ທ່ານສີຈິ້ນຜິງລິເລີ່ມໃຫ້ປະກອບສ້າງຕາໜ່າງຄວາມປອດໄພດ້ານທະນາຄານຂອງປະເທດບຼິກສ ຜູ້ຊ່ຽວຊານກ່າວວ່າການຮ່ວມມືລະຫວ່າງປະເທດບຼິກສມີທ່ວງທ່າສຸກງອມກວ່າເກົ່າແລະການຫັນເປັນກົນໄກ
(GMT+08:00) 2013-09-06 16:45:16 cri
ຕາມຂ່າວCRI：ວັນທີ5ກັນຍານີ້, ທ່ານສີຈິ້ນຜິງ, ປະທານປະເທດຈີນທີ່ເດີນທາງໄປເມືອງເຊັນປີເຕີສະເບີກຂອງຣັດເຊຍເພື່ອເຂົ້າຮ່ວມກອງປະຊຸມສຸດຍອດຜູ້ນຳຈີ20ໄດ້ເຂົ້າຮ່ວມການພົບປະແບບບໍ່ເປັນທາງການຂອງຜູ້ນຳປະເທດບຼິກສ, ຜູ້ນຳບັນດາທ່ານທີ່ເຂົ້າຮ່ວມກອງປະຊຸມໄດ້ແລກປ່ຽນຄວາມເຫັນ, ປະສານງານຫຼັກໝັ້ນກ່ຽວກັບການຮ່ວມມືລະຫວ່າງປະເທດບຼິກສແລະບັນຫາສາກົນແລະພາກພື້ນທີ່ສຳຄັນ. ທ່ານສີຈິ້ນຜິງກ່າວເນັ້ນເປັນພິເສດວ່າ, ຕ້ອງເລັ່ງລັດໃຫ້ການສ້າງຕັ້ງທະນາຄານພັດທະນາແລະການຈັດສັນຄັງສຳຮອງຂອງປະເທດບຼິກສ, ເພື່ອປະກອບສ້າງຕາໜ່າງຄວາມປອດໄພດ້ານທະນາຄານຂອງປະເທດບຼິກສ. ໃນເວລາໃກ້ສຳພາດຕໍ່ນັກຂ່າວCRIຜູ້ຊ່ຽວຊານທີ່ກ່ຽວຂ້ອງກ່າວວ່າ, ການກະທຳນີ້ໄດ້ໝາຍເຖິງການຮ່ວມມືລະວ່າງປະເທດບຼິກສໄດ້ຈາກການສະແດງຢ່າງເປີດເຜີຍດ້ານນະໂຍບາຍກ້າວເຂົ້າໄປສູ່ຄວາມສຸກງອມແລະການຫັນເປັນກົນໄກ.
