ທ່ານຮຸນເຊັນກ່າວວ່າ ການພັດທະນາຂອງຈີນໄດ້ເຮັດໃຫ້ອາຊຽນໄດ້ຮັບຜົນປະໂຫຍດຢ່າງຫລວງຫລາຍ
ວັນທີ3ກັນຍານີ້,ໃນໂອກາດເຂົ້າຮ່ວມງານວາງສະແດງສິນຄ້າຈີນ-ອາຊຽນແລະກອງປະຊຸມສຸດຍອດການຄ້າແລະການລົງທຶນຄັ້ງທີ່10,ທ່ານຮຸນເຊັນນາຍົກລັດຖະມົນຕີກໍາປູເຈຍກ່າວວ່າ,ເນື່ອງຈາກວ່າຖານະທາງດ້ານເສດຖະກິດຂອງຈີນໄດ້ຮັບການຍົກສູງຂຶ້ນຢ່າງຕໍ່ເນື່ອງ,ຈີນໄດ້ກາຍເປັນເຂດທີ່ສໍາຄັນໃນການຊຸກຍູ້ແກ່ດຶງການຟື້ນຕົວຂອງເສດຖະກິດໂລກ,ການພັດທະນາຂອງຈີນໄດ້ເຮັດໃຫ້ອາຊຽນໄດ້ຮັບຜົນປະໂຫຍດຢ່າງຫລວງຫລາຍແລະໄດ້ກາຍເປັນກໍາລັງຊຸກຍູ້ໃນການຮັກສາຄວາມໝັ້ນຄົງຂອງພາກພື້ນ.
ທ່ານຮຸນເຊັນກ່າວວ່າ,ງານວາງສະແດງສິນຄ້າຈີນ-ອາຊຽນແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນທີ່ມີປະຫວັດສາດເປັນເວລາ10ປີໄດ້ກາຍເປັນເວທີທີ່ໝັ້ນຄົງແລະສໍາເລັດຜົນ,ໄດ້ຊຸກຍູ້ການແລກປ່ຽນເສດຖະກິດການຄ້າລະຫວ່າງຈີນແລະອາຊຽນແລະການພັດທະນາຂອງເຂດການຄ້າເສລີ.ບໍ່ພຽງແຕ່ເທົ່ານັ້ນ,ເວທີດັ່ງກ່າວຍັງໄດ້ອໍານວຍໂອກາດທາງດ້ານການຮ່ວມມືແລະການພັດທະນາໃຫ້ແກ່ຈີນແລະອາຊຽນພາຍໃຕ້ສະຖານະການໃໝ່ຂອງການພັດທະນາທົ່ວໂລກນໍາອີກ.
