ໄລຍະບໍ່ດົນນີ້,ຫລັງຈາກໄດ້ດໍາເນີນການສໍາຫລວດຕົນເອງດ້ານການປະຕິບັດໂຄງການໃຫຍ່ແລະການຕັດຈໍານວນເງິນອຸດໜູນທາງດ້ານນໍ້າມັນເຊື້ອໄຟລົງ,ລັດຖະບານມາເລເຊຍໄດ້ອອກຄໍາສັ່ງໃຫ້ອົງການຕ່າງໆຂອງລັດຖະບານຕ້ອງພະຍາຍາມປະຕິບັດການປະຢັດເພື່ອຜ່ານຜ່າຄວາມຫຍຸ້ງຍາກໃນປັດຈຸບັນ.
ທ່ານອາລີ ຮາມຊາ,ຫົວໜ້າເລຂາຂອງລັດຖະບານມາເລເຊຍກ່າວວ່າ,ເຈົ້າໜ້າທີ່ໄດ້ອອກຄໍາສັ່ງໃຫ້ຜູ້ນໍາຂອງອົງການຕ່າງໆລັດຖະບານ,ຕ້ອງປະຕິບັດມາດຕະການດ້ານການເງິນຢ່າງຮັດກຸມທັນທີເຊິ່ງລວມທັງການສໍາຫລວດລະບຽບການຂອງການຄຸ້ມຄອງແລະການບໍລິຫານໃນປັດຈຸບັນ.ທ່ານກ່າວວ່າ,ລັດຖະບານໄດ້ປະຕິບັດມາດຕະການດັ່ງກ່າວຫລັງຈາກໄດ້ຕັດຈໍານວນເງິນອຸດໜູນດ້ານນໍ້າມັນເຊື້ອໄຟລົງ ເຊິ່ງໄດ້ສະແດງໃຫ້ເຫັນວ່າລັດຖະບານບໍ່ພຽງແຕ່ຮຽກຮ້ອງໃຫ້ປະຊາຊົນປະຕິບັດການປະຢັດເທົ່ານັ້ນ,ແຕ່ຍັງຮຽກຮ້ອງໃຫ້ອົງການຕ່າງໆຂອງຕົນເອງພະຍາຍາມເພີ່ມລາຍຮັບຂຶ້ນແລະປະຢັດລາຍຈ່າຍລົງຕື່ມອີກເຊັ່ນກັນ.
© China Radio International.CRI. All Rights Reserved. 16A Shijingshan Road, Beijing, China. 100040 |