ຈີນຈະສົ່ງຂ່າວສານການພັດທະນາແບບຍືນຍົງໃຫ້ໂລກ
(GMT+08:00) 2013-09-10 14:14:51 cri
ຕາມຂ່າວCRI： ວັນທີ9ກັນຍານີ້, ທ່ານຫຼີເຄີ້ຊຽງ, ນາຍົກລັດຖະມົນຕີຈີນໄດ້ຂຽນບົດຄວາມທີ່ມີຊື່ວ່າ<ຈີນຈະສົ່ງຂ່າວສານການພັດທະນາແບບຍືນຍົງໃຫ້ໂລກ>ລົງໜັງສືພິມ<ຟີແນນໂຊວໄທມສ໌>ຂອງອັງກິດ.
ທ່ານຫຼີເຄີ້ຊຽງຂຽນໃນບົດຄວາມວ່າ, ເວທີປຶກສາຫາລືດາໂວສ໌ລະດູຮ້ອນທີ່ຈະຈັດຂຶ້ນຢູ່ນະຄອນຕ້າຫຼຽນຈີນໃນອາທິດນີ້ໄດ້ດຶງດູດຄວາມສົນໃຈຈາກທົ່ວໂລກ, ຄົນທັງຫຼາຍຢາກໄດ້ຮັບສັນຍານຂອງລັດຖະບານຈີນ, ຮູ້ສຶກເຖິງກຳລັງດ້ານເສດຖະກິດຂອງຈີນທີ່ກຳລັງຢູ່ໃນໄລຍະທີ່ສຳຄັນຂອງການຫັນປ່ຽນຮູບແບບການພັດທະນາ. ຈີນຈະຣັກສາການພັດທະນາດ້ານເສດຖະກິດຢ່າງປອດໃສໃນໄລຍະຍາວ, ຈີນຈະສືບຕໍ່ພັດທະນາຕາມເສັ້ນທາງການປະຕິຮູບແລະເປີດປະຕູສູ່ພາຍນອກ.
ໃນເດືອນມີນາປີນີ້ລັດຖະບານຈີນຊຸດໃໝ່ເລີ່ມເຂົ້າບໍລິຫານປະເທດ, ກໍໄດ້ສະເໜີຢ່າງຈະແຈ້ງວ່າເອົາການພັດທະນາເສດຖະກິດຢ່າງຕໍ່ເນື່ອງ, ການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງບໍ່ຢຸດຢັ້ງ, ການຊຸກຍູ້ໃຫ້ສັງຄົມມີຄວາມຍຸດຕິທຳເປັນເປົ້າໝາຍຂອງການບໍລິຫານ. ຈີນຕ້ອງວາງແຜນ"ການເຮັດໃຫ້ການເຕີບໂຕມີຄວາມໝັ້ນທ່ຽງ, ການປັບປຸງໂຄງປະກອບ, ການຊຸກຍູ້ການປະຕິຮູບ."
ການລົງເລິກການປະຕິຮູບຍັງຄົງແມ່ນກຳລັງຊຸກຍູ້ແບບຍືນຍົງ. ລັດຖະບານຈີນຈະສືບຕໍ່ຊຸກຍູ້ການປະຕິຮູບດ້ານການຄຸ້ມຄອງການບໍລິຫານ, ການເງິນພາສີ, ທະນາຄານ, ລາຄາແລະອື່ນໆ. ພ້ອມກັນນັ້ນ, ການເລັ່ງລັດການເປີດປະຕູສູ່ນອກເປັນເຄື່ອງຍູ້ໜູນ.
