ທ່ານຫຼິນອີ້ຟູ່ກ່າວວ່າ, ຈີນຍັງມີກຳລັງບົ່ມຊ້ອນທີ່ເສດຖະກິດຈະເຕີບໂຕ 8% ໃນອີກ 20 ປີຕໍ່ໜ້າ
(GMT+08:00) 2013-09-09 18:53:26 cri
ວັນທີ 8 ກັນຍານີ້ໃນກອງປະຊຸມເວທີປຶກສາຫາລືການລົງທຶນສາກົນປີ 2013 ທີ່ຈັດຂຶ້ນຢູ່ນະຄອນເຊ້ຍເໝີນ, ທ່ານຫຼິນອີ້ຟູ່, ນັກເສດຖະສາດທີ່ມີຊື່ສຽງຂອງຈີນກ່າວວ່າ, ຈີນຍັງມີກຳລັງບົ່ມຊ້ອນທີ່ເສດຖະກິດເຕີບໂຕ 8% ໃນອີກ 20 ປີຕໍ່ໜ້າ, ແລະອາດຈະກາຍເປັນປະເທດທີ່ມີລາຍຮັບສູງເມື່ອຮອດປີ 2020.
ທ່ານຫຼິນອີ້ຟູ່ກ່າວວ່າ, ກົນໄກກຳລັງແຮງພື້ນຖານທີ່ເຮັດໃຫ້ເສດຖະກິດເຕີບໂຕຢູ່ນຳການປະດິດສ້າງໃໝ່ດ້ານເຕັກໂນໂລຊີແລະຂະແໜງການຕ່າງໆໄດ້ຍົກລະດັບຢ່າງບໍ່ຢຸດຢັ້ງ. ບົນພື້ນຖານລະດັບການພັດທະນາໃນປັດຈຸບັນ, ກຳລັງບົ່ມຊ້ອນດ້ານການເຕີບໂຕຂອງເສດຖະກິດຈີນຈະເຮັດໃຫ້ເສດຖະກິດຈີນມີການເຕີບໂຕລະດັບ 8% ໃນອີກ 20 ປີຕໍ່ໜ້າ. ພຽງແຕ່ສືບຕໍ່ລົງເລິກການປະຕິຮູບເປີດປະຕູສູ່ພາຍນອກ, ແລະຂຸດຄົ້ນກຳລັງບົ່ມຊ້ອນການເຕີບໂຕຂອງເສດຖະກິດເຕີບໂຕ, ຈັງຫວະການເຕີບໂຕດັ່ງກ່າວແມ່ນສາມາດບັນລຸຜົນເປັນຈິງໄດ້.
ທ່ານຫຼິນອີ້ຟູ່ກ່າວວ່າ, ນີ້ກໍໝາຍຄວາມວ່າຮອດປີ 2020, ລະດັບລາຍຮັບສະເລ່ຍຕາມຫົວຄົນຂອງຈີນອາດຈະບັນລຸ 12,700 ໂດລາ, ຕາມຕົວເລກຄາດໝາຍຂອງອົງການສະຫະປະຊາຊາດຫຼືທະນາຄານໂລກ, ປະເທດໃດໜຶ່ງຖ້າວ່າລາຍຮັບສະເລ່ຍຕາມຫົວຄົນບັນລຸ 12,700 ໂດລາກໍ່ແມ່ນປະເທດທີ່ມີລາຍຮັບສູງ, ສະນັ້ນຮອດປີ 2020 ຈີນອາດຈະກາຍເປັນປະເທດທີ່ມີລາຍຮັບສູງ.