ອິນໂດເນເຊຍໄດ້ກາຍເປັນອົງກອນເສດຖະກິດທີ່ກ້າວໜ້າໄວທີ່ສຸດໃນປະເທດສະມາຊິກກຸ່ມຈີ20
(GMT+08:00) 2013-09-11 14:36:20 cri
ບົດລາຍງານກ່ຽວກັບຄວາມສາມາດການແຂ່ງຂັນທົ່ວໂລກປີ2013-2014ທີ່ເວທີປຶກສາຫາລືເສດຖະກິດໂລກໄດ້ເປີດເຜີຍເມື່ອບໍ່ດົນມານີ້ສະແດງໃຫ້ເຫັນວ່າ,ຄວາມສາມາດການແຂ່ງຂັນໃນໂລກຂອງອິນໂດເນເຊຍໄດ້ຖືກຈັດຢູ່ອັນດັບທີ38,ຖ້າທຽບກັບປີຜ່ານມານີ້ໄດ້ກ້າວຂຶ້ນ12ລໍາດັບ ເຊິ່ງໄດ້ກ້າວກະໂດດຂຶ້ນມາເປັນອົງກອນເສດຖະກິດທີ່ກ້າວໜ້າໄວທີ່ສຸດໃນປະເທດສະມາຊິກກຸ່ມຈີ20ນັບແຕ່ປີ2006ເປັນຕົ້ນມາ.ບົດລາຍງານໄດ້ຊີ້ໃຫ້ເຫັນວ່າ,ການດໍາເນີນການປະຕິຮູບທີ່ຕັ້ງໜ້າຂອງລັດຖະບານອິນໂດເນເຊຍເປັນຂໍ້ກະແຈທີ່ສໍາຄັນໃນການຍົກສູງຄວາມສາມາດຂອງການແຂ່ງຂັນຢ່າງໄວວາ.ຖ້າເປັນໄປຄືແນວນີ້ເປັນເວລາຍາວນານ,ອິນໂດເນເຊຍຈະສາມາດສືບຕໍ່ຮັກສາອັດຕາການເຕີບໂຕເສດຖະກິດທີ່ສູງໃນອີກ10ປີຕໍ່ໜ້າ.ທ່ານສະວາກ,ນັກຄົ້ນຄວ້າຂອງສູນຄົ້ນຄວ້າເສດຖະກິດອິນໂດເນເຊຍກ່າວວ່າ,ຄວາມສາມາດການແຂ່ງຂັນໃນໂລກຂອງອິນໂດເນເຊຍໄດ້ຮັບການຍົກສູງຂຶ້ນຍ້ອນວ່າການກໍ່ສ້າງພື້ນຖານໂຄງລ່າງ,ການຄຸ້ມຄອງການພັດທະນາຊັບພະຍາກອນມະນຸດແລະການກໍ່ສ້າງອົງການລັດໄດ້ຮັບການປັບປຸງໃຫ້ດີຂຶ້ນ.