ເຈົ້າໜ້າທີ່ຟີລິບປິນສັ່ງຫ້າມສັນຈອນໃນຍາມກາງຄືນຢູ່ເມືອງຈໍາໂບນກາທາງພາກໃຕ້ຂອງຟີລິບປິນ
ວັນທີ9ກັນຍານີ້,ຜູ້ປະກອບອາວຸດຂອງແນວໂຮມປົດປ່ອຍຊາດໂມໂລຂອງຟີລິບປິນໄດ້ເຂົ້າໂຈມຕີເມືອງຈໍາໂບນກາທີ່ເປັນເມືອງທ່າເຮືອການຄ້າທາງພາກໃຕ້ຂອງຟີລິບປິນແລະໄດ້ເກີດການສູ້ຮົບກັບກອງທັບປະຈໍາທ້ອງຖິ່ນແລະຕໍາຫລວດ.ເຈົ້າໜ້າທີ່ຟີລິບປິນໄດ້ສັ່ງຫ້າມສັນຈອນໃນຍາມກາງຄືນຢູ່ເມືອງດັ່ງກ່າວ ເພື່ອບໍ່ໃຫ້ສະພາບການຮ້າຍແຮງຂຶ້ນ.ເຈົ້າໜ້າທີ່ທະຫານຟີລິບປິນກ່າວວ່າ,ການສູ້ຮົບໃນຄັ້ງນີ້ໄດ້ເຮັດໃຫ້4ຄົນເສຍຊີວິດແລະຢ່າງໜ້ອຍ17ຄົນໄດ້ຖືກບາດເຈັບ,ຍັງມີພົນລະເມືອງ200ກວ່າຄົນຖືກຈັບເປັນຕົວປະກັນ.
ຂ່າວແຈ້ງອີກວ່າ,ພາຍຫລັງເກີດເຫດການທີ່ແນວໂຮມປົດປ່ອຍຊາດໂມໂລຂອງຟີລິບປິນເຂົ້າໂຈມຕີເມືອງຈໍາໂບນກາທາງພາກໃຕ້ຂອງຟີລິບປິນໃນວັນທີ9ກັນຍານີ້,ກອງກໍາລັງປ້ອງກັນຄວາມສະຫງົບຂອງມາເລເຊຍປະຈໍາເຂດຊາຍແດນພາກຕາເວັນອອກຂອງລັດບາຊາໄດ້ຍົກສູງສະຕິລະວັງຕົວເພື່ອຫລີກເວັ້ນບໍ່ໃຫ້ເກີດເຫດການທີ່ພົນລະເມືອງພາກໃຕ້ຟີລິບປິນໄດ້ຫລັ່ງໄຫລເຂົ້າໃນເມືອງບາຊາໃນຊຸມປີ1970ນັ້ນເກີດຂຶ້ນອີກເທື່ອໃໝ່.
