ຈີນແລະອາຊຽນເພີ່ມທະວີການຮ່ວມມືໃນຂົງເຂດຄວາມໝັ້ນຄົງທີ່ບໍ່ເປັນມູນເຊື້ອມີຜົນດີຕໍ່ການເພີ່ມທະວີຄວາມໄວ້ເນື້ອເຊື່ອໃຈກັນ
(GMT+08:00) 2013-09-11 14:24:39 cri
ຕາມຂ່າວCRI：ຕອນເຊົ້າວັນທີ10ກັນຍານີ້, ກຳປັ່ນໂຮງໝໍ"ເຮີຜິງຟ່າວໂຈ່ງ"ຂອງກອງທັບເຮືອຈີນໄດ້ເດີນທາງໄປເຖິງອິນໂດເນເຊຍ, ເພື່ອເຂົ້າຮ່ວມການລາດຕະເວນກວດສຸຂະພາບແລະປິ່ນປົວຮ່ວມທີ່ຈັດຂຶ້ນຮ່ວມໂດຍກອງທັບເຮືອອິນໂດເນເຊຍ, ຈີນແລະສິງກະໂປ. ວັນທີ9ກັນຍານີ້, ການເຝິກຊ້ອມຕໍ່ຕ້ານການກໍ່ການຮ້າຍຄັ້ງທຳອິດຂອງກອງປະຊຸມເປີດກວ້າງລັດຖະມົນຕີກະຊວງປ້ອງກັນປະເທດອາຊຽນໄດ້ຈັດຂຶ້ນຢູ່ອິນໂດເນເຊຍ, ຈີນໄດ້ສົ່ງເຈົ້າໜ້າທີ່ທະຫານ18ຄົນເຂົ້າຮ່ວມ. ກ່ອນໜ້ານີ້ທ່ານຈ່າງເສກ່າງ, ຮອງຫົວໜ້າສະຖາບັນຄົ້ນຄວ້າອາຊີໃຕ້ແລະອາຊີຕາເວັນອອກສຽງໃຕ້ຂອງສະຖາບັນຄົ້ນຄວ້າການພົວພັນສາກົນຍຸກປະຈຸບັນຈີນໄດ້ໃຫ້ສຳພາດຕໍ່ນັກຂ່າວCRIໂດຍກ່າວວ່າ, ການຮ່ວມມືດ້ານຄວາມໝັ້ນຄົງລະຫວ່າງຈີນແລະອາຊຽນແມ່ນຂົງເຂດໜຶ່ງທີ່ສຳຄັນ, ສອງຝ່າຍເພີ່ມທະວີການຮ່ວມມືໃນຂົງເຂດຄວາມໝັ້ນຄົງທີ່ບໍ່ເປັນມູນເຊື້ອມີຜົນດີຕໍ່ການເພີ່ມທະວີຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍ.
ທ່ານຈ່າງເສກ່າງກ່າວວ່າ, ຄວາມໝັ້ນຄົງທີ່ບໍ່ເປັນມູນເຊື້ອນັບມື້ນັບກາຍເປັນຈຸດສຳຄັນທີ່ໄດ້ຣັບການເອົາໃຈໃສ່ຈາກບັນດາປະເທດອາຊີປາຊີຟິກ, ກໍແມ່ນຈຸດສຳຄັນຂອງການເພີ່ມທະວີການຮ່ວມມື ລະຫວ່າງຈີນແລະອາຊຽນຕື່ມອີກ. ພາຍໃຕ້ບັນດາຂອບການຮ່ວມມືໃນປະຈຸບັນ, ເຊັ່ນກອງປະຊຸມສຸດຍອດອາຊຽນຕ່າງໆ, ກອງປະຊຸມເປີດກວ້າງລັດຖະມົນຕີປ້ອງກັນປະເທດອາຊຽນ, ເວທີປຶກສາຫາລືພາກພື້ນອາຊຽນແລະອື່ນໆ, ຈີນແລະອາຊຽນສາມາດດຳເນີນການຄົ້ນຄວ້າພິຈາລະນາແລະແລກປ່ຽນກັນຢ່າງເລິກເຊິ່ງກ່ຽວກັບຫົວຂໍ້ການປ້ອງກັນຄວາມໝັ້ນຄົງ. ໃນເດືອນມິຖຸນາປີນີ້ກຳປັ່ນໂຮງໝໍ"ເຮີຜິງຟ່າງໂຈ່ວ"ຈີນໄດ້ເຂົ້າຮ່ວມການເຝິກຊ້ອມຮ່ວມການຊ່ອຍເຫຼືອກູ້ໄພດ້ານມະນຸດສະທຳແລະແພດສາດທາງການທະຫານອາຊຽນຢູ່ບຣູໄນເປັນຄັ້ງທຳອິດນີ້ກໍ່ແມ່ນການເລີ່ມຕົ້ນທີ່ດີ, ໃນຕໍ່ໜ້ານີ້ຈະສາມາດເປີດກວ້າງການເຝິກຊ້ອມຫຼາຍຝ່າຍຕື່ມອີກລະຫວ່າງຈີນແລະປະເທດອື່ນໆຂອງອາຊຽນ.
