ພັກຝ່າຍຄ້ານກຳປູເຈຍປະຕິເສດບໍ່ຮັບຮອງຜົນການເລືອກຕັ້ງທົ່ວໄປ
(GMT+08:00) 2013-09-09 16:36:06 cri
ຕາມຂ່າວCRI: ຜົນການເລືອກຕັ້ງຢ່າງເປັນທາງການທີ່ປະກາດໂດຍຄະນະກຳມະການເລືອກຕັ້ງທົ່ວປະເທດກຳປູເຈຍໃນວັນທີ8ກັນຍານີ້ທີ່ເປັນເອກະສັນກັນກັບຜົນທີ່ຖືກປະກາດໄປໃນເມື່ອກ່ອນ. ພັກກູ້ຊາດກຳປູເຈຍເຊິ່ງເປັນພັກຝ່າຍຄ້ານກຳປູເຈຍປະກາດໃນວັນທີ8ກັນຍານີ້ວ່າຕົນຈະປະຕິເສດຜົນການເລືອກຕັ້ງທົ່ວໄປຢ່າງເປັນທາງການທີ່ປະກາດໂດຍຄະນະກຳມະການເລືອກຕັ້ງທົ່ວປະເທດ, ກ່າວວ່າຈະຮຽກຮ້ອງໃຫ້ຈັດການແຫ່ຂະບວນປະທ້ວງຂະໜາດໃຫຍ່ຫຼາຍມື້ລຽນຕິດ, ເພື່ອເປັນການຕໍ່ຕ້ານກັບການສ້າງຕັ້ງລັດຖະສະພາຊຸດໃໝ່.
ທ່ານເຄັມ ໂສຄາ, ຮອງປະທານພັກກູ້ຊາດກຳປູເຈຍກ່າວວ່າ, ນັບແຕ່ວັນທີ15ກັນຍານີ້ເປັນຕົ້ນໄປ, ພັກກູ້ຊາດຈະຈັດການແຫ່ຂະບວນປະທ້ວງໂດຍສັນຕິເປັນເວລາ3ມື້ລຽນຕິດ, ພ້ອມກັນນັ້ນພັກກູ້ຊາດຈະຂວ້ຳບາດການສ້າງຕັ້ງລັດຖະສະພາຊຸດໃໝ່.
ທ່ານຮຸນແຊນ, ນາຍົກລັດຖະມົນຕີກຳປູເຈຍກ່າວໃນກ່ອນໜ້ານີ້ວ່າ, ໃນໄລຍະ60ມື້ພາຍຫຼັງການເລືອກຕັ້ງທົ່ວໄປ, ສົມເດັນ ໂນໂຣດົມ ສີຫະໂມນີມະຫາກະສັດກຳປູເຈຍຈະຮຽກໄຂກອງປະຊຸມຄັ້ງທຳອິດຂອງລັດຖະສະພາຊຸດໃໝ່, ຖ້າວ່າສະມາຊິກຂອງພັກຝ່າຍຄ້ານບໍ່ເຂົ້າຮ່ວມ, ກໍໝາຍເຖິງການຕໍ່ຕ້ານມະຫາກະສັດແລະປະລະທີ່ນັ່ງ, ໃນສະພາແລະຄະນະກຳມະການເລືອກຕັ້ງທົ່ວປະເທດຈະເອົາທີ່ນັ່ງທີ່ຖືກປະລະດັ່ງກ່າວແບ່ງໃຫ້ພັກການເມືອງອື່ນໆທີ່ໄດ້ຮັບທີ່ນັ່ງ.