ທ່ານຫຼີເຄີ້ສຽງກ່າວວ່າ, ການເປີດກວ້າງຄວາມຕ້ອງການພາຍໃນແມ່ນທິດທາງການພັດທະນາຕົ້ນຕໍ. ໃນຂະນະທີ່ເອົາໃຈໃສ່ການບໍລິໂພກ, ຈີນກໍຕ້ອງຮັກສາການລົງທຶນຢ່າງເໝາະສົມ, ຈຸດສຳຄັນແມ່ນເລັ່ງລັດການພັດທະນາຂະແໜງການປະຢັດພະລັງງານແລະອະນຸລັກສິ່ງແວດລ້ອມ, ການກໍ່ສ້າງໂຄງການທາງລົດໄຟພາກກາງແລະພາກຕາເວັນຕົກ, ພື້ນຖານໂຄງໃນຕົວເມືອງແລະອື່ນໆ. ການຫັນເປັນຕົວເມືອງໄດ້ສະໜອງກຳລັງບົ່ມຊ້ອນຢ່າງໃຫຍ່ຫຼວງແກ່ການເປີດກວ້າງຄວາມຕ້ອງການພາຍໃນໃນໄລຍະຍາວ. ຂະແໜງການບໍລິການແມ່ນຈຸດຄ້ຳຊູໃໝ່.
ຈີນຍັງແມ່ນປະເທດທີ່ກຳລັງພັດທະນາ, ມີໜ້າທີ່ແລະມີສິ່ງທ້າທາຍຂອງຕົນຢ່າງຫຼວງຫຼາຍ, ຄຽງຄູ່ກັບການເພີ່ມຂຶ້ນຂອງກຳລັງສັງລວມແຫ່ງຊາດຂອງຈີນ, ຈະຫາບແບກໜ້າທີ່ແລະພັນທະທີ່ເໝາະສົມກັບເງື່ອນໄຂຂອງຕົນຢ່າງຫຼາຍກວ່າເກົ່າໃນວຽກງານສາກົນ, ຮ່ວມກັນກັບປະເທດຕ່າງໆໃນການຊຸກຍູ້ສັນຕິພາບແລະການພັດທະນາຂອງໂລກ. ຂ້າພະເຈົ້າຫວັງວ່າ, ເສດຖະກິດຂອງໂລກຈະຟື້ນຟູຄວາມຈະເລີນຮຸ່ງເຮືອງຄືນໃໝ່ຢ່າງແນ່ນອນ. ການຂະຫຍາຍຕົວຂອງເສດຖະກິດຈີນກໍ່ຈະສະໜອງກຳລັງໃໝ່ແກ່ເສດຖະກິດຂອງໂລກເຊັ່ນກັນ.
ທ່ານຫຼີເຄີ້ຊຽງຂຽນໃນບົດຄວາມວ່າ, ເວທີປຶກສາຫາລືດາໂວສ໌ລະດູຮ້ອນທີ່ຈະຈັດຂຶ້ນຢູ່ນະຄອນຕ້າຫຼຽນຈີນໃນອາທິດນີ້ໄດ້ດຶງດູດຄວາມສົນໃຈຈາກທົ່ວໂລກ, ຄົນທັງຫຼາຍຢາກໄດ້ຮັບສັນຍານຂອງລັດຖະບານຈີນ, ຮູ້ສຶກເຖິງກຳລັງດ້ານເສດຖະກິດຂອງຈີນທີ່ກຳລັງຢູ່ໃນໄລຍະທີ່ສຳຄັນຂອງການຫັນປ່ຽນຮູບແບບການພັດທະນາ. ຈີນຈະຣັກສາການພັດທະນາດ້ານເສດຖະກິດຢ່າງປອດໃສໃນໄລຍະຍາວ, ຈີນຈະສືບຕໍ່ພັດທະນາຕາມເສັ້ນທາງການປະຕິຮູບແລະເປີດປະຕູສູ່ພາຍນອກ.