ທ່ານຈ່າງເສກ່າງເຫັນວ່າ, ຈີນກັບບາງປະເທດອາຊຽນຍັງມີຄວາມຂັດແຍ້ງກ່ຽວກັບອະທິປະໄຕດ້ານດິນແດນ, ແຕ່ນີ້ບໍ່ແມ່ນເນື້ອໃນທັງໝົດຂອງການພົວພັນລະຫວ່າງຈີນແລະອາຊຽນ. ສອງຝ່າຍຄວນດຳເນີນການຮ່ວມມືຢ່າງແທ້ຈິງເພື່ອເພີ່ມຄວາມໄວ້ເນື້ອເຊື່ອໃຈແລະກຳຈັດຂໍ້ຂ້ອງໃຈລະຫວ່າງສອງຝ່າຍ.
ທ່ານຈ່າງເສກ່າງກ່າວວ່າ, ຄວາມໝັ້ນຄົງທີ່ບໍ່ເປັນມູນເຊື້ອນັບມື້ນັບກາຍເປັນຈຸດສຳຄັນທີ່ໄດ້ຣັບການເອົາໃຈໃສ່ຈາກບັນດາປະເທດອາຊີປາຊີຟິກ, ກໍແມ່ນຈຸດສຳຄັນຂອງການເພີ່ມທະວີການຮ່ວມມື ລະຫວ່າງຈີນແລະອາຊຽນຕື່ມອີກ. ພາຍໃຕ້ບັນດາຂອບການຮ່ວມມືໃນປະຈຸບັນ, ເຊັ່ນກອງປະຊຸມສຸດຍອດອາຊຽນຕ່າງໆ, ກອງປະຊຸມເປີດກວ້າງລັດຖະມົນຕີປ້ອງກັນປະເທດອາຊຽນ, ເວທີປຶກສາຫາລືພາກພື້ນອາຊຽນແລະອື່ນໆ, ຈີນແລະອາຊຽນສາມາດດຳເນີນການຄົ້ນຄວ້າພິຈາລະນາແລະແລກປ່ຽນກັນຢ່າງເລິກເຊິ່ງກ່ຽວກັບຫົວຂໍ້ການປ້ອງກັນຄວາມໝັ້ນຄົງ. ໃນເດືອນມິຖຸນາປີນີ້ກຳປັ່ນໂຮງໝໍ"ເຮີຜິງຟ່າງໂຈ່ວ"ຈີນໄດ້ເຂົ້າຮ່ວມການເຝິກຊ້ອມຮ່ວມການຊ່ອຍເຫຼືອກູ້ໄພດ້ານມະນຸດສະທຳແລະແພດສາດທາງການທະຫານອາຊຽນຢູ່ບຣູໄນເປັນຄັ້ງທຳອິດນີ້ກໍ່ແມ່ນການເລີ່ມຕົ້ນທີ່ດີ, ໃນຕໍ່ໜ້ານີ້ຈະສາມາດເປີດກວ້າງການເຝິກຊ້ອມຫຼາຍຝ່າຍຕື່ມອີກລະຫວ່າງຈີນແລະປະເທດອື່ນໆຂອງອາຊຽນ.
ທ່ານຈ່າງເສກ່າງເຫັນວ່າ, ຈີນກັບບາງປະເທດອາຊຽນຍັງມີຄວາມຂັດແຍ້ງກ່ຽວກັບອະທິປະໄຕດ້ານດິນແດນ, ແຕ່ນີ້ບໍ່ແມ່ນເນື້ອໃນທັງໝົດຂອງການພົວພັນລະຫວ່າງຈີນແລະອາຊຽນ. ສອງຝ່າຍຄວນດຳເນີນການຮ່ວມມືຢ່າງແທ້ຈິງເພື່ອເພີ່ມຄວາມໄວ້ເນື້ອເຊື່ອໃຈແລະກຳຈັດຂໍ້ຂ້ອງໃຈລະຫວ່າງສອງຝ່າຍ.
