ຈີນສະໜັບສະໜູນທ່ານລາກຮ໌ດາ ບຼາຮີມີໄກ່ເກ່ຍບັນຫາຊີຣີ ກ່າວຢ້ຳວ່າການແກ້ໄຂທາງການເມືອງແມ່ນທາງອອກກຕົວຈິງພຽງໜຶ່ງດຽວຂອງບັນຫາຊີຣີ
(GMT+08:00) 2013-09-06 17:44:01 cri
ຕາມຂ່າວCRI： ລາຍງານຂ່າວກ່າວວ່າ, ທ່ານລາກຮ໌ຄດາ ບຼາຮີມີ, ຜູ້ຕາງໜ້າພິເສດຮ່ວມກ່ຽວກັບບັນຫາຊີຣີຂອງອົງການສະຫະປະຊາຊາດແລະສັນນິບາດອາຣັບຈະເດີນທາງໄປຣັດເຊຍ, ເພື່ອຊຸກຍູ້ໃຫ້ປະຊາຄົມໂລກຈັດກອງປະຊຸມກ່ຽວກັບບັນຫາຊີຣີຂຶ້ນໂດຍໄວ. ກ່ຽວກັບເລື່ອງນີ້ວັນທີ6ກັນຍານີ້ຢູ່ນະຄອນຫຼວງປັກກິ່ງ, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວວ່າ, ຈີນສະໜັບສະໜູນທ່ານລາກຮ໌ດາ ບຼາຮີມີ, ດຳເນີນການເກ່ຍໄກ່ຢ່າງຕັ້ງໜ້າ, ແລະກ່າວຢ້ຳວ່າການແກ້ໄຂໂດຍຜ່ານຊ່ອງທາງການເມືອງແມ່ນທາງອອກຕົວຈິງພຽງໜຶ່ງດຽວຂອງບັນຫາຊີຣີ, ຫວັງໃຫ້ຝ່າຍຕ່າງໆທີ່ກ່ຽວຂ້ອງຂອງປະຊາຄົມໂລກສ້າງເງື່ອນໄຂເອື້ອອຳນວຍແກ່ການຈັດກອງປະຊຸມສາກົນກ່ຽວກັບບັນຫາຊີຣີໂດຍໄວ.
