ທ່ານຫລີເຄີ້ສຽງພົບປະກັບຮອງນາຍົກລັດຖະມົນຕີລັດເຊຍແລະກ່າວວ່າການຕ້ານໄພນໍ້າຖ້ວມຮ່ວມຂອງຈີນແລະລັດເຊຍໄດ້ສະແດງໃຫ້ເຫັນເຖິງການພົວພັນຄູ່ຮ່ວມມືຍຸດທະສາດຮອບດ້ານ
ວັນທີ10ກັນຍານີ້,ໃນເວລາພົບປະກັບທ່ານອາຄາດີ ໂດວໍໂຄວິກ,ຮອງນາຍົກລັດຖະມົນຕີລັດເຊຍ,ທ່ານຫລີເຄີ້ສຽງ,ນາຍົກລັດຖະມົນຕີຈີນໄດ້ສະແດງຄວາມຢື້ຢາມຖາມຂ່າວແລະຄວາມຫ່ວງໃຍຕໍ່ເຂດພາກຕາເວັນອອກໄກຂອງລັດເຊຍທີ່ປະສົບກັບໄພນໍ້າຖ້ວມ.
ທ່ານຫລີຄື້ສຽງກ່າວວ່າ,ທ່ານເຄີຍໂອ້ລົມກັບທ່ານເມດເວເດຟໂດຍຜ່ານໂທລະສັບເປັນເວລາ2ຄັ້ງ ເພື່ອປືກສາຫາລືຮ່ວມກັນກ່ຽວກັບການຕ້ານໄພນໍ້າຖ້ວມຢູ່ແມ່ນໍ້າໄຮ່ຫລົງຈ່ຽງ.ທ່ານໄດ້ຄວາມຂອບໃຈຕໍ່ລັດເຊຍທີ່ໄດ້ໃຫ້ການຊ່ວຍເຫລືອແກ່ຈີນໃນການຕ້ານໄພນໍ້າຖ້ວມຢູ່ຍ່ານເໜືອຂອງແມ່ນໍ້າເຊິ່ງໄດ້ສະແດງໃຫ້ເຫັນເຖິງການພົວພັນຄູ່ຮວມມືຍຸດທະສາດຮອບດ້ານຢ່າງເຕັມທີ່.
ທ່ານ ອາຄາດີ ໂດວໍໂຄວິກໄດ້ກ່າວສະແດງຄວາມຢື້ຢາມຖາມຂ່າວຈາກທ່ານປູຕິນ ປະທານາທິບໍດີລັດເຊຍ ແລະທ່ານເມດເວເດຟ ນາຍົກລັດຖະມົນຕີລັດເຊຍ ຕໍ່ທ່ານຫລີເຄີ້ສຽງ.ທ່ານຫລີຄື້ສຽງກໍໄດ້ສະແດງຄວາມຂອບໃຈນໍາການຢື້ຢາມຖາມຂ່າວດັ່ງກ່າວ.
