ຕະຫລາດຈະເລີນຂຶ້ນໃໝ່ກໍາລັງກາຍເປັນຈຸດເຕີບໂຕໃໝ່ຂອງການທ່ອງທ່ຽວຈີນ
ສະພາບຂອງຕະຫລາດແຫລ່ງນັກທ່ອງທ່ຽວທີ່ສໍາຄັນຂອງເດືອນກໍລະກົດປີ2013ທີ່ກົມທ່ອງທ່ຽວແຫ່ງຊາດຈີນເປີດເຜີຍຫລ້າສຸດສະແດງໃຫ້ເຫັນວ່າ,ໃນໄລຍະທີ່ຈໍານວນນັກທ່ອງທ່ຽວທີ່ມາທ່ຽວຈີນຈາກປະເທດທີ່ຈະເລີນເຊັ່ນເອີລົບ,ອາເມລິກາ,ຍີ່ປຸ່ນ,ອົດສະຕຣາລີແລະອື່ນໆເຊິ່ງສ່ວນຫລາຍໄດ້ຕົກຢູ່ໃນສະພາບທີ່ຕົກຕໍ່າລົງ,ແຕ່ນັກທ່ອງທ່ຽວຈາກອິນເດຍ,ຫວຽດນາມ,ໄທແລະອື່ນໆທີ່ມາທ່ຽວຈີນໄດ້ສືບຕໍ່ມີທ່າອ່ຽງທີ່ເຕີບໂຕຂຶ້ນຢ່າງໝັ້ນທ່ຽງ,ປະເທດຕະຫລາດຈະເລີນຂຶ້ນໃໝ່ກໍາລັງກາຍເປັນກໍາລັງຊຸກຍູ້ໃໝ່ຂອງການທ່ອງທ່ຽວຈີນ.
ຂໍ້ມູນໄດ້ສະແດງໃຫ້ເຫັນວ່າ,ໃນເດືອນກໍລະກົດປີນີ້,ຈໍານວນນັກທ່ອງທ່ຽວຫວຽດນາມທີ່ມາທ່ຽວຈີນໄດ້ເພີ່ມຂຶ້ນ13.86%,ໄທໄດ້ເພີ່ມຂຶ້ນ11.29%,ອິນເດຍໄດ້ເພີ່ມຂຶ້ນ10.7%,ຕ່າງກໍໄດ້ມີການເພີ່ມຂຶ້ນເຖິງສອງຕົວເລກ.ສະເພາະເດືອນມັງກອນຫາເດືອນກໍລະກົດປີນີ້,ນັກທ່ອງທ່ຽວ ຫວຽດນາມທີ່ມາທ່ຽວຈີນໄດ້ເພີ່ມຂຶ້ນ17.76%,ນັກທ່ອງທ່ຽວອິນເດຍທີ່ມາທ່ຽວຈີນໄດ້ເພີ່ມຂຶ້ນ13.73%.
