ຈີນເຕືອນໃຫ້ຍີ່ປຸ່ນຄວບຄຸມການຮົ່ວໄຫຼນ້ຳເປື້ອນກຳມັນຕະພາບລັງສີທີ່ໂຮງໄຟຟ້ານິວເຄຼຍຟູຄູຊີມະໂດຍໄວ
ຕາມຂ່າວສານຊິນຮວາ: ວັນທີ 9 ກັນຍານີ້, ສະພາມົນຕີອົງການພະລັງງານປະລະມານູສາກົນໄດ້ຈັດກອງປະຊຸມຂຶ້ນຢູ່ທີ່ນະຄອນຫຼວງວຽນຂອງໂອຕຼີສ, ໃນກອງປະຊຸມຄັ້ງນີ້, ຈີນໄດ້ເຕືອນໃຫ້ຍີ່ປຸ່ນທຳຄວາມພະຍາຍາມເພື່ອຄວບຄຸມການຮົ່ວໄຫຼນ້ຳເປື້ອນກຳມັນ ຕະພາບລັງສີທີ່ໂຮງໄຟຟ້ານິວເຄຼຍຟູຄູຊີມະໂດຍໄວ.
ບັນຫາການຮົ່ວໄຫຼນ້ຳເປື້ອນກຳມັນຕະພາບລັງສີຂອງໂຮງໄຟຟ້ານິວເຄຼຍຟູຄູຊີມະຍີ່ປຸ່ນ ແມ່ນໜຶ່ງໃນຫົວຂໍ້ທີ່ສຳຄັນຂອງກອງປະຊຸມຄັ້ງນີ້. ທ່ານຫວາງອີ້ເຣີ້ນ, ຄະນະມົນຕີຜູ້ໃໝ່ຂອງຈີນໄດ້ກ່າວຄຳປາໄສໃນກອງປະຊຸມ, ໂດຍໄດ້ເຕືອນໃຫ້ຍີ່ປຸ່ນໃຊ້ມາດຕະການທີ່ມີປະສິດທິ ພາບ ເພື່ອສາມາດຄວບຄຸມຢ່າງມີປະສິດທິຜົນຕໍ່ບັນຫາການຮົ່ວໄຫຼຂອງນ້ຳເປື້ອນກຳມັນຕະພາບລັງສີທີ່ໂຮງໄຟຟ້ານິວເຄຼຍຟູຄູຊີມະໂດຍໄວເທົ່າທີ່ຈະໄວໄດ້, ຫຼຸດຜ່ອນຜົນກະທົບຕໍ່ສິ່ງແວດລ້ອມພາຍນອກໃຫ້ລົງຮອດລະດັບຕ່ຳສຸດ, ແຈ້ງສະພາບທີ່ກ່ຽວຂ້ອງໃຫ້ປະເທດແລະພາກພື້ນອ້ອມຂ້າງພ້ອມທັງປະຊາຄົມໂລກໄດ້ຮັບຊາບຢ່າງທັນການແລະຖືກຕ້ອງ.
