ຮອງນາຍົກລັດຖະມົນຕີລາວຕ້ອນຮັບການເຂົ້າຢ້ຽມຄຳນັບຂອງລັດຖະມົນຕີກະຊວງວຽກງານປະຊາສົງເຄາະຈີນ
ຕາມຂ່າວCRI：ວັນທີ4ກັນຍານີ້ຢູ່ທີ່ນະຄອນຫຼວງວຽງຈັນ, ທ່ານອາຊາງ ລາວລີ, ກະມຳການກົມການເມືອງສູນກາງພັກ, ຮອງນາຍົກລັດຖະມົນຕີລາວໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຫຼີລີ້ກົວ, ລັດຖະມົນຕີວ່າການກະຊວງວຽກງານແລະປະຊາສົງເຄາະຈີນທີ່ເດີນທາງໄປຢ້ຽມຢາມລາວ.ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການປັບປຸງແລະພັດທະນາມິດຕະພາບອັນເປັນມູນເຊື້ອລະຫວ່າງຈີນ-ລາວ, ການຊຸກຍູ້ການແລກປ່ຽນແລະຮ່ວມມືໃນຂົງເຂດການປະຊາສົງເຄາະລະຫວ່າງຈີນ-ລາວ.
ວັນທີ3ກັນຍານີ້ທ່ານຫຼີລີ້ກົວໄດ້ພົບປະເຈລະຈາກັບທ່ານນາງອ່ອນຈັນ ທຳມະວົງ, ລັດຖະມົນຕີວ່າການກະຊວງແຮງງານສະຫວັດດີການສັງຄົມລາວ, ສອງຝ່າຍໄດ້ແນະນຳພາລະບົດບາດຂອງພາກສ່ວນຕົນໃຫ້ກັນຊາບ, ໄດ້ປຶກສາຫາລືກັນກ່ຽວກັບການຊ່ວຍເບັນເທົາໄພແລະການກູ້ໄພ, ຊ່ວຍເຫຼືອດ້ານສະຫວັດດີການສັງຄົມແລະວຽກງານສຳຄັນອື່ນໆ. ສອງຝ່າຍໄດ້ຕົກລົງເປັນເອກະສັນກັນວ່າຈະເພີ່ມທະວີການແລກປ່ຽນແລະຮ່ວມມືໃນຂົງເຂດດັ່ງກ່າວ, ແລະໄດ້ເຊັນສັນຍາຮ່ວມມືທີ່ກ່ຽວຂ້ອງແລະບົດບັນທຶກຂອງກອງປະຊຸມ.
ທ່ານຫຼີລີ້ກົວໄດ້ເດີນທາງເຖິງນະຄອນຫຼວງວຽງຈັນໃນວັນທີ3ກັນຍານີ້ແລະເລີ່ມຢ້ຽມຢາມລາວເປັນເວລາ3ວັນ.