ໃນເດືອນມີນາປີນີ້ລັດຖະບານຈີນຊຸດໃໝ່ເລີ່ມເຂົ້າບໍລິຫານປະເທດ, ກໍໄດ້ສະເໜີຢ່າງຈະແຈ້ງວ່າເອົາການພັດທະນາເສດຖະກິດຢ່າງຕໍ່ເນື່ອງ, ການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງບໍ່ຢຸດຢັ້ງ, ການຊຸກຍູ້ໃຫ້ສັງຄົມມີຄວາມຍຸດຕິທຳເປັນເປົ້າໝາຍຂອງການບໍລິຫານ. ຈີນຕ້ອງວາງແຜນ"ການເຮັດໃຫ້ການເຕີບໂຕມີຄວາມໝັ້ນທ່ຽງ, ການປັບປຸງໂຄງປະກອບ, ການຊຸກຍູ້ການປະຕິຮູບ."
ການລົງເລິກການປະຕິຮູບຍັງຄົງແມ່ນກຳລັງຊຸກຍູ້ແບບຍືນຍົງ. ລັດຖະບານຈີນຈະສືບຕໍ່ຊຸກຍູ້ການປະຕິຮູບດ້ານການຄຸ້ມຄອງການບໍລິຫານ, ການເງິນພາສີ, ທະນາຄານ, ລາຄາແລະອື່ນໆ. ພ້ອມກັນນັ້ນ, ການເລັ່ງລັດການເປີດປະຕູສູ່ນອກເປັນເຄື່ອງຍູ້ໜູນ.
ທ່ານຫຼີເຄີ້ສຽງກ່າວວ່າ, ການເປີດກວ້າງຄວາມຕ້ອງການພາຍໃນແມ່ນທິດທາງການພັດທະນາຕົ້ນຕໍ. ໃນຂະນະທີ່ເອົາໃຈໃສ່ການບໍລິໂພກ, ຈີນກໍຕ້ອງຮັກສາການລົງທຶນຢ່າງເໝາະສົມ, ຈຸດສຳຄັນແມ່ນເລັ່ງລັດການພັດທະນາຂະແໜງການປະຢັດພະລັງງານແລະອະນຸລັກສິ່ງແວດລ້ອມ, ການກໍ່ສ້າງໂຄງການທາງລົດໄຟພາກກາງແລະພາກຕາເວັນຕົກ, ພື້ນຖານໂຄງໃນຕົວເມືອງແລະອື່ນໆ. ການຫັນເປັນຕົວເມືອງໄດ້ສະໜອງກຳລັງບົ່ມຊ້ອນຢ່າງໃຫຍ່ຫຼວງແກ່ການເປີດກວ້າງຄວາມຕ້ອງການພາຍໃນໃນໄລຍະຍາວ. ຂະແໜງການບໍລິການແມ່ນຈຸດຄ້ຳຊູໃໝ່.
ຈີນຍັງແມ່ນປະເທດທີ່ກຳລັງພັດທະນາ, ມີໜ້າທີ່ແລະມີສິ່ງທ້າທາຍຂອງຕົນຢ່າງຫຼວງຫຼາຍ, ຄຽງຄູ່ກັບການເພີ່ມຂຶ້ນຂອງກຳລັງສັງລວມແຫ່ງຊາດຂອງຈີນ, ຈະຫາບແບກໜ້າທີ່ແລະພັນທະທີ່ເໝາະສົມກັບເງື່ອນໄຂຂອງຕົນຢ່າງຫຼາຍກວ່າເກົ່າໃນວຽກງານສາກົນ, ຮ່ວມກັນກັບປະເທດຕ່າງໆໃນການຊຸກຍູ້ສັນຕິພາບແລະການພັດທະນາຂອງໂລກ. ຂ້າພະເຈົ້າຫວັງວ່າ, ເສດຖະກິດຂອງໂລກຈະຟື້ນຟູຄວາມຈະເລີນຮຸ່ງເຮືອງຄືນໃໝ່ຢ່າງແນ່ນອນ. ການຂະຫຍາຍຕົວຂອງເສດຖະກິດຈີນກໍ່ຈະສະໜອງກຳລັງໃໝ່ແກ່ເສດຖະກິດຂອງໂລກເຊັ່ນກັນ.
