂອງຍີ່ປຸ່ນ, ລ້ວນແຕ່ຈະຖືກຕໍ່ຕ້ານແລະຄັດຄ້ານຢ່າງເດັດດ່ຽວຈາກປະຊາຊົນຂອງປະເທດອາຊີໄດ້ຮັບຜົນກະທົບຈາກສົງຄາມແລະປະຊາຄົມໂລກ. ພວກຂ້າພະເຈົ້າເຕືອນໃຫ້ຍີ່ປຸ່ນຖືທ່າທີທີ່ມີຄວາມຮັບຜິດຊອບຕໍ່ປະຫວັດສາດແລະອະນາຄົດ, ຕັ້ງໜ້າປະຕິບັດຕາມການສະແດງທ່າທີແລະຄຳໝັ້ນສັນຍາທີ່ໄດ້ໃຫ້ໄວ້ໃນການສຳນຶກຄືນປະຫວັດການຮຸກຮານຂອງຕົນເອງ, ສ້າງຄວາມເຊື່ອໝັ້ນໃຫ້ແກ່ປະເທດໃກ້ຄຽງໃນອາຊີແລະປະຊາຄົມໂລກດ້ວຍການກະທຳຕົວຈິງ.
