ນັກວິຊາການແລະເຈົ້າໜ້າທີ່ອາຊຽນຕີລາຄາສູງຕໍ່ຈີນທີ່ໄດ້ເຂົ້າຮ່ວມການຮ່ວມມືກຸ່ມຈີ20ຢ່າງຕັ້ງໜ້າ
ວັນທີ5ຫາວັນທີ6ກັນຍານີ້,ກອງປະຊຸມສຸດຍອດຜູ້ນໍາກຸ່ມຈີ20ຄັ້ງທີ8ຈະຈັດຂຶ້ນຢູ່ເມືອງເຊັນ ປີເຕີສະເບີກຂອງລັດເຊຍ.ທ່ານສີຈ້ຽນຜິງ,ປະທານປະເທດຈີນຈະເຂົ້າຮ່ວມໃນກອງປະຊຸມດັ່ງກ່າວເປັນຄັ້ງທໍາອິດ.ນັກວິຊາການແລະເຈົ້າໜ້າທີ່ອາຊຽນໄດ້ຕີລາຄາສູງຕໍ່ຈີນທີ່ເຂົ້າຮ່ວມການຮ່ວມມືທົ່ວໂລກໃນຂອບກຸ່ມຈີ20ຢ່າງຕັ້ງໜ້າ,ເຫັນວ່າຈີນໄດ້ເສີມຂະຫຍາຍບົດບາດທີ່ມີລັກສະນະສ້າງສັນທີ່ສໍາຄັນໃນການຄຸ້ມຄອງເສດຖະກິດໂລກແລະຫວັງວ່າຈີນຈະປະກອບສ່ວນຫລາຍກວ່າເກົ່າເຂົ້າໃນການຂະຫຍາຍຕົວຂອງເສດຖະກິດໂລກ.
ທ່ານກູ້ຊີ່ວຢາງ,ຮອງສາສະດາຈານສະຖາບັນນະໂຍບາຍສາທາລະນະລີກວ່າງຢູມະຫາວິທະຍາໄລແຫ່ງຊາດສິງກະໂປເຫັນວ່າ,ໃນປັດຈຸບັນນີ້,ກຸ່ມຈີ20ກໍາລັງເສີມຂະຫຍາຍບົດບາດທີ່ນັນມື້ນັບດີເດັ່ນໃນດ້ານເສດຖະກິດໂລກແລະການປະສານງານດ້ານການທະນາຄານ.ຈີນໄດ້ເສີມຂະຫຍາຍບົດບາດຢ່າງຫລວງຫລາຍໃນກຸ່ມຈີ20ເຊິ່ງໄດ້ຊຸກຍູ້ການພັດທະນາຂອງລະບຽບການທະນາຄານສາກົນແລະກົນໄກປະສານງານສາກົນ.ເສດຖະກິດຈີນໄດ້ຂະຫຍາຍຕົວຢ່າງຕໍ່ເນື່ອງແລະໝັ້ນທ່ຽງ,ເປັນກໍາລັງຊຸກຍູ້ທີ່ສໍາຄັນໃນການຂະຫຍາຍຕົວຂອງເສດຖະກິດໂລກ.
ທ່ານດານີ ຈຽນຊຽງ ລີ,ຫົວໜ້າຫ້ອງການວຽກງານສາທາລະນະກອງເລຂາອາຊຽນກ່າວວ່າ,ໃນຖານະທີ່ເປັນປະເທດກໍາລັງພັດທະນາຕົ້ນຕໍແລະເປັນປະເທດຕະຫລາດຈະເລີນເຕີຍໂຕຂຶ້ນໃໝ່ທີ່ສໍາຄັນ,ຈີນຮັບຮູ້ຢ່າງເລິກເຊິ່ງກ່ຽວກັບບັນຫາແລະຄວາມຮຽກຮ້ອງຕ້ອງການທີ່ປະເທດກໍາລັງພັດທະນາກໍາລັງປະເຊີນໜ້າ.ສະນັ້ນ,ຈີນສາມາດຕາງໜ້າປະເທດກໍາລັງພັດທະນາສ່ວນຫລາຍແລະປະກອບຄໍາຄິດຄໍາເຫັນໃນເວທີກຸ່ມຈີ20,ນໍາພາປະເທດກໍາລັງພັດທະນາຕ້ານຄວາມສ່ຽງແລະໃນຂະນະທີ່ຮັກສາຜົນປະໂຫຍດຂອງປະເທດກໍາລັງພັດທະນາຢ່າງມີປະສິດທິຜົນ,ຊຸກຍູ້ສະພາບແວດລ້ອມດ້ານການທະນາຄານສາກົນໃຫ້ຂະຫຍາຍຕົວໄປຕາມທິດທີ່ມີຄວາມຍຸຕິທໍາກວ່າເກົ່າ.
